NG'ANG'UTYET 7:12 - BUKUIT NE TILIIL Sireet ne Dutero Kanon

¹² koleen, “Amen! Po Kamuktaindet nenyo kaberuret ak toroornatet, utaatyet ak kongoi ak teegisto, ak kamuktaet ak kimnateet, koigeny ak koigeny. Amen!”

Bukuit Ne Tilil

¹² koleen, “Amen! Po Kamuktaindet nenyo kaberuret ak toroornatet, utaatyet ak kongoi ak teegisto, ak kamuktaet ak kimnateet, koigeny ak koigeny. Amen!”

BUKUIT NE TILIL

¹² kole, Amen; Bo Jehovah nenyo kaberuret, ak torornatet, ak ng’omnatet, ak kongoi, ak teegisto, ak kamuktaet, ak kimnatet, koigeny ak koigeny. Amen.

NG'ANG'UTYET 7:12 Iomraidhean Croise

NEEMIA 12:46

Amu kobooch peetuusyegap Daudi ak Asaph, ko ki mi chiito ne oo ne po tyeniik ak kimi tyenwogigap kalasunet ak kagoitoetap kongoi ne kigoochin Kamuktaindet.

NEEMIA 12:8

Lawiik ko ki: Jeshua, Binui, Kadmiel, Serebia, Judah, ak Mattaniah ne ki pou kagoitoetap kongoi, ineendet kobooto tupchosyekyik.

TIENWOGIKAL 100:4

Oba kurgotikyik kobooto mwaetap kongoi, ak obe seremusyekyik olasunoti. Oweekyi kongoi ineendet, ak oberuur kainennyi.

TIENWOGIKAL 106:48

Iberuurot Kamuktaindet ne Toroor, Kamuktaindetap Israel, kobooch koigeny agoi koigeny. Ak ingomwa piik tugul kole, “Amen!” Olasu Kamuktaindet ne Toroor!

TIENWOGIKAL 107:22

Ak ingogoito korosegap kongoi, ak komwaita poisyonikyik eng' tyendo.

TIENWOGIKAL 116:17

Agoonin korosyot ne po kongoi, ak aguur kainetap Kamuktaindet ne Toroor.

TIENWOGIKAL 147:7

Otyenji Kamuktaindet ne Toroor kobooto kagoitoetap kongoi; otyenji Kamuktaindennyo kalasunoik eng' ketubet.

TIENWOGIKAL 41:13

Ingitoroor Kamuktaindet ne Toroor, Kamuktaindetap Israel, kobooch keny agoi koigeny. Amen, ak Amen.

TIENWOGIKAL 50:14

Igoochi Kamuktaindet korosyotap kongoi; ak yaakyi Ineendet Ne Toroor Miising' arorutiguk.

TIENWOGIKAL 72:19

Ak iberuurot kainennyi ne tinyei toroornatet agoi koigeny; Ak ingonyi ng'wony komugul toroornatennyi. Amen, ak Amen.

TIENWOGIKAL 89:52

Iberuurot Kamuktaindet ne Toroor agoi koigeny. Amen, ak Amen.

TIENWOGIKAL 95:2

Ongebwa tainnyi keeweekyi kongoi, Ongetyenji ineendet eng' kutitap poiboiyet eng' tyenwogigap kalasunet.

ISAIAH 51:3

Amu kagogaigai Kamuktaindet ne Toroor Zion: kagogaigai komoswekyik tugul che kigemeto, ak ki koyai ong'atennyi koigei Eden, ak koyai surkwenennyi koigei mbareetap Kamuktaindet ne Toroor; kinyoorchin olooto poiboiyet ak kaagaasetapkei, kobooto kongoi ak tyenwogik che rurei komyee.

JEREMIA 33:11

kigasei tuugeetap poiboiyet ak ne po kagasetapkei, ne po sandet ak ne po murereet, tuugeetap icheek che mwaei kole, oweekyi kongoi Kamuktaindet ne Toroor ne po lugoosyek, amu myee Kamuktaindet ne Toroor, amu tebyei koigeny rireenennyi: ak tuugeetap che igoitoi korosegap kongoi kobwa kootap Kamuktaindet ne Toroor. Amu agoochini koweek piigap emet che kigeluul, ko uu eng' tai, mwaei Kamuktaindet ne Toroor.

JEREMIA 33:9

Ak koek nganasani eng' anee kainet ne kiboiboitune, koek kalasunet ak toroornatet, eng' taitap pororyosyek tugul che po ng'wony, che kasei myeeindo tugul ne ayachini icheek, ak koiyweis ak kobotanso amu myeinooto tugul ak kaalyeet tugul ne agoochini nganasani.

JONAH 2:9

Ago kobooto mwaetap kongoi aeng'un tiseiywot; che ki aaroorun ayaagun. Po `Kamuktaindet ne Toroor yetunet!”

MATAYO 6:13

Amemutech ole mi yoomseet, ago sarwech eng' ne ya.” [Amu neng'ung' laitornatet, ak kamuktaet, ak toroornatet, agoi koigeny. Amen.]

ROMANIK 11:36

Amu pou ineendet, ak kobunu ineendet ak koweekyingei ineendet, tuguuk tugul. Punjin ineendet toroornatet koigeny. Amen.

1 KORINTOEK 14:16

Amu ngo ma uu nooto, ko ngiberuuri eng' Kabuuset ne Tiliil, komwaitoi ano “Amen” ye igoitoi kongoi, ineendet ne tebee ole mi che ma ineetkei amu ma naei kiit ne kimwae?

2 KORINTOEK 4:15

Amu tuguuk tugul ko agobo okweek, si ye tesak myeeindo eng' che chaang', koyai kagoitoetap kongoi kotesak eng' katorooretap Kamuktaindet.

KOLOSAIK 2:7

ko oo lumdootin ak ko oo teegotin eng' ineendet, ak kigimitok eng' kayaneng'wong', ko uu ye ki kinetak, otese omwae kongoi.

KOLOSAIK 3:17

Ak kiit age tugul ne oyae, eng' ng'olyoot anan eng' poisyet, oyai tugul eng' kainetap Kiptaiyat Jeso, omwachini Kamuktaindet Kwanda kongoi eng' ineendet.

JUDA 1:25

kobunji Kamuktaindet ne ineegei ne Yetindennyo, eng' Jeso Kristo Kiptaiyandennyo, toroornatet, etunateet, pounateet ak kimnateet, kobooch keny, nguno ak agoi koigeny. Amen.

NG'ANG'UTYET 1:18

Aa ne Sabei; kiga amei, ago keero, asabe koigeny ak koigeny; ak atinye yaateiwegap meet ak che po ye mi che ki kobek.

NG'ANG'UTYET 19:4

Ak ki ibutyi ng'wony poisyek tiptemu ak ang'wan che saptos ak kolas Kamuktaindet ne tebee ng'echereetap laitornatet, komwaei koleen, “Amen! Haleluya!”