NG'ANG'UTYET 21:4 - BUKUIT NE TILIIL Sireet ne Dutero Kanon

⁴ ak kous ineendet peegap kong' alak tugul eng' konyekwak. Amaa komi meet kogeny; ama komi kateiyet kogeny, anan riirek, anan ng'wanindo; kogosiirto tuguuk che po tai.”

Bukuit Ne Tilil

⁴ ak kous ineendet peegap kong' alak tugul eng' konyekwak. Amaa komi meet kogeny; ama komi kateiyet kogeny, anan riirek, anan ng'wanindo; kogosiirto tuguuk che po tai.”

BUKUIT NE TILIL

⁴ ak kous inendet beekab kong’ alak tugul eng’ konyekwak; ama komi meet kogeny; ama komi kateiyet kogeny, anan rirek, anan ng’wanindo; kogosiirto tuguk che bo tai.

NG'ANG'UTYET 21:4 Iomraidhean Croise

TIENWOGIKAL 144:4

Kergei chii ak kiy puch; uu peetuusyekyik merumbet ne siirtoi.

ISAIAH 25:8

Ki kolugui ineendet meet koigeny. Tuun ibuchi Kiptaiyat Kamuktaindet ne Toroor peegap kong' eng' togoochik tugul; ak koisto teweernatetap piikyik eng' ng'wony komugul. Amu kagomwa Kamuktaindet ne Toroor niito.

ISAIAH 30:19

Amu menyei `piik Zion eng' Jerusalem, ma iriiree kogeny. Iboorun iman myeeindo ye kas riireguk; ye kas kowolun.

ISAIAH 35:10

Ak koweek piigap Kamuktaindet ne Toroor che ki kityaach, ak kobwa Zion kotyenonu. Ak kotebee paragunnywa poiboiyetap koigeny, nyooru kagasetapkei ak poiboiyet, ak komwei arageneet ak tigenoik.

ISAIAH 51:11

Ak koweegegei che po Kamuktaindet ne Toroor che ki kityaach, ak kobwa Zion kotyenonu; ak tebee metowekwak poiboiyetap koigeny: nyooru kaagaasetapkei ak poiboiyet, ak komwei arageneet ak tigenet.

ISAIAH 60:20

Ma kororoktoi asiistang'ung', ama komeei araweng'ung': amu egu Kamuktaindet ne Toroor lapkeiyeng'ung' ne po koigeny, ak kogeskei peetuusyegap riireguk.

ISAIAH 61:3

si aaroorchi icheek che riirtos eng' Zion, kigoochi chepkulet ne karaaran kogeere oreek, ak mwaitap poiboiyet kogeere riirek, ak ngoryeetap kalasunet kogeere muguleldo ne nyalulat; si kobiit keguure keetiik che po imanda, che kimin Kamuktaindet ne Toroor, si kegonyit.

JEREMIA 31:12

Ak kobwa kotyen eng' ole toroor eng' Zion, ak koroot koba tugul ole mi myeeindap Kamuktaindet ne Toroor, ole mi peek, divaik, ak mwanik, ak ole mi aaregap keechiir ak moek, ak koigei saboonwekwak mbareet ne kibisi; ama koaragendos kogeny agot kitigin.

JEREMIA 31:13

Kobaibait anyun pergeiyat eng' ureryet, kobooto murenik ak poisyek ak icheek: amu awale riirekwak koek poiboiyet, ak agaigai icheek, ak agoochi koboiboitu kometo riirekwak.

HOSEA 13:14

Atyachi icheek komong' eng' kimnateet ne po kererit; asaru icheek eng' meet. Ee meet, mi ano korotweguk? Ee kererit, mi ano ng'emisyeng'ung'? Ma awale kabwaatutikyuk.

MATAYO 24:35

Siirtoi kipsengwet ak ng'wony, ago ma siirtoi ng'aleekyuk.

1 KORINTOEK 15:26

Puunyoot ne po let ne tuun king'emei ko meet.

1 KORINTOEK 7:31

ak icheeget che poisyee ng'wony, koigei che ma poisye miising': amu siirtoi itoondap ng'wonyuni.

2 KORINTOEK 5:17

Nooto anyun, ngo mi chii age tugul eng' Kristo, kogigeyai ineendet koek chiito ne leel: kagosiirto tuguuk che po keny; ogeero, kagoek che leelach.

2 KORINTOEK 6:17

Nooto anyun omong'u eng' kwenunnywa, Ak otabaange, mwaei Kiptaiyat, Amotwaa kiy ne po simdo; Si ataachak,

HEBRANIK 12:27

Ago ng'olyoondoniito, kamwa kole, “Ta konyilei agenge,” kobooru istoetap tuguuk che kimuuchi kitumdum, ko uu eng' tuguuk che ki keyai, si kobiit kong'et tuguuchooto che ma kitumdumi.

2 PETERO 3:10

Ago tuun nyoonei peetuutap Kiptaiyat ko uu choriin; ne siirtoe kipsengwet eng' cheet ne oo, ak kochootyo tuguuk tugul che ki kiyae ng'wony ak parak eng' maat ne koroom, ak kolal ng'wonyut ak poisyonik che mi.

1 JOHANA 2:17

Ak siirtoi ng'wony, kobooto magennyi: ago ineendet ne yaei mageetap Kamuktaindet kotebyei koigeny.

NG'ANG'UTYET 20:13

Ak kigon nyanjet che ki kobek che ki mi oriitinnyi; ak kigon meet ak ye mi che ki kobek, icheek che ki kobek che ki mi oriitinnywa, ak ki kirwookyi chii age tugul ko uu poisyonikyik.

NG'ANG'UTYET 20:14

Ak ki kiwiirchi meet ak ye mi che ki kobek, araraitap maat. Niito ko meet ne po aeng', araraitap maat.

NG'ANG'UTYET 21:1

Ak ki ageer kipsengwet ne leel ak ng'wony ne leel; amu ki kosiirto kipsengwet ne po tai ak ng'wonyut ne po tai; ama komi nyanjet kogeny.

NG'ANG'UTYET 22:3

Ama komi chubisyet kogeny: ak tuun mi oriitinnyi ng'echereetap laitornatet ne po Kamuktaindet ak ne po Aarwet: ak yachin poisyet ineendet otwogikyik;

NG'ANG'UTYET 7:17

amu egu Mestowonnywa Aarwet ne mi kwenutap ng'echereetap laitornatet, ak kondochin icheek koba kong'igap peek che saptos. Ak kouus Kamuktaindet peegap kong' alak tugul eng' konyekwak.”