NG'ANG'UTYET 21:22 - BUKUIT NE TILIIL Sireet ne Dutero Kanon

²² Ama ageer hekaluut eng' nganaseet; amu Kiptaiyat Kamuktaindet Ne po Kamuktaet ak Aarwet ko hekalunnyi.

Bukuit Ne Tilil

²² Ama ageer hekaluut eng' nganaseet; amu Kiptaiyat Kamuktaindet Ne po Kamuktaet ak Aarwet ko hekalunnyi.

BUKUIT NE TILIL

²² Ama ageer hekalut orit; amu Kiptaiyat Jehovah Kamuktaindet ak Aruet ko hekalunnyi.

NG'ANG'UTYET 21:22 Iomraidhean Croise

1 LAITORINIK 8:27

“Ago tos meny Kamuktaindet ng'wony iman? Keero, ma yamin kipsengwet itebee, anan kipsengwet ne po parak miising', ko ming'in ne tya anyun kooi koateech!

2 ATEPTAP PEETUUSYEK 2:6

Ago ng'oo anyun ne imuuchi koteekyi ineendet koot, ngo mayamei ineendet kipsengwet, kipsengwet ne po parak miising'? Aa ng'oo anyun, kot ateekyi koot, kobatee kebeelji nyamdutik eng' tainnyi?

2 ATEPTAP PEETUUSYEK 6:18

Ago tos menyei Kamuktaindet ak piik iman eng' ng'wony? Keero, ma yamin kipsengwet itebee, anan kipsengwet ne po parak miising', ko ming'in ne tya anyun kooi koateech!

ISAIAH 66:1

Mwaei Kamuktaindet ne Toroor kole, kipsengwet ko ng'echerennyu ne po laitornatet, ak ng'wony ko ng'echereetap keelyekyuk: oteekwo koot ne uu nee? Ak komosta ano ole amuung'e?

MATAYO 24:2

Ago ki wolji ineendet icheek kole, “Mogeere tuguuchu tugul? Amwaiwok iman ale, ma koi ng'etunee koita age paragutap age, ne ma ki wiirchin ng'wony.”

JOHANA 10:30

Anee ak Kwanda, ko ki agenge.”

JOHANA 13:32

ak tuun itoroori `Kamuktaindet ineendet eng' oriitinnyi; ak kotoroori ineendet eng' sainooto.

JOHANA 4:21

Koleenji Jeso, Kobogoryondoni, iyana, nyoonei sait, ye ma kosaae Kwanda eng' tulwooni, anan eng' Jerusalem.

JOHANA 4:23

Ago nyoonei sait, ak kagoit nguno, ye saaei Kwanda saaik che po iman eng' Kabuuset ne Tiliil ak imanit: amu cheeng'oti Kwanda che uu chooto koek che saaei ineendet.

KOLOSAIK 1:19

Amu ki chamak komyee keele komeny nyiyet tugul eng' ineendet;

KOLOSAIK 2:9

amu menyei eng' ineendet eng' poorto nyiyet tugul ne po Kamuktaindet,

NG'ANG'UTYET 1:8

“Anee ko aa Alpha ak ko aa Omega,” mwaei Kiptaiyat Kamuktaindet, Ne po Kamuktaet, ne mi ak ko ki mi ak ko tuun nyoonei.

NG'ANG'UTYET 11:17

kole, “Kimwaun kongoi, ee Kiptaiyat Kamuktaindet, Ne po Kamuktaet, ne imi ak ki imi; amu ka inam kamuktaeng'ung' ne oo, ak ibou.

NG'ANG'UTYET 14:4

Chuuto ko icheeget che ma imurwongei eng' kobogorisyek; amu pergeinik icheeget. Chuuto ko icheeget che isubi Aarwet eng' oldo tugul ole wendi. Ki kial chuuto eng' kwenutap piik, koek tongoanik eng' Kamuktaindet ak eng' Aarwet.

NG'ANG'UTYET 15:3

Ak kotyeni icheek tyendap Musa otwogindetap Kamuktaindet, ak tyendap Aarwet, koleen, “Eechen poisyoniguk ak ko po kwong'eet, ee Kiptaiyat Kamuktaindet, Ne po Kamuktaet. Po imanda ak ko po iman ortinweguk, inyee Laitoryatap pororyosyek.

NG'ANG'UTYET 16:14

amu chooto ko tamirmirigap oik, che yaei kaboorunoik; che pendi kaplaitorinigap ng'wony komugul, si koyum icheek koba lugeet eng' peetuut ne oo ne po Kamuktaindet, Ne po Kamuktaet.

NG'ANG'UTYET 16:7

Ak ki agas kaptisisyet komwa kole, “Uu nooto, ee, Kiptaiyat Kamuktaindet, Ne po Kamuktaet, po iman ak ko po imanda kirwoogutiguk.”

NG'ANG'UTYET 19:15

Ak ki mang'une kutinnyi rotwetap chok ne ng'atip, si kobiit kobire pororyosyek: ak koboi icheek eng' kirokto ne po karnet: ak kotyech sabibuk eng' ole kituisye che po koroomnateet ne po nereegegap Kamuktaindet Ne po Kamuktaet.

NG'ANG'UTYET 4:8

Ak nyiitootiin tyong'ichooto ang'wan saptos koonyek, komoswek tugul ak oriit, kotinyei age tugul kebebaik lo. Ama imuunyi icheek peet ak kemoi, komwaei koleen, “Tiliil, tiliil, tiliil, Kiptaiyat Kamuktaindet, Ne po Kamuktaet, ne ki mi ak komi ak ko tuun nyoonei.”

NG'ANG'UTYET 5:6

Ak ki ageer eng' kwenutap ng'echeranooto po laitornatet ak tyong'ichooto ang'wan saptos, ak eng' kwenutap poisyechooto, kotonone Aarwet ko uu ne kageeny, kotinyei kuinoik tisap, ak koonyek tisap, che saboonwek tisap che po Kamuktaindet, che ki kiyookto koba ng'wony komugul.

NG'ANG'UTYET 7:15

Mi anyun icheek taitap ng'echereetap laitornatet ne po Kamuktaindet, ak koboisyechin ineendet peet ak kemoi eng' hekalunnyi, ak koiito ineendet ne tebee ng'echereetap laitornatet emainnyi eng' paragunnywa.

NG'ANG'UTYET 7:17

amu egu Mestowonnywa Aarwet ne mi kwenutap ng'echereetap laitornatet, ak kondochin icheek koba kong'igap peek che saptos. Ak kouus Kamuktaindet peegap kong' alak tugul eng' konyekwak.”