NEEMIA 2:17 - BUKUIT NE TILIIL Sireet ne Dutero Kanon

¹⁷ Yeityo aleenji, “Ogeere nyalili kimi, ko uu Jerusalem ak ormariichokyik che ki kolalyo ak koek karaatya. Ara obwa anyun keteech kogeny irimeetap Jerusalem, si mata keegu che kichoosei.”

Bukuit Ne Tilil

¹⁷ Yeityo aleenji, “Ogeere nyalili kimi, ko uu Jerusalem ak ormariichokyik che ki kolalyo ak koek karaatya. Ara obwa anyun keteech kogeny irimeetap Jerusalem, si mata keegu che kichoosei.”

BUKUIT NE TILIL

¹⁷ Yeityo alenji, Ogeere nyalili kimi, ko u ye kigoek karatia Jerusalem, ak kigolalyo ormarichyokyik: obwa keteech kogeny irimetab Jerusalem, si mata keegu che kichurei.

NEEMIA 2:17 Iomraidhean Croise

EZRAH 9:9

Nga ki otwogik, koma pagakyech Kamuktaindennyo otwoknatennyo, ago ki ityech rireenet eng' taitap laitorinigap Persia, si kogoonech kasoobet, si kelumda kootap Kamuktaindennyo ak keteech ole Ki kong'emak eng' koyooto ak kegoonech irimeet eng' Judah ak Jerusalem.”

NEEMIA 1:3

Kimwaiwo icheek kole, “Tinyei nyalilda ne oo ak churisyet eng' emonooto piik che ki ng'et eng' che kiga keluul. Ki kobutok agine irimeetap Jerusalem ak ki kebeel ormariichokyik.”

NEEMIA 2:13

Ki amande kemoi eng' ormariichet ne po atebweet, ne tokyingei kondap peek ne po maswetit, agoi ormariichetap kiptangasyat ak ki atoben irimoigap Jerusalem che kiga kobutok ak ormariichook che kiga kolalyo.

NEEMIA 2:16

Ki ma nai pounik ole kigawe anan kiit ne ki ayai, amu kitom amwachi Yahudik anan ko tisiik anan ko piik che taagunotiin anan ko pounik anan ko che kiboisyei.

NEEMIA 3:15

Ki teech kogeny ormariichetap kondap peek Shallum weeriitap Kolhose, pounindetap kooretap Mispa. Ye kingo teech, kotuch, konde kereiywekyik, poldiinikyik che ki kiige ak temeleiywekyik. Ki teech irimeet ne po tamboiyotap Shelah ole neegitee seremutap kaplaitoryat, agoi lang'eiywot ne kichoortoegei kebendi nganaseetap Daudi.

TIENWOGIKAL 102:15

Iywei anyun pororyosyek kainetap Kamuktaindet ne Toroor, ak koywei laitorinik tugul che po ng'wony toroornateng'ung'.

TIENWOGIKAL 44:13

Kegoonech keegu che iteweeri piikyok che po kok, sasech ak kororechinech icheeget che mi komoswekyok.

TIENWOGIKAL 44:14

Kegoonech keegu kalewenet eng' kwenutap pororyosyek, ak kolelegoti piik metowek agobo acheek.

TIENWOGIKAL 79:12

Ak iyaakyi pororyosyek che neegiteenech konyil tisap eng' tegetikwak Kerennywa po kong', ne kigerin kong', inyee, ee Kiptaiyat.

TIENWOGIKAL 79:4

Kigeegu che iteweerotin eng' piik che neegiteenech, Saseech ak kororechinech anyun, che mi komoswekyok tugul.

JEREMIA 24:9

agoitoi icheek koek che ki wiirchin komosi ak komosi eng' pounatosyek tugul che po ng'wony si konyoor taiyet; koek teweernateet, ak kalewenet, chotisyet ak sasisyet, eng' komoswek tugul ole aoonjini icheek.

RIREKAB JEREMIA 2:2

Kigong'em Kiptaiyat meng'otosyek tugul che po Jakobo ama riiree. Ki kobut eng' nereegekyik irimoigap cheptap Judah. Ki koturuur icheek kobwa ng'wony eng' kalilanet pounateet ak pounikyik.

RIREKAB JEREMIA 3:51

Iimi `konyekyuk saboondanyu eng' tuguuk che kiityi tiibiik tugul che po nganasennyu.

EZEKIEL 5:14

Kogeny ayain iegu karaatya ak ne kiteweeri, eng' pororyosyek che mi komosweguk tugul, eng' taitap icheek tugul che siirtoi.

MIKAH 7:11

Peetuut ne kiteechei irimoiguk! Ki istoi kolooit ng'atuutyet eng' peetuunooto.

1 SAMUEL 11:2

Ak ki leenji `Nahas Amonindet icheek, “Ayae arorutyonooto kobootok eng' ng'olyoondoni ale kebalu konyekwok tugul che po tai si ande koek teweernateet eng' Israel tugul.”