NAHUM 2:4 - BUKUIT NE TILIIL Sireet ne Dutero Kanon

⁴ Kirgirendos kariisyegap lugeet eng' ortinwek, rusotegei eng' ortinwek che paroen. Uu tagunatennywa tochisyek, rwaei ko uu kalyelyosyek.

Bukuit Ne Tilil

⁴ Kirgirendos kariisyegap lugeet eng' ortinwek, rusotegei eng' ortinwek che paroen. Uu tagunatennywa tochisyek, rwaei ko uu kalyelyosyek.

BUKUIT NE TILIL

⁴ Kirgirendos karisiekab luget eng’ ortinwek, rusotegei eng’ ortinwek che baroen: u toogunenywa kegenganik, ruaei ko u kalyelyosiek.

NAHUM 2:4 Iomraidhean Croise

KALEWANAIK 31:21

Ma iywei kole tos nyoor piikyik kaitityetap teluji; amu ilaachi piik tugul che po koonnyi ngoroik che piriireen.

ISAIAH 37:24

Koichot Kiptaiyat eng' otwogiguk, ak koile, Anyoone kot aitu paragutap tuloonook kobooto chaang'indap kariisyekyuk, kot aitu oriit eng' Lebanon; ak aluul taragonikyik che kooen, ak piribirinikyik che korooron: ak achute komosta Ne Toroor Miising', timdap mbareennyi ne rurei.

ISAIAH 66:15

Amu ogeero, nyoonei Kamuktaindet ne Toroor eng' maat, ak koigei kariisyekyik che po lugeet kipchurchuryet; koyaakta nereegekyik eng' koroomnateet, ak koyaakta kerennyi po kong' eng' liplibenetap maat.

JEREMIA 4:13

Ogeero, togosu ineendet ko uu poolik, ak uu kipchurchuryet kariisyekyik che po lugeet. Chepchep paraisisyekyik kosiir kipsichinik. Pwo eng' acheek, amu kageng'emech!

JEREMIA 46:9

Otogoste, okweek, paraisisyek; ak ochakte okweek, kariigap lugeet; ak ingoba piik che nyigoonen: Kush ak Put, che tinyei long'onik; ak Ludik, che tinyei kwangok ak kong'iei.

EZEKIEL 23:24

Ak kobookyin kotinyei kariik, kariisyek che po lugeet ak kariisyek che lau tuguuk, ak tuiyet ne po pororyosyek: ibookyinin kotinyei long'onik che eecheen ak che mengeechen ak chepkuloigap lugeet eng' komoswek tugul: ak agoochi icheek kirwooget, si korwogun, ko uu kirwoogutikwak.

EZEKIEL 26:10

Tuchin temburyegap paraisisyekyik amu chaang'indonywa: itumdumegei irimoiguk amu kirgirenetap paraisisyek che laanyei piik, ak ne po kariisyek che lau tuguuk, ak ne po kariisyek che po lugeet, ye tuun punei ineendet ormariichoguk, ko uu piik che pendi nganaseet oriit kobunei ole ki kobutok.

EZEKIEL 26:7

Amu mwaei anyun Kiptaiyat Kamuktaindet ne Toroor kole: Ogeero, amuti Nebukadresar laitoryatap Babilon, ineendet laitoryatap laitorinik, kobookyi Tyro, kobunu murot kaataam, kobooto paraisisyek, ak kariisyekyik che po lugeet, ak piik che ketei paraisisyek, ak kweanet, ak piik che chaang'.