NAHUM 1:8 - BUKUIT NE TILIIL Sireet ne Dutero Kanon

⁸ Ak eng' maraneet ne oo, ko igeesu komosato, ak koon puunikyik koba mesundeito.

Bukuit Ne Tilil

⁸ Ak eng' maraneet ne oo, ko igeesu komosato, ak koon puunikyik koba mesundeito.

BUKUIT NE TILIL

⁸ Ago igesu komosato eng’ maranet ne o, ak koon bunikyik koba mesundeito.

NAHUM 1:8 Iomraidhean Croise

Kitabuutap JOB 30:15

Kagiweekyo kamuisosyek, oone teegistanyu ko uu ye onsei usoonet; Ak kagosiirto chamennyu pogei ko uu pooldet.

Kitabuutap JOB 40:11

Rong'u nereegeguk che ing'irtogei, ak igeer age tugul ne meenei, ak inyerat.

KALEWANAIK 4:19

Ooreetap kiptengeginik ko uu mesundeito; ma naei kiit ne riichei icheek.

ISAIAH 13:10

Amu kecheigap kipsengwet ak kecheikyik che iyumigei koma kogoonu lapkeiyennywa; imenitu asiista komachei kochor, ak ma kooluu arawet agine.

ISAIAH 13:9

Ogeero, nyoonei peetuutap Kamuktaindet ne Toroor, ne koroom, kobooto nereeknateet ak nereegek che ng'woneen, si kobiit koyai emet koguber, ak kong'em kiptengeginik kogees eng' yooto.

ISAIAH 28:17

Ak ayai kirwooget koek kiit ne litit, ak ayai imanda koek porowet ne kilititisye. Ak kobukto koigap ropta ole mwechin ne po lembechek, ak komarane peek ole kiung'egei.

ISAIAH 28:18

Yeityo kewal kayomiseng'wong' ne ki oyomiske ak meet koek puch, ama tononi kayanjineng'wong' ne ki oyanjine ak ye mi meet. Ye siirto pireet ne oo, ketyegatak anyun eng' yooto.

ISAIAH 28:2

Ogeero, tinyei `Kiptaiyat chiito age ne nyigan ak ko kiim; ko uu usoonetap roptap koik, usoonet ne ng'emisyei, ko uu usoonetap peek che kiimeen, che ing'irtogei, wiirchin ng'wony ko uu nooto eng' eunnyi.

ISAIAH 8:22

ak kogeer ng'wony, ago ogeero, mi pichiindo ak mesundeito, mesundeito ne po ndara; ak keonji icheek mesundeito ne oo.

JEREMIA 13:16

Ogonyit Kamuktaindet ne Toroor Kamuktaindeng'wong', kotom koip mesundeito konyo, kotom kinach keelyekwok eng' tuloonoogap mesundeito. Ak ye ocheeng'e lapkeiyet, kowal koek urwetap meet ak koyai koek mesundeito ne oo.

JEREMIA 51:64

ak imwa ile, Imaluuchi anyun peek Babilon ko uu nooto, ama kong'eetei kogeny amu yaityet ne tuun aipchini; ak kong'etyo. Igesunegei yuto ng'aleegap Jeremiah.

EZEKIEL 13:13

Mwaei anyun Kiptaiyat Kamuktaindet kole: Abete inatuniito eng' usoonet ne oo eng' nereegekyuk che ng'woneen; ak kobiit ropta ne oo eng' nereegekyuk, ak koik che eecheen che po ropta eng' nereegekyuk che ng'woneen, si kobiit kogees.

AMOS 8:8

Tos ma potani emet amu niito, ak koriir age tugul ne menyei olooto? Ee, ng'eetei komugul ko uu aineet; ak koiimgei ak koteeny kogeny, ko uu aineet ne po Misiri.

NAHUM 1:1

Maonateet agobo Nineveh. Kitabuut ne po ng'ang'utyetap Nahum Elkosindet.

NAHUM 2:8

Ki koigei `Nineveh tamboiyotap peek ne kagobutok, che rootei peekyik kobendi; kuurse koleen, “Otononie! Otononie!” Ago ma mi ne kusegong'.

SEPANIA 2:13

Ak kochuul eunnyi kotokyi komostap kaataam, ak kong'em Assyria; ak koyai Nineveh koek karaatya, ak koyaam, ko uu surkwen.

MATAYO 7:27

ak ki roobon, ak ki pwa mogoochek, ak kius usoonaik, ak koryep koyooto; ak kiluul: ak kieet luulennyi.”

MATAYO 8:12

ye tuun kitoorchin weeriik che po laitornatetap mesundeito ne po saang', ole mi riirek ak nyeetap kelek.”

1 SAMUEL 2:9

Riibei keelyegap piik che iywei ineendet, ago yaei kiptengeginik kolusyo eng' imenindo. Amu ma eng' kimnon si kobelis chii.