MIKAH 7:8 - BUKUIT NE TILIIL Sireet ne Dutero Kanon

⁸ amebaibaitunena, ee punyondennyu: ye kabut, ang'eete kogeny; ye atebee mesundeito, koegu Kamuktaindet ne Toroor lapkeiyennyu.

Bukuit Ne Tilil

⁸ amebaibaitunena, ee punyondennyu: ye kabut, ang'eete kogeny; ye atebee mesundeito, koegu Kamuktaindet ne Toroor lapkeiyennyu.

BUKUIT NE TILIL

⁸ amebaibaitunena, ee bunyondennyu: ye kabut, ang’eete kogeny; ye atebe mesundeito, koegu Jehovah lapkeiyennyu.

MIKAH 7:8 Iomraidhean Croise

Kitabuutap JOB 31:29

Ngot ko ki abaibaitu eng' ng'emisyetap ineendet ne wecho, anan aeetkei ye kinyoor yaityet ineendet,

TIENWOGIKAL 112:4

Ng'eetei lapkeiyet eng' mesundeito koluuchin che po iman; tinyei myeeindo, nyiitaat rireenet ak po iman.

TIENWOGIKAL 143:3

Amu kigous puunyoot saboondanyu; kigokwer saboondanyu kobutyi ng'wony, kigo koono ameng'oot ole imen, ko uu che ki kobek keny.

TIENWOGIKAL 20:8

Terteryote icheek ak kobutyo, ago acheek ko kageng'eetye, ketononse.

TIENWOGIKAL 27:1

Kamuktaindet ne Toroor ko lapkeiyennyu ak yetunennyu; tos aiywei ng'oo? Kamuktaindet ne Toroor ko kimnateetap saboondanyu; aiywei ng'oo?

TIENWOGIKAL 35:19

Amegoochi koboiboitunena puunikyuk puch, anan komismis koonyek che wecho puch.

TIENWOGIKAL 37:21

Chiito ne ma po iman kobesenisyei, ama yaagu: ago poisyee ne po imanda aiyebindo, ak kogoitoi kotugul.

TIENWOGIKAL 37:24

Agot ngo terteryot, koma itei ng'wony, amu namoti Kamuktaindet ne Toroor eunnyi.

TIENWOGIKAL 38:16

Asaae ale, si ma poiboitunena; ye kagochabaita keldanyu, kolasunenogei.

TIENWOGIKAL 84:11

Amu Kamuktaindet ne po Toroornatet ko uu asiista ak long'eet: Koonu Kamuktaindet ne Toroor myeeindo ak teegisto: Maete icheek che pendoti eng' imanda kiy age tugul ne myee.

TIENWOGIKAL 97:11

Kigooljin lapkeiyet che po iman, Ak ki kooljin kagasetapkei che po iman eng' mugulelwek.

ISAIAH 2:5

Ee kootap Jakobo, obwa kebendatee lapkeiyetap Kamuktaindet ne Toroor.

ISAIAH 49:9

koleenjin icheek che ratotiin, Omande; ak koleenjin che mi mesundeito, Obartegei. Amisyoti eng' ortinwek, ak egu komoswek che torooreen ole churat, ole ki agete.

ISAIAH 50:10

Ng'oo eng' okweek ne iywei Kamuktaindet ne Toroor, ne kase iit kutitap otwogindennyi? Ne wendote mesundeito, ama tinyei lapkeiyet, ingomang' kainetap Kamuktaindet ne Toroor ak kotiegei Kamuktaindennyi.

ISAIAH 9:2

Piik che kibendote mesundeito ko kogogeer lapkeiyet ne oo; icheek che ki menyei emetap urwetap meet ko nguno kogoluuchi lapkeiyet.

JEREMIA 48:27

Tos ma ek Israel eng' inyee ne kirorechin? Tos ki kinyoor komi ak chooriik? Amu kotugul ye ing'alaali agobo ineendet, ilelechi metit.

JEREMIA 50:11

Amu ogasigei, amu oboiboi, ee okweek che opookyini porotennyu, amu ourerendosi ko uu rooryat ne tyechei peek, ak oteei ko uu paraisisyek che kiimeen;

JEREMIA 8:4

Imwachini kogeny ileenjini, “Mwaei Kamuktaindet ne Toroor kole, Tos ibutos piik ama ng'eetos kogeny? Tos wo chii ama weeksei?

EZEKIEL 25:6

Amu mwaei Kiptaiyat Kamuktaindet ne Toroor kole: Amu ki irabrap euneguk, ak itwaltwal, ak ibaibaitu eng' koroomnateet tugul ne mi saboondang'ung' agobo emetap Israel;

EZEKIEL 35:15

Ko uu ye ki ibaibaitune poroteetap kootap Israel, amu kiguber, ayaun ko uu nooto: iguberi, ee, inyee tulweetap Seir, ak Edom komugul, komosato tugul; si konai icheek kole aa Kamuktaindet ne Toroor.

EZEKIEL 36:5

mwaei anyun Kiptaiyat Kamuktaindet ne Toroor kole: Ki amwa iman eng' maatap ng'etkondanyu agobo pororyosyek che ng'etunotiin, ak agobo Edom tugul, che kiityigei emennyu kole kobunji eng' poiboiyetap mugulelwekwak tugul, eng' koroomnatetap saboondo, si kogoito keluul:

AMOS 9:11

Ang'eeti eng' peetuunooto emaitap Daudi ne ki kobut, ak agerate ole kibutok; ak atuuru karatwekyik, ak ateech koigei ne ki po peetuusyek che po keny.

OBADIA 1:12

Ago amat igeer peetuutap ng'eetap kamenng'ung' eng' peetuutap tiritindanyi, amebaibaitu eng' lagogap Judah eng' peetuutap ng'emisyennywa; anan ing'alaal eng' menoteet eng' peetuutap pichiindo.

MIKAH 4:10

Ingonamin ng'wanindo, ak igimu, ee cheptap Zion, ko uu kwondo ne machei kosigiis: amu imandoi anyun nguno eng' nganaseet ak imeny mbar, ak iwe agoi Babilon; kisaruun eng' olooto; ityaachin Kamuktaindet ne Toroor eng' olooto eng' eutap puuniguk.

MIKAH 7:10

Yeityo kogeer anyun punyondennyu, ak kotuch `teweernateet ineendet ne ki leenjo, “Mi ano Kamuktaindet ne Toroor Kamuktaindeng'ung'?” Abaoryani eng' konyekyuk agobo kabutennyi; ak ketyekyin ng'wony ko uu ng'atateek che mi ortinwek.

SEKARIA 12:8

Riibei Kamuktaindet ne Toroor eng' peetuunooto piik che menyei Jerusalem; ak koigei ne nyalulat eng' icheek Daudi eng' peetuunooto; ak koigei kootap Daudi Kamuktaindet, ko uu malaikaiyatap Kamuktaindet ne Toroor ne mi tainnywa.

MALAKI 4:2

Ago okweek che oiywei kainennyu kochorchinok asiista ne po imanda ne ting'ee kanyaiset kebebaikyik; ak omande, ourerenote ko uu moek che kagiyaat.

MATAYO 4:16

Piik che ki tebee mesundeito ko ki kogeer lapkeiyet ne oo, ak icheek che ki tebee koreet ne po urwetap meet, ko ki kochoorchigei lapkeiyet.”

JOHANA 16:20

Amwaiwok, iman, iman, ale orirtosi ak oteitosi, ago paibai ng'wony: oaragendosi, ago kiweechi arageneng'wong' koek poiboiyet.

JOHANA 8:12

Ki mwachi Jeso anyun icheek kogeny, koleenji, “Aa lapkeiyet ne po ng'wony: ineendet ne isuba ko ma wendoti eng' mesundeito, ago nyooru lapkeiyetap saboondo.”

POISYONIGAP CHE KIYOKTOI 26:18

si kobiit ing'aany konyekwak, ak koweek eng' mesundeito kobwonji lapkeiyet, ak eng' kimnateetap Setani kobwonji Kamuktaindet, si konyoor icheek nyoetap kaat ne po tengekwogik ak poroteet eng' icheek che ki kitiliil amu kayaneet ne mi eng' anee.

2 KORINTOEK 4:6

Amu Kamuktaindet ne ki mwa kole, “Tuun iluu lapkeiyet eng' mesundeito,” ineendet ne ki iluuchi mugulelwekyok, si kogoon lapkeiyet ne po naetap toroornatetap Kamuktaindet eng' togeetap Jeso Kristo.

2 KORINTOEK 4:9

Ki onwech, ago ma kibagaaktaech; ki wiirtaech ago ma ki parech;

NG'ANG'UTYET 21:23

Ak ma machei nganaseet asiista, anan arawet, koluuchi: amu iluuchin liilindap Kamuktaindet, ak tainnyi ko Aarwet.

NG'ANG'UTYET 22:5

Ama komi kemout kogeny; ama machei lapkeiyetap tait, anan ko lapkeiyetap asiista; amu igoochin icheek lapkeiyet Kiptaiyat Kamuktaindet, ak laitorani icheek koigeny ak koigeny.