MIKAH 6:7 - BUKUIT NE TILIIL Sireet ne Dutero Kanon

⁷ Tos paibaitune Kamuktaindet ne Toroor mengichik eliphuusyek, anan ainoosyek eliphuusyek taman che po mwanik? Tos agoite taaitanyu agobo pistoennyu, agoite iyoteetap poortanyu agobo tengektap saboondanyu?

Bukuit Ne Tilil

⁷ Tos paibaitune Kamuktaindet ne Toroor mengichik eliphuusyek, anan ainoosyek eliphuusyek taman che po mwanik? Tos agoite taaitanyu agobo pistoennyu, agoite iyoteetap poortanyu agobo tengektap saboondanyu?

BUKUIT NE TILIL

⁷ Tos baibaitune Jehovah mengichik elfusiek, anan ainosiek elfusiek taman che bo mwanik? Tos agoite taitanyu agobo bistoennyu, agoite iyotetab bortanyu agobo tengektab sobondanyu?

MIKAH 6:7 Iomraidhean Croise

2 LAITORINIK 16:3

Ago ki wendotee ortinwegap laitorinigap Israel, ee, ak kogoito weeriinnyi kobun maat, ko uu tuguuk che kiwechei che po pororyosyek, che ki oon Kamuktaindet ne Toroor koba eng' taitap piigap Israel.

2 LAITORINIK 21:6

Ki igoito weeriinnyi kobun maat, king'orso ak koboisyee ponisyet, ak kobois kobooto piik che poisyee oik ak pooniik. Ki yai yaityet eng' taitap Kamuktaindet ne Toroor, kotach ineendet konereech.

2 LAITORINIK 23:10

Ki ing'wanit Topet, ne mi atebweetap lagogap Hinom, si ma igoito chii weeriinnyi anan ko cheptonyi kobun maat kogoochi Molek.

2 LAITORINIK 3:27

Ki nam anyun taaitanyi ne kita tuun namei laitornatennyi kogeeri ineendet ak kogoito koek kagoochinet ne kibeelei eng' inaatut parak. Ki piit nereegek che eecheen agobo Israel; ak ki pa eng' ole mi ineendet, koweektagei emennywa.

Kitabuutap JOB 29:6

Ye ki kiuune tyegutikyuk mwaitap cheego, ak kiroong'wa rwandet ainoosyegap mwanik!

TIENWOGIKAL 50:9

Ma kwerye tany eng' kaptugung'ung', anan kwesta eng' akwotisyeguk.

TIENWOGIKAL 51:16

Amu mebaibaitune tiseiywot; ta kagoonin. Mebaibaitune agot kagoochinoik che kibeelei.

TIENWOGIKAL 51:18

Yachi ne myee Zion ko uu ye ichame; teech kogeny irimoigap Jerusalem.

KALEWANAIK 15:8

Wechei `Kamuktaindet ne Toroor tiseiywotap kiptengeginik, ago poiboenji saaetap che po iman.

KALEWANAIK 21:3

Keyaei iman ak kirwooget, ko taachaksei eng' taitap Kamuktaindet ne Toroor kosiir korosyot.

ISAIAH 1:1

Ng'ang'utyet ne ki ityi Isaiah weeriitap Amos, ne ki keer agobo Judah ak Jerusalem, eng' peetuusyegap Uzziah, Jotham, Ahaz ak Hezekiah, laitorinigap Judah.

ISAIAH 40:16

Ak mayamei kweenigap Lebanon kilaal, ama yamei tyong'igap olooto koek kagoochinet ne kibeelei.

JEREMIA 19:5

ak ki koteekyi Baal komoswek che torooreen, si kobeel weeriikwak, koek kagoochinoik che kibeelei, kogoochin Baal; kiit ne ki ma ang'at, anan amwa, anan konyoonjo met:

JEREMIA 6:20

Tilei nee che nyamdut ngeibwa eng' Sheba, anan ko tuguuk che uu mutweek che nyamdut che ki ibune emet ne loo? Ma taachaksei kagoochinoikwok che po peelset, amachame tiseiywekwok.

JEREMIA 7:31

Kigoteech komoswek che torooreen che po Topet, ne mi atebweetap weeriitap Hinom, si kobeel weeriikwak ak tiibiikwak eng' maat; ne ki ma ang'at, ne ma kuura met.

EZEKIEL 23:37

Amu ki koyai ibeetapkei, ak komi korotiik eunekwak, ak ki koipkei kobooto kanamonikwak; ak Ki kogoochi icheek kogeny weeriikwak che kisikwa, ki igoito kobun maat si kobiit kebeel.

HOSEA 5:6

Pendi icheek kobooto akwotisyekwak che po keechiirek ak che po tuuga kocheeng'ei Kamuktaindet ne Toroor; ago ma nyooru ineendet, kigoistoegei `ineendet icheek.

HOSEA 6:6

Amu amache rireenetapkei, ma mache tiseiywot; ak amache naet konai Kamuktaindet kosiir kagoochinoik che kibeelei.

ATEPTAP LAWIK 18:21

“Amegoite iyoteng'ung' ibeelji Molek, ak amereeny kainetap Kamuktaindeng'ung'. Aa Kamuktaindet ne Toroor.

ATEPTAP LAWIK 20:1

Ki ng'alaalji `Kamuktaindet ne Toroor Musa koleenji,

AMOS 5:22

Ee, agot ngo koono kagoochinoikwok che kibeelei ak kagoochinoikwok che po peek che ng'ootiin, ko mataache; ak kagoochinoikwok che po kaalyeet, che po che kiyagi che akwaen koma iiti.

PILEMON 1:12

Kaaweegun ineendet ne muguleldanyu.

KIRUOGIK 11:31

ko kiy age tugul ne torookwo eng' kurgennyu, ye tuun aweeksei eng' kaalyeet, abunu ole mi lagogap Ammon, kobunjin kiyooto Kamuktaindet ne Toroor, si agoito koek kagoochinet ne kibeelei.”

KIRUOGIK 11:39

Kingo keskei arawek aeng'u, koweektagei ole mi kwandanyi, ak ki yachi ineendet ko uu kaarortaennyi ne kiga koaror. Ak ki tomo kotuiyo ak muren. Ara ki ek niito piteet eng' Israel,

1 SAMUEL 15:22

Ak ki mwa Samuel kole, “Tos, ting'ee Kamuktaindet ne Toroor poiboiyet ne oo kagoochinoik che kibeelei ak tiseiywot, ko uu ye ting'ee kasetap iit ne po ng'olyootap Kamuktaindet ne Toroor? Keero, siirei kasetap iit tiseiywot ak siirei kasetap iit mwanigap mengichik.