MIKAH 5:10 - BUKUIT NE TILIIL Sireet ne Dutero Kanon

¹⁰ Mwaei Kamuktaindet ne Toroor kole tuun abare eng' peetuunooto paraisisyeguk eng' kwenung'ung', ak ang'em karisyeguk che po lugeet:

Bukuit Ne Tilil

¹⁰ Mwaei Kamuktaindet ne Toroor kole tuun abare eng' peetuunooto paraisisyeguk eng' kwenung'ung', ak ang'em karisyeguk che po lugeet:

BUKUIT NE TILIL

¹⁰ Mwaei Jehovah kole, Tun abare eng’ betunoto mbartanyisieguk eng’ kwenung’ung’, ak ang’em karisieguk che bo luget:

MIKAH 5:10 Iomraidhean Croise

ISAIAH 2:7

Nyiitaat emennywa kogeny fedha ak thahabu, ama mi ole igeesunegei konoraikwak. Nyiitaat emennywa kogeny paraisisyek, ama mi ole igeesunegei kariisyekwak.

JEREMIA 3:23

Iman, kigeni puch toreteet ne punu tuloonook, nooto wasetapkei ne mi tuloonook. Iman eng' Kamuktaindet ne Toroor Kamuktaindennyo komi yetunetap Israel.

HOSEA 1:7

Ago ariiree kootap Judah ak agoochi katerteerisyet icheek kobun eutap Kamuktaindet ne Toroor Kamuktaindennywa. Ma saruunee kwanget, anan rotwetap chok, anan lugeet, anan paraisisyek, anan piik che ketei paraisisyek.”

HOSEA 14:3

Ma sarwech Ashur; ma kilaanye paraisisyek: ama keleenjini kogeny poisyonigap eunekyok, Oo kamuktaikyok: amu nyoorunenen rireenet icheek che ma tinyei kwanisyek.

HAGGAI 2:22

Agabui ng'echereetap laitornatet ne po pounatosyek, ak ang'eme kimnateetap pounatosyegap pororyosyek. Agabui kariisyek che po lugeet kobooto che laanyei; ak kobutyo paraisisyek kobooto che laanyei, ki parei age tugul eng' rotwetap chok ne po tupchennyi.

SEKARIA 9:10

Ak ang'em chepkichutitap lugeet eng' Ephraim, kobooto paraisiit eng' Jerusalem, ak kigees kwangetap pooryeet; ak komwachi pororyosyek kaalyeet; ak pochitu pounatennyi nyanjet age agoi nyanjet age, ak koboochit aineet agoi ole poochin ng'wony.

NG'ATUTIK 17:16

Ago amat kotesyigei paraisisyek anan kogoochi piik koweektagei Misiri si kotesigei paraisisyek. Amu kimwaiwok Kamuktaindet ne Toroor kole, ‘Amata oweektage oranooto kogeny.’