MIKAH 1:6 - BUKUIT NE TILIIL Sireet ne Dutero Kanon

⁶ Ayae anyun Samaria koek karurugutyetap emet, ak koigei ole kiminjin sabibuk: ak atumde koikyik koba atebweet, ak ang'aany lumeiywekyik.

Bukuit Ne Tilil

⁶ Ayae anyun Samaria koek karurugutyetap emet, ak koigei ole kiminjin sabibuk: ak atumde koikyik koba atebweet, ak ang'aany lumeiywekyik.

BUKUIT NE TILIL

⁶ Ayae anyun Samaria koek karurugutietab emet, ak koigei ole kiminjin sabibuk: ak atumde koikyik koba atebwet, ak ang’any lumeiywekyik.

MIKAH 1:6 Iomraidhean Croise

2 SAMUEL 17:13

Ak kogeny, ngwo nganaseet, koibu Israel anyun rogoosyek kobwa nganasanooto, yeityo kong'us kwo aineet kot koma ng'et koita agenge ne ming'in eng' olooto.”

2 LAITORINIK 18:10

Ak kingo pata kenyiisyek somogu, konam nganasanooto. Ki kinam Samaria eng' kenyiitap lo ne po Hezekiah, ne ki kenyiitap sogool ne po Hoshea laitoryatap Israel.

2 LAITORINIK 18:9

Ak eng' kenyiit ne po ang'wan ne po Hezekiah, ne ki kenyiitap tisap ne po Hoshea weeriitap Elah, laitoryatap Israel, kotogos Shalmaneser laitoryatap Assyria, kobookyi Samaria, ak koyiem.

2 LAITORINIK 19:25

‘Tom igas ole ki ayaite eng' keny? Ki ayai eng' peetuusyek che po keny nooto kaasulde nguno, si kobiit ibut nganasook che ng'ootaatiin koek karurugutik che ki king'em.’

ISAIAH 17:1

Maotenet agobo Damasko. Ogeero, kageisto Damasko, si mata koek nganaseet, ak egu karaatya.

ISAIAH 25:12

Ak kagobut ole ng'ootaat ne po teekseet ne kooi, ne po irimoiguk, kagoluul, kagowiirtagei kwo ng'wony, ole miitei temburyek.

ISAIAH 25:2

Amu ki iyai nganaseet koek karurugutyet; ki iyai nganaseet ne ng'ootaat koek karaatya. Ki iyai kootap laitoryat ne po toek koek ole ma mi nganaseet; ma koi ta keteech kogeny.

JEREMIA 31:5

Ak imin kogeny sabibuk eng' tuloonoogap Samaria; minsei minik, ak koam eng' poiboiyet logoechooto.

JEREMIA 51:25

Keero, aboryenen, ee inyee tulweet ne ing'emisyei, mwaei Kamuktaindet ne Toroor, ne ng'emei ng'wony komugul: ak achuul eunnyu atokyin, ak amilden eng' rwandosyek, ak ayain iegu tulweet ne ki kolal.

JEREMIA 51:37

Ak koek Babilon karurugutik, ole menyei lelwek, ne kikwong'ee ak ne kireenyei, ne ma menyei chii.

JEREMIA 9:11

Mwaei Kamuktaindet anyun kole, Ayaei Jerusalem koek karurugutigap karain, olooto menyei lelwek; ak ayai nganasoogap Judah koek karaatya, ole ma menyei chii.

RIREKAB JEREMIA 4:1

Kalya si komurwoniitu thahabu! Kalya si kowalagiis thahabu che tiliileen miising'! Kagirong' koigap ole-tiliil eng' tabandap ooreet age tugul.

EZEKIEL 13:14

Abute anyun inaatut ne ki omale taartaarik che ma myachen, ak aluul kot kotook lumeiywekyik: ak kobut, ak kigeswok eng' kwenunnyi; si onai ole aa Kamuktaindet ne Toroor.

HOSEA 13:16

Ibei Samaria ng'oogistonyi; amu ki kongelelji Kamuktaindennyi: ibutos eng' rotwetap chok; kitonatoni lagokwak, ak kegereer kwonyiikwak che tamonosyek.

AMOS 5:11

Amu ki otyechatyech kibananook, ak omage icheek peek eng' kimnateet. Ki oteech anyun kooriik eng' koik che ki kiwai, ago momenye koorchooto; ki omiin mbareenik che korooron che po sabibuk, ago moee divaikwak.

AMOS 6:8

Ki koyosyechigei Kiptaiyat Kamuktaindet ne Toroor, mwaei Kamuktaindet ne Toroor, ineendet Kamuktaindet ne po lugoosyek, kole: “Aweche menoteetap Jakobo, ak aweche kooriikyik che po laitoryat. Asaru anyun nganaseet kobooto tugul che mi oriit.”

MIKAH 3:12

Kibati anyun Zion agobo okweek ko uu ye kibati mbareet, ak koek Jerusalem karurugutik, ak koigei tulweetap koot komoswek che torooreen che po timiin.

HABAKUK 3:13

Ki imong'u agobo yetunetap piiguk, agobo yetunetap ne iilaat neng'ung'; Ki iguoten kandoindetap kootap kiptengeginik, ing'aanye lumeiywot agoi kaatit.

MATAYO 24:2

Ago ki wolji ineendet icheek kole, “Mogeere tuguuchu tugul? Amwaiwok iman ale, ma koi ng'etunee koita age paragutap age, ne ma ki wiirchin ng'wony.”