MATAYO 9:8 - BUKUIT NE TILIIL Sireet ne Dutero Kanon

⁸ Ago ye kingo keer tuiyosyek, koywei ak kolas Kamuktaindet ne igoochin chii kimnateet ne uu nooto.

Bukuit Ne Tilil

⁸ Ago ye kingo keer tuiyosyek, koywei ak kolas Kamuktaindet ne igoochin chii kimnateet ne uu nooto.

BUKUIT NE TILIL

⁸ Ago ye kingogeer tuiyosiek, koiywei, ak kolos Jehovah, ne igochin chi kimnatet ne u noto.

MATAYO 9:8 Iomraidhean Croise

MATAYO 12:23

Ki kwong'yo anyun tuiyosyek tugul koleen, “Tos weeriitap Daudi ni?”

MATAYO 15:31

Ki kwong' tuiyet ye kingo keer kong'alaaldos che ki namotin kutuswai, ko kagosapcho che ki po mugungon, kobendoti che kisolomon ak kogeertoi che ki koryotiin. Ki ilas icheek Kamuktaindetap Israel.

MATAYO 28:18

Ak ki nyoonji `Jeso icheek ak koleenji, “Ki kegoono kimnateet tugul eng' kipsengwet ak ng'wony.

MATAYO 5:16

Ongoluu lapkeiyeng'wong' ko uu nooto eng' taitap piik, si komuuch kogeer poisyonikwok che myach, ak kolas Kwandang'wong' ne mi kipsengwet.

MATAYO 9:7

Ki ng'eet anyun ak kwo koonnyi.

MARIKO 2:12

Ki ng'eet anyun ak koip itogunnyi, ak komanda eng' taitap piik tugul koek kwong'eet eng' tugul ak kolas Kamuktaindet kole, “Tom kegeere ne uu niito!”

MARIKO 7:37

Ak ki kwong'yo miising' ne siirei koleen, “Kagoyai tuguuk tugul komyee; igoochin kogasta agot che ming'otin ak kong'alaal che namotin kuut.”

LUKA 13:13

Ak ki igonoor eunekyik ineendet, kochuulak sainooto ak kolas Kamuktaindet.

LUKA 17:15

Ak kingo keer age eng' icheek kole kagosap, koweek, kolasunonu Kamuktaindet eng' kutit ne oo;

LUKA 17:18

Tos ma piit agot agenge ne kaweek kogoochi kalasunet Kamuktaindet, kobatee toondoni?

LUKA 18:43

Ki keerto anyun koma tyanit, ak koosup ineendet, kolasunoti Kamuktaindet: ak kingo keer tuiyet komugul, kogonyit Kamuktaindet.

LUKA 2:20

Ak ki week anyun mestoweek, kotoroori Kamuktaindet ak kolasunoti eng' tuguuk tugul che kagogas ak che kagogeer, ko uu ye kagagemwachi.

LUKA 23:47

Ak kingo keer chemogetap kiplugotinik pogol tuguuk che kayaagiis, kolas Kamuktaindet kole, “Koga po iman chiichi.”

LUKA 7:16

Ak ki iyweis tugul: ak kolas Kamuktaindet kole, “Kagong'eet eng' kwenunnyo maotyot ne oo: ak, Kagorutoochi `Kamuktaindet piikyik.”

JOHANA 15:8

Kigonyiti Abba eng' niito, ye oiyie logoek che chaang'; si oegu kasubikyuk.

POISYONIGAP CHE KIYOKTOI 11:18

Kingo kas ng'aleechuuto, kosiisyo. Ak ki iloos Kamuktaindet, koleen, “Kaagaa kagogoochi `Kamuktaindet Pororyosyek ak icheek siguunet ne ibu saboondo.”

POISYONIGAP CHE KIYOKTOI 21:20

Kingo kas icheek ng'olyoondonooto, kogonyit Kamuktaindet. Koleenji `icheek ineendet, “Igeere anyun, ne kitupche, ole tee eliphuusyek ng'iisyat eng' kwenutap Yahudik che ki koyan; ak tinyei tugul kagiiletapkei agobo Ng'atuutyet.

POISYONIGAP CHE KIYOKTOI 4:21

Kingo kagoger kong' icheek kogeny, kounda icheek koba, ko mata konyoor ng'olyoot ne irwookyine, amu piik; amu kiitoroor piik tugul Kamuktaindet agobo nooto koyaak.

2 KORINTOEK 9:13

amu tyemet ne po poisyoni kotoroori icheek Kamuktaindet amu kasetap iit ne po ng'ang'eng'wong' eng' logoiywek che myach che po Kristo, ak aiyebindap kagoitoeng'wong' eng' icheek, ak eng' tugul;

GALATYEK 1:24

ak kiitoroor icheek Kamuktaindet eng' anee.

1 PETERO 2:12

okweek che otinye atebeet ne nyolu eng' kwenutap Pororyosyek, si nganda itaamok ko uu yaigap yaityo, kotoroor Kamuktaindet eng' peetuutap rutochinet eng' poisyonikwok che myach che keerei.