MATAYO 7:11 - BUKUIT NE TILIIL Sireet ne Dutero Kanon

¹¹ Ngot ongen okweek anyun nga oo yaach ogoochi lagokwok kagoochinoik che myach, ko tos yaei myeein ne tya Kwandang'wong' ne mi kipsengwet. Tos ma igoochin che soomei ineendet tuguuk che myach?

Bukuit Ne Tilil

¹¹ Ngot ongen okweek anyun nga oo yaach ogoochi lagokwok kagoochinoik che myach, ko tos yaei myeein ne tya Kwandang'wong' ne mi kipsengwet. Tos ma igoochin che soomei ineendet tuguuk che myach?

BUKUIT NE TILIL

¹¹ Ngot ongen okwek anyun, che o yaach, ogochi lagokwok kagochinoik che miach, ko tos siirei mising’ ne tia Kwandang’wong’ ne mi kipsengwet, tos maigochin che somei inendet tuguk che miach?

MATAYO 7:11 Iomraidhean Croise

TAUNET 6:5

Ki keer Kamuktaindet ne Toroor kole, oo miising' tengektap kimugulmet eng' ng'wony, ak kabwaatutik tugul che po muguleldanyi ko tengekto kityo peetuut age tugul.

TAUNET 8:21

Kingo ng'uuchi `Kamuktaindet ne Toroor anyinyindo kobun kaptisiisyo, kotil ineendet eng' muguleldanyi kole, “Ma achube ng'wony kogeny agobo chii amu yaacheen kabwaatutigap muguleldap chii kobooch koming'in. Ma abare tuguuk tugul che saptos kogeny agoi ko uu ye ki ayai.

2 SAMUEL 7:19

Ko uu yo kiy niito ne ming'in eng' taing'ung' ee Kiptaiyat Kamuktaindet ne Toroor, ko kaing'alaal kogeny agobo kootap otwogindeng'ung' eng' peetuusyek che chaang' che pwoonei. Uu ni piteetap kimugulmet, ee Kiptaiyat Kamuktaindet ne Toroor!

Kitabuutap JOB 15:16

kotam nee ineendet ne kewechei ak ko samis, chii ne eei tengekto ko uu peek!

TIENWOGIKAL 84:11

Amu Kamuktaindet ne po Toroornatet ko uu asiista ak long'eet: Koonu Kamuktaindet ne Toroor myeeindo ak teegisto: Maete icheek che pendoti eng' imanda kiy age tugul ne myee.

TIENWOGIKAL 85:12

Ee, koonu Kamuktaindet ne Toroor ne myee; Ak koiyiei emennyo ruratennyi.

TIENWOGIKAL 86:15

Ago inyee, ee Kiptaiyat, ko ii Kamuktaindet ne nyiitaat rireenet ak ko po myeeindo, Ne ma sip konereechi, ne tinyei chaang'indap rireenetapkei ak imanit.

TIENWOGIKAL 86:5

Amu ii myee inyee Kiptaiyat, ak ii choboot inyochi kaat, Ak itinye chaang'indap rireenetapkei eng' icheek che kuurin.

ISAIAH 49:15

Tos imuuchi kwondo koutye lakweennyi ne chuchuni, kot koma riiree weeriit ne kisichei? Ee, imuuchi chuuto koutye, ago mautyenen.

ISAIAH 63:7

Amwaitoi chamyet ne tala ne po Kamuktaindet ne Toroor, ak kalasunoigap Kamuktaindet ne Toroor, ko uu tugul che ki kogoonech Kamuktaindet ne Toroor; ak myeeindo ne oo eng' kootap Israel, ne Ki kogoochi icheek ko uu rireenosyekyik, ak ko uu chaang'indap chamyennyi ne tala.

JEREMIA 17:9

Kaberberin muguleldo kosiir tuguuk tugul, ak ko ya miising': ng'oo ne imuuchi konai?

JEREMIA 33:14

Ogeero, pwoonei peetuusyek mwaei Kamuktaindet ne Toroor, ye ayae ng'olyoondonooto myee ne ki amwa agobo kootap Israel ak agobo kootap Judah.

HOSEA 14:2

Ip ng'aleek, ak iweekyigei Kamuktaindet ne Toroor: ileenji ineendet: Iste tengekwogik tugul, ak itaach che myach: kigoitoi anyun kagoochinetap kutusweekyok ne kata kigoitoi kiruugik.

MIKAH 7:18

Ng'oo Kamuktaindet ne uu inyee, ne nyochin kaat piik amu tengekto, ak kosiirtoe pistoetap piik che ki ng'et che po porotennyi? Mateptoi nereegekyik agoi, amu paibaitune rireenet.

MALAKI 1:6

Igoochin konyit weeriit kwandanyi, ak kogonyiti otwogindet kiptaiyandennyi. Ngot ko aa kwanda anyun, komi ano teegistanyu? Ak ngot ko aa kiptaiyat, komi ano kaiyweisyet ne kiywea? Mwaiwok Kamuktaindet ne Toroor ne po lugoosyek ee tisiik, che osase kainennyu. Omwae ole ki kisaste ano kaineng'ung'?

MATAYO 23:9

Amoguure chii eng' ng'wony ‘abba,’ amu agenge Kwandang'wong', ineendet ne mi kipsengwet.

MATAYO 7:10

Anan ngo soom njiryot, kogoochi ereneet?

JOHANA 3:16

Amu ki cham Kamuktaindet ng'wony miising', kot kogoito Weeriinnyi ne ki kisich ineegei, si ma lus age tugul ne iyani ineendet, ago si konyoor saboondap koigeny.

ROMANIK 3:19

Ak kingen keele tuguuk alak tugul che mwaei Ng'atuutyet, komwachin icheek che miitei eng' pounatetap Ng'atuutyet; si kobiit keger kutit age tugul, ak si ki mutyi ng'wony komugul kirwoogetap Kamuktaindet:

ROMANIK 3:9

Nee anyun? Tos ki myachen kesiir icheek? Achicha, agot kitigin: amu kiga kisip kiityi Yahudik ak Yunanik keele mi icheek tugul eng' pounatetap tengekto;

ROMANIK 8:32

Ineendet ne ki ma riiree Weeriinnyi, ago kigon ineendet agobo acheek tugul, tos ma koonech tuguuk tugul eng' aiyebindo kobooto ineendet?

GALATYEK 3:22

Ago ki koratyi siruutyet tuguuk tugul kimnateetap tengekto, si kobiit kigoochi che iyani, arorutyet eng' kayaneet eng' Jeso Kristo.

JAKOBO 1:17

Kagoitoet age tugul ne myee ak konunotyot age tugul ne ititaat ko po parak, choorugei eng' Kwanda ne po lapkeiyosyek, ne ma mi eng' ineendet kiit ne walaksei, anan ko urwet ne punu waletapkei.

1 JOHANA 3:1

Ogeero, chamyet ne uu nee ne ki chamenech Kwanda, kot keguurenech lagogap Kamuktaindet! Ago ki chooto acheek. Amu niito anyun, koma ingenech ng'wony, amu ki ma nai ineendet.

1 JOHANA 4:10

Niito chamyet, ma keele ki kicham Kamuktaindet, ago ki chamech ineendet ak koyook Weeriinnyi koek tiseiywot agobo tengekwogikyok.