MATAYO 6:19 - BUKUIT NE TILIIL Sireet ne Dutero Kanon

¹⁹ Amogonorchigei konoraik eng' ng'wony, ole amei kuutik anan kong'em kutuuk, ak ole putei chooriik ak kochoor;

Bukuit Ne Tilil

¹⁹ Amogonorchigei konoraik eng' ng'wony, ole amei kuutik anan kong'em kutuuk, ak ole putei chooriik ak kochoor;

BUKUIT NE TILIL

¹⁹ Amogonorjige konoraik eng’ ng’ony, ole amei kiptorotinik ak karuotitoet, ak ole butei chorik ak kochor;

MATAYO 6:19 Iomraidhean Croise

Kitabuutap JOB 24:16

Yaatei kooriik kemoi, ak kerchingei ko peet. Ma naei lapkeiyet.

Kitabuutap JOB 31:24

Ngot ko ki amang'u thahabu, ak aleenji thahabu che korooron, inyee ne amang'un,

TIENWOGIKAL 39:6

Iman wendoti chii age tugul ko uu urwet ne siirtoi; iman iimegei pichooto puch; iyumi tuguuk, ama naei ne tuun punjin.

TIENWOGIKAL 62:10

Amomang'u sastaet, amomene rebisyet; ngo tesak mogornatosyek ko mat otiegei.

KOMONG'U 22:2

Ngenam choorindet kobutisyei komachei kochoorso ak kebar, koma mi tengektap korotiik eng' ineendet ne kabarei.

KALEWANAIK 11:4

Ma tilei kiy mogornatosyek eng' peetuutap nereegek, ago saruunisyei imanda eng' meet.

KALEWANAIK 16:16

Karaaran anyun ne tya kenyoor utaatyet kosiir thahabu! Kaigai kelewen kaguiyet kosiir fedha.

AMDOINDET 2:26

Amu igoochin Ineendet utaatyet ak naet, ak poiboiyet chiito ne iboiboi ineendet. Ago igoochin kiptengekyot poisyetap nyalilda asi kobiit koyum ak kotes, ak kogoochi ineendet ne iboiboi Kamuktaindet. Puch niito agine ak ko kaimetapkei ne po puch.

SEPANIA 1:18

Ama imuuchi fedhaisyekwak anan thahabusyekwak kosar icheek eng' peetuutap nereegegap Kamuktaindet ne Toroor; ago kibeelei emet komugul eng' maatap ng'etkondanyi: igeesu, ee, igeesu eng' kamuiset icheek tugul che menyei emet.

MATAYO 19:21

Koleenji `Jeso ineendet, “Ngimache iegu ne ititaat, iwe ak ialde che itinye, ak igoochi kibananook, si inyooru mogornateet eng' kipsengwet; yeityo inyoo ak isubwo.”

MATAYO 6:20

ago ogonorchigei konoraik eng' kipsengwet, ole ma amei kuutik anan kong'em kutuuk, ak ole ma putei chooriik ak kochoor;

LUKA 12:21

Ki igees Jesu kole, “Uu nooto anyun chiito ne konorchingei mogornateet ineegei, ne ma mogoryo eng' Kamuktaindet.”

LUKA 12:33

Oalde che otinye, si ogoite kagoochinoik; onapchigei suberok che maosegitu, konorwet eng' kipsengwet ne ma pegu, ole mariikyin chooriik, ama ng'emei kuutik.

LUKA 12:39

Ago onai ni ole, nda ki ingen kiptaiyatap koot sait ne nyoonei choriindet, ta kiriipsei, ta ki ma kobagaaktoi koonnyi kobut choriindet.

LUKA 18:22

Ak ye kingo kas Jeso, koleenji, “Ta ko rartaat kiit agenge eng' inyee: alde tugul che itinye, ak ipchechi kibananook, si inyooru konorwet eng' kipsengwet: ak inyoo, isubwo.”

LUKA 18:24

Ak kingo keer `Jeso ineendet, komwa kole, “Pichii ne tya eng' che tinyei mogornatosyek komong'ji laitornatetap Kamuktaindet!

1 TIMOTEO 6:17

Ng'at mogoreek che po peetuusyechu, si ma menio, anan konde kamang'unennywa mogornatosyek che ma tonondos, ago eng' Kamuktaindet ineendet ne koonech tuguuk tugul eng' aiyebindo si kobiit keboiboitune;

HEBRANIK 13:5

Oegu che ityagatin eng' chametap silingisyek; ingoyamak tuguuk che otinye; amu ki komwa ineendet kole, “Ma koi abagaakteen, ma koi ameteen.”