MATAYO 5:16 - BUKUIT NE TILIIL Sireet ne Dutero Kanon

¹⁶ Ongoluu lapkeiyeng'wong' ko uu nooto eng' taitap piik, si komuuch kogeer poisyonikwok che myach, ak kolas Kwandang'wong' ne mi kipsengwet.

Bukuit Ne Tilil

¹⁶ Ongoluu lapkeiyeng'wong' ko uu nooto eng' taitap piik, si komuuch kogeer poisyonikwok che myach, ak kolas Kwandang'wong' ne mi kipsengwet.

BUKUIT NE TILIL

¹⁶ Ongoluu lapkeiyeng’wong’ ko u noto eng’ taitab bik, si komuch kogeer boisionikwok che miach, si kolos Kwandang’wong’ ne mi kipsengwet.

MATAYO 5:16 Iomraidhean Croise

KOMONG'U 34:35

ak ki keer piigap Israel togeetap Musa kole iluu iriryotap togeennyi. Kituge anyun Musa togeennyi kitaambaet kogeny agoi komanda kwo kong'alaal ak Kamuktaindet.

KALEWANAIK 4:18

Ago ooreetap che po iman ko uu lapkeiyet ne iluu, ne iluu ko tesoksei agoi peetuut ne ititaat.

ISAIAH 58:8

Koluu anyun lapkeiyeng'ung' ko uu karonet, ak kobiit kasoobeng'ung' kochook: ak kondoenen imandang'ung' ak koletun toroornatetap Kamuktaindet ne Toroor.

ISAIAH 61:3

si aaroorchi icheek che riirtos eng' Zion, kigoochi chepkulet ne karaaran kogeere oreek, ak mwaitap poiboiyet kogeere riirek, ak ngoryeetap kalasunet kogeere muguleldo ne nyalulat; si kobiit keguure keetiik che po imanda, che kimin Kamuktaindet ne Toroor, si kegonyit.

MATAYO 23:5

Ago yaei poisyonikwak tugul si kogeer piik; amu yaei kotebesiitu lolotinwegap siruutik ak kobaroi tabanwegap ngoroikwak.

MATAYO 23:9

Amoguure chii eng' ng'wony ‘abba,’ amu agenge Kwandang'wong', ineendet ne mi kipsengwet.

MATAYO 5:45

si oegu weeriigap Kwandang'wong' ne mi kipsengwet; amu igoochin asiistanyi kochorchi che yaach ak che myach, ak iyookyin ropta che po imanda ak che ma po imanda.

MATAYO 6:16

Kogeny ye orugutkei, ko moigei chombilik, eng' togoochik che po arageneet; amu walei togoochikwak, si kogeer piik kole, koirugutkei. Amwaiwok iman ale, kagonyoor icheek melektanywa.

MATAYO 6:9

Nooto anyun osaa ko uu ni: “Kwandanyo ne mi kipsengwet; Ingoloosunok kaineng'ung'.

MATAYO 9:8

Ago ye kingo keer tuiyosyek, koywei ak kolas Kamuktaindet ne igoochin chii kimnateet ne uu nooto.

LUKA 11:2

Ak ki leenji icheek, “Ye osaae, omwa ole, ‘Kwandanyo, ingoloosunok kaineng'ung'. Ingonyo laitornateng'ung'.

JOHANA 15:8

Kigonyiti Abba eng' niito, ye oiyie logoek che chaang'; si oegu kasubikyuk.

POISYONIGAP CHE KIYOKTOI 9:36

Ki mi agenge eng' kasubik Joppa ne ki kiguure Tabita, ne ye kiweech eng' kutitap Yunanik ko Dorkas. Ki tinyei kobogoryondoni poisyonik che chaang' che myach ak kagoochinoik che ki igoitoi.

1 KORINTOEK 14:25

ak king'aanyei ung'ootigap muguleldanyi; ak kobutyi ng'wony anyun kong'uruuk kolas Kamuktaindet, komwaei koleen mi Kamuktaindet kwenung'wong' iman.

2 KORINTOEK 9:13

amu tyemet ne po poisyoni kotoroori icheek Kamuktaindet amu kasetap iit ne po ng'ang'eng'wong' eng' logoiywek che myach che po Kristo, ak aiyebindap kagoitoeng'wong' eng' icheek, ak eng' tugul;

GALATYEK 1:24

ak kiitoroor icheek Kamuktaindet eng' anee.

EPESOEK 2:10

Amu kiboisyennyi acheek, ne ki kiyaech eng' Kristo Jeso agobo poisyonik che myachen, che kisip kochop Kamuktaindet si kebendatee chooto.

EPESOEK 5:8

amu ki oo mesundeito eng' peetuusyek alak, ago oo lapkeiyet nguno eng' Kiptaiyat: obendate ko uu lagogap lapkeiyet

1 THESSALONIKEK 2:12

si kobiit obendate ko uu ye nyolu eng' Kamuktaindet, ne kuurchinok laitornatet ak toroornatennyi.

1 TIMOTEO 2:10

ago (ko uu ye nyoljin kobogorisyek che ibortogei kole piigap Kamuktaindet icheeget) eng' poisyonik che myach.

1 TIMOTEO 5:10

ne kimwaitae ineendet poisyonik che myach; ngo kigo pai lagok, ngo ki kotaach toek, ngo kigoun keelyegap che tiliileen, ngo ki kotoret che nyalildos, ngo kigogiilgei eng' poisyet age tugul ne myee.

1 TIMOTEO 5:25

Ko uu nooto agine miitei poisyonik che myach che taagunotiin; ak che ma uu chooto koma imugaksei koung'ogis.

1 TIMOTEO 6:18

ile koyai ne myee, si kobiit koek mogoreek eng' poisyonik che myach, si kochobogis kogoito, koyomogei ak alak;

TITO 2:14

ne ki igoitogei agobo acheek, si kobiit kotyachech eng' tengekto tugul, ak kotiliiljigei piik koek chechiik, che lewenotin, che igiilegei eng' poisyonik che myach.

TITO 2:7

ibartegei inyeendet eng' tuguuk tugul iegu kaboorunet ne po poisyonik che myachen; eng' kaneetisyeng'ung' ibarte atebeet ne ma ng'emaksei,

TITO 3:14

Ak ingoneetkei piikyok ak icheek koyai poisyonik che myachen kotugul, agobo tuguuk che makyingei, si ma ek che mayiei logoek.

TITO 3:4

Ago ye kingo took talasyetap Kamuktaindet Yetindennyo, ak chamyennyi ne chamei piik,

HEBRANIK 10:24

Ak ongibwaatkei acheegei eng' acheegei ki kimitkei eng' chamyet ak poisyosyek che myach;

1 PETERO 2:12

okweek che otinye atebeet ne nyolu eng' kwenutap Pororyosyek, si nganda itaamok ko uu yaigap yaityo, kotoroor Kamuktaindet eng' peetuutap rutochinet eng' poisyonikwok che myach che keerei.

1 PETERO 2:9

Ago okweek ko oo pororyet ne kigelewen, oo che poisyei eng' tiseinateet ne po kaplaitoryat, pororyet ne tiliil, piik che punjin Kamuktaindet, si kobiit obarte telunatosyek che po ineendet ne kiguurok omang'une mesundeito omong'ji lapkeiyennyi ne kikweng'e.

1 PETERO 3:1

Uu nooto, osotichu, ogas iit manong'otaikwok; si nganda ma kase iit alak ng'olyoot, kimuuch kichuut icheek eng' atebeet ne myee ne po osotikwak ama eng' ng'olyoot,

1 PETERO 3:16

otinye kabwaatet ne myee; si ye kitaamok, kigoochin kolilaan icheek che mwaitae ng'aleek che yaach atebeeng'wong' ne myee eng' Kristo.

1 PETERO 4:11

ngo ng'alaali chii, kong'alaal ko uu arorutigap Kamuktaindet; ngo poisyei chii, kobois eng' kimnateet ne igoochin Kamuktaindet: si kobiit kitoroor Kamuktaindet eng' tuguuk tugul eng' Jeso Kristo, ne nenyi toroornatet ak kimnateet koigeny ak koigeny. Amen.

1 PETERO 4:14

Ngechurok eng' kainetap Kristo, ko oboiboi; amu tebenok Kabuusetap liilindo ne Kabuusetap Kamuktaindet.