MATAYO 24:6 - BUKUIT NE TILIIL Sireet ne Dutero Kanon

⁶ Tuun ogase agobo lugoosyek ak ng'aleek agobo paretapkei; oriipkei si moaragense; amu pwoonei tuguuchu matiny; ago tomo koitu kagesunet.

Bukuit Ne Tilil

⁶ Tuun ogase agobo lugoosyek ak ng'aleek agobo paretapkei; oriipkei si moaragense; amu pwoonei tuguuchu matiny; ago tomo koitu kagesunet.

BUKUIT NE TILIL

⁶ Tun ogase agobo lugosiek ak ng’alek agobo baretab ge: oripge si moarogense: amu bwanei tuguchu matiny; ago kotom koit kagesunet.

MATAYO 24:6 Iomraidhean Croise

TIENWOGIKAL 112:7

Ma iywei ineendet ng'aleek che yaacheen; igiilotkei muguleldanyi, komang'u Kamuktaindet ne Toroor.

ISAIAH 12:2

Ogeero, Kamuktaindet ko yetunennyu; amang'u, ama aiyweisyei, amu Kamuktaindet ko kimnateennyu ak ko tyendanyu; kagoek ineendet yetunennyu.”

ISAIAH 7:4

ak ileenji ineendet, riipkei, ak isiis, ameiyweisye, anan kotanui muguleldang'ung', amu kegenganichu aeng' iyendos, amu nereegek che ng'woneen che po Rezin ak Syria, ak che po weeriitap Remaliah.

JEREMIA 47:6

Ee, inyee rotwetap chok ne po Kamuktaindet ne Toroor, tyanitu si tuun isiis? Weekyigei chogeng'ung'; imuuny, ak isiis.

EZEKIEL 21:28

Maoten inyee weeriitap chii, ile, Mwaei Kiptaiyat Kamuktaindet ne Toroor agobo lagogap Ammon, ak agobo teweernatennywa, kole; mwaa ile, Rotwetap chok, kaging'us rotwetap chok, kagesit agobo parisyet, si kobiit kobaris, si koigei kalyeleet:

MATAYO 2:3

Ye kingo kas nooto laitoryat Herod, koaragen kobooto Jerusalem komugul.

MATAYO 24:14

Ak logoiywechu myach po laitornatet ko tuun keamdaati eng' ng'wony komugul koek paornateet eng' pororyosyek tugul; ak koit anyun kagesunet.

MATAYO 26:54

Isuldoitoi ano anyun siruutik, che leen egu ko uu niito matiny?”

LUKA 21:19

Ak eng' muitaeng'wong' onyooru saboonwekwok.

LUKA 21:9

Ak ye tuun ogas agobo lugoosyek ak chemargeet, ko matoaragense: amu kanyool kosip kosulda tuguuchooto korook; ago tomo koriik kagesunet.

LUKA 22:37

Amu amwaiwok ale, kiit ne ki kisir ko kanyool kosulda eng' anee, keele, Ki kiit ineendet kobooto kiptengeginik: amu tinyei kagesunet ng'aleek che ki kisir agobo anee.”

JOHANA 14:1

Amogoochi mugulelwekwok koiimgei: oyani Kamuktaindet, oyana agane.

JOHANA 14:27

Abagakwok kaalyeet; agoonok kalyennyu: ma koonok ko uu ye koonu ng'wony. Among' koiimgei mugulelwekwok, anan koiyweis.

2 THESSALONIKEK 2:2

si motoptobense ochokyi eng' kabwaatutikwok anan oaragense, ngot ko eng' kabwaatut anan eng' ng'olyoo, anan eng' parweet ne oleen punwech, oleen kagoit peetuutap Kiptaiyat;

NG'ANG'UTYET 6:4

Ak ki mong' paraisiit age, ne piriir. Ki kigoochi ineendet ne ki tebee koisto kaalyeet kobet eng' ng'wony, si kobiit kobargei icheegei; ak ki kigoochi ineendet rotwetap chok ne oo.