MATAYO 24:14 - BUKUIT NE TILIIL Sireet ne Dutero Kanon

¹⁴ Ak logoiywechu myach po laitornatet ko tuun keamdaati eng' ng'wony komugul koek paornateet eng' pororyosyek tugul; ak koit anyun kagesunet.

Bukuit Ne Tilil

¹⁴ Ak logoiywechu myach po laitornatet ko tuun keamdaati eng' ng'wony komugul koek paornateet eng' pororyosyek tugul; ak koit anyun kagesunet.

BUKUIT NE TILIL

¹⁴ Ak keamdaati logoiywechu miach bo bounatet eng’ ng’ony komugul koek baornatet eng’ bororiosiek tugul; ak koit anyun kagesunet.

MATAYO 24:14 Iomraidhean Croise

EZEKIEL 7:10

Keer peetuut o, keero, nyoonei: kagonyo kagikyineng'ung'; kagoyesyo taaptogap kirokto, kagong'at menoteet.

MATAYO 10:7

Ye obendi, oamde ole, ‘Kagoriik pounatetap kipsengwet.’

MATAYO 18:19

Amwaiwok kogeny, ale, ngo yanjin aeng'u eng' okweek eng' ng'wony agobo kiy age tugul ne soomei, koyachin Abba anyun ne mi kipsengwet.

MATAYO 24:3

Ye kitebyei ng'wony eng' tulweetap Mseituni, kobwonji ineendet kasubik komi ineegei, ak kole, “Mwaiwech, egu au tuguuchu? Ak tuun uu nee kaboorunetap nyonuneng'ung' ak kagesunetap ng'wony?”

MATAYO 24:6

Tuun ogase agobo lugoosyek ak ng'aleek agobo paretapkei; oriipkei si moaragense; amu pwoonei tuguuchu matiny; ago tomo koitu kagesunet.

MATAYO 4:23

Ak kiwendoti Jeso eng' Galilaya komugul, koneetisyoti eng' sinagogisyekwak ak koamdaati logoiywek che myach che po laitornatet, ak kosabooti che tinyei korotwek alak tugul ak myanwogik alak tugul eng' piik.

MATAYO 9:35

Ak kiwendote Jeso nganasook tugul, che eecheen ak che mengeechen, koneetisyoti eng' sinagogisyekwak, ak koamdaati logoiywek che myach che po laitornatet, ak kosabooti che myandos eng' koroito age tugul, ak eng' nyalulnateet age tugul.

MARIKO 13:10

Ak kanyool keamji korook logoiywek che myach pororyosyek tugul.

LUKA 2:1

Ki pun anyun ng'atuutyet Caesarea Agusto eng' peetuusyechooto kole, kesir kainaigap piik tugul.

LUKA 24:47

ak keamdaat eng' pororyosyek tugul siguunet ak nyoetap kaat ne po tengekwogik eng' kainennyi, ki taune Jerusalem.

LUKA 4:5

Ak ki imut anyun yoomindet kotogosta, kwo koboorchi laitornatosyek tugul che po ng'wony eng' sainooto.

POISYONIGAP CHE KIYOKTOI 1:2

Ki atet anyun chooto tugul agoi peetuut ne ki kimuti kwo parak, ye kingo kagong'at `inee eng' Kabuuset ne Tiliil che kiyooktoi, chooto kiga kolewen.

POISYONIGAP CHE KIYOKTOI 11:28

Ak ki tonon age eng' icheek ne ki kiguure Agabo ak koboor eng' Kabuuset ne Tiliil kole tuun ityin rubeet ne oo ng'wony komugul; ak ki isulda niito eng' peetuusyegap Klaudio.

POISYONIGAP CHE KIYOKTOI 17:31

Amu Ki kochop peetuut ne tuun irwookyine ng'wony eng' imanda eng' chiichooto ki kolewen; ak agobo niito ko ki koboorchi komyee piik tugul ye ki ing'eet ineendet komong' eng' che ki pek.”

POISYONIGAP CHE KIYOKTOI 17:6

Ye ki mata konyoor, kochuut Jason ak tupchosyek alak koba taitap kirwoogigap nganaseet, koboldos koleen, “Pichu ko kowas emet ko kagobwa oli kogeny,

POISYONIGAP CHE KIYOKTOI 19:27

Ma keele kityo piitu pichiindap sasisyet ne kisasei poisyennyo; ago kiiti keele ma kiy hekaluutap kamuktain ne oo ne kobogoryot Artemi, ak keistoe ineendet teegistanyi ne koilasu Asia tugul kobooto ng'wony.”

POISYONIGAP CHE KIYOKTOI 20:25

“Ak nguno anyun, ogeero, angen ale okweek tugul che ki aamdaate logoiywegap laitornatetap Kamuktaindet, koma ogeere togeennyu kogeny.

ROMANIK 10:18

Ago ateebee ale, tos ki ma kas? Ee, iman, “Ki wo tweguunennywa koyom emet komugul, ak ki pa ng'aleekwak agoi ole poochin ng'wony.”

KOLOSAIK 1:23

ngo tebi iman eng' kayaneet, ko oo lumdootin ak ko oo tononiotiin komyee, ama ki istok eng' kamang'unetap logoiywek che myach che ki ogas, che ki kiamda eng' yautyet tugul eng' kurereetap kipsengwet; ki kiyaa anee Paulo amu nooto aek kiboityot.

KOLOSAIK 1:6

ne kigoityok; ko uu ole teptoi agine eng' ng'wony komugul koiyiei logoek ak ko tesoksei, ko uu eng' okweek, kobooch peetuut ne ki ogas ak onai myeeindap Kamuktaindet eng' iman;

HEBRANIK 1:6

Ak ye imut kogeny taita konyo ng'wony komwa kole, “Ingolas ineendet malaikaisyek tugul che po Kamuktaindet.”

HEBRANIK 2:5

Amu ma igoochi malaikaisyek koboi ng'wonyut ne nyoonei, nooto kimwae.

NG'ANG'UTYET 14:6

Ki ageer malaikaiyat age kotirireni eng' kwenutap kipsengwet, kotinyei logoiywek che myach che po koigeny koamji icheek che menyei ng'wony, ak pororyet age tugul ak ooreet age tugul ak kutit age tugul ak piik alak tugul;

NG'ANG'UTYET 16:14

amu chooto ko tamirmirigap oik, che yaei kaboorunoik; che pendi kaplaitorinigap ng'wony komugul, si koyum icheek koba lugeet eng' peetuut ne oo ne po Kamuktaindet, Ne po Kamuktaet.

NG'ANG'UTYET 3:10

Amu ki iriip ng'olyootap muitaennyu, ariibin agane eng' saitap yoomseet ne nyoonjin ng'wony komugul, si kotyem icheek che menyei ng'wony.