MATAYO 13:24 - BUKUIT NE TILIIL Sireet ne Dutero Kanon

²⁴ Ki mwachi kalewenet age koleenji, “Kergei pounatetap kipsengwet ak chiito ne ki koolji kesweek che myach mbareennyi,

Bukuit Ne Tilil

²⁴ Ki mwachi kalewenet age koleenji, “Kergei pounatetap kipsengwet ak chiito ne ki koolji kesweek che myach mbareennyi,

BUKUIT NE TILIL

²⁴ Kiiborji kalewenet age kolenji, Kergei bounatetab kipsengwet ak chito ne kigolji keswek che miach mbarennyi:

MATAYO 13:24 Iomraidhean Croise

ISAIAH 28:10

Amu kineeti ng'atuutyet kegetyingei ng'atuutyet, ng'atuutyet eng' ng'atuutyet; kineeti kaneetisyet kegetyingei kaneetisyet, kaneetisyet eng' kaneetisyet; kitigin eng' oli, kitigin eng' olo.”

ISAIAH 28:13

Nooto anyun, egu ng'olyootap Kamuktaindet ne Toroor eng' icheek ng'atuutyet ne kineeti kegetyingei ng'atuutyet, ng'atuutyet eng' ng'atuutyet; kaneetisyet ne kineeti kegetyingei kaneetisyet, kaneetisyet eng' kaneetisyet; kitigin eng' oli, kitigin eng' olooto; si koba kobee patai kobutyo, ak koilyo, kenam eng' mesteet, ak kimut.

EZEKIEL 17:2

Ee weeriitap chii, mwa tangochet, ak imwachi kalewenet kootap Israel;

MATAYO 13:19

Ye kasei chii age tugul ng'olyootap laitornatet ama iguiyo, ko nyoonei anyun ineendet ne ya ak korebee ne kagagelechi muguleldanyi. Niito ne ki kilechi tabandap ooreet.

MATAYO 13:25

ago ye kita koruitos piik, konyo punyondennyi ak kogoolji chemulbainik ole mi peek, ak kwo.

MATAYO 13:31

Ki mwachi kalewenet age koleenji, “Kergei pounatetap kipsengwet ak keswootap karadali, ne ki ip chiito ak komiinji mbareennyi.

MATAYO 13:33

Ki mwachi kogeny kalewenet age koleenji, “Kergei pounatetap kipsengwet ak mermereek che ki nam kobogoryot, ak koburukto peek che ng'ootiin che po kitongok somok, agoi kogut tugul.”

MATAYO 13:37

Ki wolji kole, “Ineendet ne kileta kesweek che myach ko Weeriitap chii,

MATAYO 13:47

“Kora, kergei pounatetap kipsengwet ak regereiywot ne kiname njireenik, ne ki kiwiirchi araraita ak koyum injiren tugul che teerchiin.

MATAYO 18:23

Nooto anyun kiyanie pounatetap kipsengwet laitoryat anum, ne machei koiityi tuguuk otwogikyik.

MATAYO 20:1

“Amu kergei pounatetap kipsengwet ak chiitap ko po koot, ne kimusta karon koguur meek kobwa mbareennyi ne po sabibuk.

MATAYO 21:33

“Ogas kalewenet age: ki mi chiito age ne ki tinyei koot, ne kiminji sabibuk mbareet, ak kong'oot, ak kobal keriinget ole kiruruung'e logoek, ak koteech koot ne kooi. Kimanakyi meek ak kwo emet age.

MATAYO 22:2

“Kiyanie pounatetap kipsengwet laitoryat anum ne ki yachi weeriinnyi igoortap katunisyet.

MATAYO 25:1

“Ki yanie anyun pounatetap kipsengwet pergeinik taman che ki ip taisyekwak ak koba kotorookta sandetap katunisyet.

MATAYO 3:2

koleen, “Osigu, amu kagoriik pounatetap kipsengwet.”

MATAYO 4:23

Ak kiwendoti Jeso eng' Galilaya komugul, koneetisyoti eng' sinagogisyekwak ak koamdaati logoiywek che myach che po laitornatet, ak kosabooti che tinyei korotwek alak tugul ak myanwogik alak tugul eng' piik.

LUKA 13:18

Ki mwa anyun, kole, “Kergei laitornatetap Kamuktaindet ak nee? Ak tos aroge nee?

LUKA 13:20

Ak ki mwa kogeny kole, “Aroge nee laitornatetap Kamuktaindet?

KOLOSAIK 1:5

amu kamang'unet ne kigegonorwok eng' kipsengwet, ne ki osip ogas eng' ng'olyootap imanit ne po logoiywek che myach,

1 PETERO 1:23

amu kigesichok kogeny, ma eng' kesweek che ng'emaksei ago eng' che ma ng'emaksei, eng' ng'olyootap Kamuktaindet, ne sabei ak kotebyei.