MATAYO 12:34 - BUKUIT NE TILIIL Sireet ne Dutero Kanon

³⁴ Lagochu po erenooi, omuktoi ano okweek che oo yaach omwa tuguuk che myach? Ng'alaali kutit che nyiitaat muguleldo.

Bukuit Ne Tilil

³⁴ Lagochu po erenooi, omuktoi ano okweek che oo yaach omwa tuguuk che myach? Ng'alaali kutit che nyiitaat muguleldo.

BUKUIT NE TILIL

³⁴ Okwek lagokab erenok che ng’wonen, omuktoi ano okwek, che o yaach, omwa tuguk che miach? Amu ng’alali kutit che nyiitat muguleldo.

MATAYO 12:34 Iomraidhean Croise

TIENWOGIKAL 53:1

Mwaei che perber eng' mugulelwekwak kole, “Ma mi Kamuktaindet.” Ng'emotin icheek, yaei poisyonik che kiwechei; ma mi ne yaei ne myee.

TIENWOGIKAL 64:3

Che kagolit ng'elyebwekwak ko uu rotoogap chok, ak komwokto kipchabonikwak, chooto ng'aleek che ng'woneen.

TIENWOGIKAL 64:5

Kicheergei eng' mageet ne ya; kichaamjigei kouny mestonok, ki le, “Ng'oo ne imuuchi kogeer icheek?”

KALEWANAIK 16:23

Ineeti muguleldap ne utaat kutinnyi, ak kotesyin kaneetetapkei kutinnyi.

KALEWANAIK 4:23

Riip muguleldang'ung' eng' kagiiletapkei tugul, amu yooto ko punu kong'igap peegap saboon.

ISAIAH 32:6

Amu ng'alaali ne perber kaberberisyet, ak koyai muguleldanyi tengekto, kochombilis, komwa ne ya agobo Kamuktaindet ne Toroor, kometo puch saboondo ne amei rubeet, ak koete koee ne amei melel.

ISAIAH 59:14

Ak kikwa let kirwooget, ak tononi imanda eng' ole loo: amu kagobutyi imanda ooreet, ak ma imuuchi komong' lititindo.

ISAIAH 59:4

Ma mi agot agenge ne cheeng'ei imanda ne po kirwooget, ama mi ne ibei ng'aleek che po iman kapkirwook: imang'u icheek tangoita, ak komwaei lembechek; manachi yaityet, ak kooi tengekto.

ISAIAH 9:17

Maboiboitu Kamuktaindet ne Toroor eng' murenikwak, ama riiree chechwaak che ma tinyei sigiik ak mosoogikwak; amu ya age tugul ak ko yaindetap yaityet, ak komwaei kutit age tugul abusnateet. Nganda uu nooto, koma istogei nereegekyik, ago ta ko chuulaat eunnyi kora.

MATAYO 12:35

Ibune chii ne myee tuguuk che myach konorwennyi ne myee, ak ibune chii ne ya tuguuk che yaach konorwennyi ne ya.

MATAYO 15:18

Ago tuguuk che mang'une kutit kobunu muguleldo, ak chooto che ing'waniti chiito.

MATAYO 23:33

Erenochu, oo lagogap erenook che ng'woneen, ochilildoi ano eng' kirwoogetap Gehenna!

MATAYO 3:7

Ago ye kingo keer che chaang' che po Pharisaik ak Sadukaik kobwonjin kabatisanennyi, koleenji, “Lagochu po erenook, ng'oo ne ki iteiywok omwee piruutyet ne nyoonei?

LUKA 3:7

Ki mwachi anyun tuiyosyek che kibendi ole mi ineendet, si kobatisan, koleenji, “Ee okweek lagogap erenook che tinye ng'wonet, ng'oo ne kagoteeiywok omweune nereeknateet ne tuun nyoonei?

LUKA 6:45

Inemu chiito ne myee kiit ne myee kobunu konorwet ne myee ne mi muguleldanyi; ak inemu chiito ne ya kiit ne ya kobunu konorwet ne ya ne mi muguleldanyi: amu che mwaei kutinnyi ko che nyiitaat muguleldo.

JOHANA 8:44

Oo po kwandang'wong' chesawilyet, ak ochame oyai magutigap kwandang'wong'. Ki rumiindet kobooch taunet, ama tononi eng' imanit, amu ma mi imanit eng' ineendet. Ye mwaei lembech, komwaei agobo tuguukyik, amu kiplembechwa ineendet ak kwanda ne po nooto.

EPESOEK 4:29

Amat komang'une ng'olyoo age tugul ne ya kutusweekwok, ago nooto ne myee ne imuuchi koteekso, ko uu ye nyolu, si kobiit kogoochi myeeindo icheeget che kasei.

EPESOEK 5:4

anan teweernat, anan ng'alaaletap abusnateet, anan roryot ne po ng'aleek che yaach, ma nyolu chooto: ago kaigai kagoitoetap kongoi.

JAKOBO 3:2

Amu kibutosi acheek tugul eng' tuguuk che chaang'. Ngot koma ibut chii age tugul eng' ng'olyoo, kogesunotkei chiichooto, ak komuuchi koriip poorto komugul agine.

1 JOHANA 3:10

Ng'ang'aksei lagogap Kamuktaindet eng' niito, ak lagogap chesawil: chii age tugul ne ma yaei imanda koma po Kamuktaindet, anan ineendet ne ma chamei ne tupcho.

1 SAMUEL 24:13

Ko uu ye mwaei kalewenetap piik che po keny, kole, ‘Punu sogornateet sogoranik,’ ago ma parin eunnyu.