MATAYO 11:20 - BUKUIT NE TILIIL Sireet ne Dutero Kanon

²⁰ Ki toi anyun koger kong' nganasook che ki kiyae poisyonikyik che po kamuktaet, che chaang' kosiir, amu ki ma sik.

Bukuit Ne Tilil

²⁰ Ki toi anyun koger kong' nganasook che ki kiyae poisyonikyik che po kamuktaet, che chaang' kosiir, amu ki ma sik.

BUKUIT NE TILIL

²⁰ Kitoi anyun koger kong’ nganasok che kigiyae boisionikyik che bo kamuktaet, che chang’ kosiir, amu kima sik.

MATAYO 11:20 Iomraidhean Croise

JEREMIA 8:6

Ki aep iit agas, ago ma ng'alaal icheek che po iman. Ma mi chii ne sigu eng' yaityennyi, kole, ‘Koyai nee? Isubi chii tugul ooreennyi, ko uu paraisiit ye labati kochutei lugeet.

MATAYO 12:41

Tuun tonondos piigap Nineveh ak ibini eng' kapkirwook ak korwookyi, amu kisik icheek eng' amdaetap Jona ak ogeero, mi yu ne oo kosiir Jona.

MARIKO 16:14

Ak kingo pata nooto, kong'aang'jigei icheeget taman ak aeng' kotebyei eng' amisyet; ak koger kong' amu pistoennywa ak uuindap mugulelwekwak, amu ki ma iyan icheeget che ki keer ineendet ko kagong'eet.

MARIKO 9:19

Ki wolji icheek koleenji, “Ee, ibinda ne ma tinyei kayaneet, atebye kobootok kot kotyanit? Amuitoiywok kot kotyanit? Omutwaa ineendet.”

POISYONIGAP CHE KIYOKTOI 17:20

Amu keipchi iitiikyok tuguuk alak che leelach: nooto anyun kimache kenai kiit ne ibooru tuguuchuuto.”

2 KORINTOEK 12:21

si ye tuun anyoo kogeny, koma iming'ina Kamuktaindet nenyu eng' taing'wong', ak ariir agobo che chaang' eng' icheek che ki yai tengekwogik kobooch yooto, ama sik eng' simdo ak sokseet ak mageet ne ya agobo tuguuk che yaach che ki yai icheek.

JAKOBO 1:5

Ago ngot kobetyi chii age tugul eng' okweek utaatyet, ko ingosoom Kamuktaindet, ne igoochin tugul eng' aiyebindo ama kere kong'; ak kigoochin ineendet.

NG'ANG'UTYET 16:11

ak ki chup Kamuktaindet ne po kipsengwet amu ng'waninwekwak ak mookwak; ama sik eng' poisyonikwak.

NG'ANG'UTYET 16:9

Ki kibeel piik eng' peelet ne oo; ak ki chup kainetap Kamuktaindet ne tinyei kimnateet koboi korotwechuuto; ak ma sik si kobiit kogoochi toroornatet.

NG'ANG'UTYET 2:21

Ki agoochi ineendet poroindo ale si kosik; ago ma chamei kosik eng' soksennyi.