MARIKO 3:7 - BUKUIT NE TILIIL Sireet ne Dutero Kanon

⁷ Ki pa Jeso ak kasubikyik kotokyigei araraita, ak ki isup `ineendet tuiyet ne oo kobun Galilaya.

Bukuit Ne Tilil

⁷ Ki pa Jeso ak kasubikyik kotokyigei araraita, ak ki isup `ineendet tuiyet ne oo kobun Galilaya.

BUKUIT NE TILIL

⁷ Kiitabangei Jesu ak alamalyennyi ak koba araraita; ak kiisub inendet tuiyet ne o ne kibunu Galili: ak ne kibunu Judea,

MARIKO 3:7 Iomraidhean Croise

MATAYO 10:23

“Ago ye kiusook eng' nganasani omwechi nganaseet age; amu amwaiwok iman ale, mobendi ogesu nganasook che po Israel, ama it Weeriitap Chii.

MATAYO 12:15

Ye kingo nai Jeso agobo nooto, kwo koistogei eng' olooto. Ki isup `ineendet piik che chaang' ak ki isoop icheek tugul,

MATAYO 12:16

ak kong'at kole mat kobarta ineendet

MATAYO 4:25

Ak ki isup ineendet tuiyosyek che eecheen che ki punu Galilaya ak Decapolis ak Jerusalem ak Judea ak Jordan pitoniin.

MARIKO 1:39

Ki wo koyom Galilaya komugul, koamdooti ak ko oonei oik eng' sinagogisyekwak.

MARIKO 1:45

Ago kimanda inee ak kotoi komwaitaat ak kobarastaat ng'olyoondonooto kot ko mata komuuch kowendoot Jeso eng' nganaseet kegeeroti, ago kitebote kewaniin kityo. Ki pwanji `ineendet piik kobun komoswek tugul.

MARIKO 3:20

Ki wo kaa, ak ne matyanit ko ki iyumgei tuiyet kogeny kot ko mata komuuch agot koamis.

MARIKO 4:1

Ki toi kogeny koneetis eng' tabandap araraita. Ki iyumjigei ineendet tuiyet ne oo miising' kot kolaany moingetap peek kotebee araraita, ak kotebee tuiyet tugul ngeguutap araraita.

LUKA 23:5

Ago ki isimji miising', kole, Ki inde chaamset piik, koneetoti eng' Judea komugul, kotoune Galilaya agoi koit oli.

LUKA 6:12

Ki wo Jeso anyun eng' peetuusyechooto, tulweet kosa; ak ki sa Kamuktaindet kemout komugul.

LUKA 6:17

Ak kichoortagei kobooto icheeget, ak kotonone ye ribrip, kobooto tuiyet ne oo ne po kasubikyik, ak piik che chaang' che ki punu Judea komugul ak Jerusalem, ak ngeguutap araraita ole po komostap Tyro ak Sidon, che kibwanei kogasei ineendet ak kisoop eng' myanwekwak;

JOHANA 7:41

Kole alak, ‘niito ko Kristo.’ Ago ki le alage, ‘tos punu Kristo Galilaya?’

JOHANA 7:52

Kowolji anyun ineendet koleenji, “Ii po Galilaya aginye? Cheeng', ak igeer amu ma mang'une Galilaya maotyondo.”

POISYONIGAP CHE KIYOKTOI 17:10

Ak ne matyanit koyookto tupchosyek Paulo ak Sila kemoi koba Berea; ak kingo it olooto, koba sinagogitap Yahudik.

POISYONIGAP CHE KIYOKTOI 17:14

Ki iyookto anyun koma tyanit `tupchosyek Paulo kot koit araraita, ak kita kotebi eng' olooto Sila ak Timoteo.

JOSHUA 20:7

Amu nooto anyun, ko ki itabaan Kedesh eng' Galilaya eng' emetap tuloonook ne po Naphtali, Shekem eng' emetap tuloonook ne po Ephraim ak Kiriath-arba (nooto ko Hebron) eng' emetap tuloonook ne po Judah.

JOSHUA 21:32

Ak eng' pororyetap Naphtali, ko ki Kedesh eng' Galilaya kobooto emotinwekyik che kiyagisye, nooto kogi nganaseet ne mwechin rumiindet, ak Amot-dor kobooto emotinwekyik che kiyagisye, Kartan kobooto emotinwekyik che kiyagisye. Tugul ko nganasook somok.