MARIKO 11:1 - BUKUIT NE TILIIL Sireet ne Dutero Kanon

¹ Ak ye kingo riikta Jerusalem, ak Bethphage ak Bethania, eng' tulweetap Mseituni, koyookto aeng' eng' kasubikyik,

Bukuit Ne Tilil

¹ Ak ye kingo riikta Jerusalem, ak Bethphage ak Bethania, eng' tulweetap Mseituni, koyookto aeng' eng' kasubikyik,

BUKUIT NE TILIL

¹ Ak ye kingorikta Jerusalem, ak Betpage ak Betania, eng’ tulwetab Emitik, koyokto aeng’ eng’ alamalyennyi,

MARIKO 11:1 Iomraidhean Croise

2 SAMUEL 15:30

Ki togosta Daudi kobun ooreet ne kitogostoe kebendi tulweetap mseituni koriiroti. Kiga tuchkei met ago ma tinyei kweonik. Kituchkei met chii age tugul eng' piik tugul che ki mi kobooto ineendet ak kotogostoi, koriiryoti.

SEKARIA 14:4

Ak tuun tononie keelyekyik eng' peetuunooto tulweetap mseituni, ne mi taitap Jerusalem eng' komostap kong'asiis, ak kobetak kwenutap tulweetap mseituni ole tokyingei kong'asiis ak cherongo, ak kobiit eng' yooto atebweet ne oo; ak kwo kebebertap tulwoonooto kotokyingei murot kaataam, ak kwo kebeberta age kotokyigei murot tai.

MATAYO 21:17

Ki pagaakta icheek, ak kwo komanda eng' nganaseet kwo agoi Bethania, ole ki wo koru olooto kemout.

MATAYO 24:3

Ye kitebyei ng'wony eng' tulweetap Mseituni, kobwonji ineendet kasubik komi ineegei, ak kole, “Mwaiwech, egu au tuguuchu? Ak tuun uu nee kaboorunetap nyonuneng'ung' ak kagesunetap ng'wony?”

MATAYO 26:30

Ye kingo kagotyen tyendo, komanda koba tulweetap Mseituni.

MARIKO 11:2

ak koleenji, “Oba nganaseet ne mi taing'wong'; ak onyooru eng' sainooto oite, moitap sigiryet ko rataat, ne tomo kolaany chii; otyach, ak ogetu.

MARIKO 13:3

Ak kingo tebyei ng'wony eng' tulweetap mseituni ye tokyindos ak Hekaluut, koteebe ineendet Petero ak Jakobo ak Johana ak Andrea komi icheegei, kole,

MARIKO 14:13

Ak ki iyookto aeng' che po kasubikyik, koleenji, “Oba nganaseet, ak ye otuiye chiito ne ibu tereetap peek, osup ineendet;

MARIKO 6:7

Ki kuurchigei anyun taman ak aeng', ak kotoi koyookto kobee aeng' aeng', ak ki igoochi icheek kimnateet koterteer tamirmirik che murwonen.

JOHANA 8:1

Ago ki wo Jeso tulweetap Mseituni.

POISYONIGAP CHE KIYOKTOI 1:12

Koweek anyun koba Jerusalem kobunu tulweet ne kiguure tulweetap Mseituni, ne neegitee Jerusalem, ne yamegei ak pandap peetuutap sabato.