MALAKI 4:2 - BUKUIT NE TILIIL Sireet ne Dutero Kanon

² Ago okweek che oiywei kainennyu kochorchinok asiista ne po imanda ne ting'ee kanyaiset kebebaikyik; ak omande, ourerenote ko uu moek che kagiyaat.

Bukuit Ne Tilil

² Ago okweek che oiywei kainennyu kochorchinok asiista ne po imanda ne ting'ee kanyaiset kebebaikyik; ak omande, ourerenote ko uu moek che kagiyaat.

BUKUIT NE TILIL

² Ago okwek che oiywei kainennyu kochorjinok asista ne bo imanda ne ting’e kanyaiset kebebaikyik; ak omande, ourerenote ko u moek che kagiyat.

MALAKI 4:2 Iomraidhean Croise

2 SAMUEL 23:4

ko kergeitu ak lapkeiyet ne po karon, ye charu asiista eng' karonet ne lapkei, ye piitos susweek che ng'orng'oren, eng' kaluunet ne lapkei ko kamoen ropta.”

TIENWOGIKAL 103:3

Ineendet ne nyoun kaat tengekwogiguk tugul; ak kosaabin eng' myanwogiguk tugul,

TIENWOGIKAL 147:3

Inyai che ilyotiin mugulelwekwak, ak koratei mookwak.

TIENWOGIKAL 61:5

Amu inyee, ee Kamuktaindet ne ki igas kaarortaosyekyuk, ki igoono poroteetap icheeget che konyiti kaineng'ung'.

TIENWOGIKAL 67:1

Ingorirenech Kamuktaindet, ak koberuurech, ak kotokyech togeennyi kokwenyech;

TIENWOGIKAL 84:11

Amu Kamuktaindet ne po Toroornatet ko uu asiista ak long'eet: Koonu Kamuktaindet ne Toroor myeeindo ak teegisto: Maete icheek che pendoti eng' imanda kiy age tugul ne myee.

TIENWOGIKAL 85:9

Iman neegitee yetunennyi icheek che iywei ineendet; Si komeny telunateet emennyo.

KALEWANAIK 4:18

Ago ooreetap che po iman ko uu lapkeiyet ne iluu, ne iluu ko tesoksei agoi peetuut ne ititaat.

ISAIAH 30:26

Kogeny, kogergeitu lapkeiyetap arawet ak ne po asiista, ak kotesak lapkeiyetap asiista konyil tisap, koigei lapkeiyetap peetuusyek tisap, eng' peetuut ne inyai Kamuktaindet ne Toroor moogap piikyik, ak kosoop pirutigap kaguotenennywa.

ISAIAH 35:6

Yeityo kotoromben chiito ne ing'wali ko uu cheptirgichet, ak kotyen ng'elyeptap ne namaat kuut. Amu kuutu peek eng' surkwen, ak kobiit kereruusyek eng' surkwen.

ISAIAH 49:6

ee, mwaei kole, kiy ne ming'in iegu otwogindennyu, si kobiit ing'eet pororyosyek che po Jakobo, ak iweech che ki kiriip che po Israel: agoonin kogeny iegu lapkeiyetap Pororyosyek, si kobiit iegu yetunennyu agoi ole poochin ng'wony.

ISAIAH 50:10

Ng'oo eng' okweek ne iywei Kamuktaindet ne Toroor, ne kase iit kutitap otwogindennyi? Ne wendote mesundeito, ama tinyei lapkeiyet, ingomang' kainetap Kamuktaindet ne Toroor ak kotiegei Kamuktaindennyi.

ISAIAH 53:5

Ago ki kitoor agobo pistaosyekyok, ki kiguoten agobo tengekwogikyok: kinyooru kalyennyo eng' pirennyi; ak kisoobenech pirutikyik.

ISAIAH 9:2

Piik che kibendote mesundeito ko kogogeer lapkeiyet ne oo; icheek che ki menyei emetap urwetap meet ko nguno kogoluuchi lapkeiyet.

JEREMIA 17:14

Isooba, ee Kamuktaindet ne Toroor si asap; sarwo, si anyoor saruunet; amu ii kalasunennyu.

JEREMIA 30:17

Amu asaabin, ak anyaa mooguk, mwaei Kamuktaindet ne Toroor; amu kigoguurenen ne ki kitimda, kole Zion niito, ne ma mage kiy chii.

JEREMIA 33:6

Ogeero, anyaai ak asoobi, ak asoobi icheek; ak ang'aang'ji icheek chaang'indap kaalyeet ak imanda.

EZEKIEL 47:12

Ak kobiit keetit age tugul ne ki amei eng' ngeguutap ainonooto, eng' komosi ak komosin, ne marestos sogekyik, ama petos logoekyik: ago yiei logoek eng' arawet age tugul, amu mang'une peekyik ole-tiliil: ak koek amitwogik logoekyik, ak ki anyinyisye sogekyik.

HOSEA 6:1

“Obwa, keeweekyigei Kamuktaindet ne Toroor: amu ki kogereerech ak konyaech; ki kobirech ak inyaech.

HOSEA 6:3

Ongenai anyun, ongetestai kenai Kamuktaindet ne Toroor; mong'u iman ko uu ye eechei: ak nyoonjinech ko uu ropta, ko uu ropta ne po let ne ibisi ng'wony.”

MALAKI 3:16

Ki ng'alaaljigei anyun che iywei Kamuktaindet ne Toroor. Ki ep iit Kamuktaindet ne Toroor kogas ak ki kisir eng' tainnyi bukuitap kabwaatet agobo icheek che iywei Kamuktaindet ne Toroor ak kobwaati kainennyi.

MATAYO 11:5

keertoi che koryotiin, ak kobendoti che salamonik, kitiliili che tinyei mogondosaik, ak kastoi che ming'otin, ak king'eeti che ki kobek, ak keamjin kibananook logoiywek che myach.

MATAYO 23:37

“Ee Jerusalem, Jerusalem, ne parei maotik ak kolage koik icheek che ki kiyookyi! Ki amach konyil ata ayum lagoguk ko uu ye iyumi ngokyet aarekyik eng' kebebaikyik, ago ma ocham!

LUKA 1:50

Tebyei rireenennyi eng' ibinda agoi ibinda eng' icheeget che konyiti ineendet.

LUKA 1:78

amu muguleldo ne rireegei ne po Kamuktaindet nenyo, si kochorchech lapkeiyet ne punu parak,

LUKA 2:32

lapkeiyet ne po ng'ang'utyet ne king'aang'jin Pororyosyek, ak toroornatetap piiguk Israel.”

JOHANA 1:14

Ak ki ek Ng'olyoot poorto ak komeny kwenunnyo (ak ki kigeer toroornatennyi, toroornatet ne uu ne po ne ki kisich ineegei kobunu Kwanda), ko nyiitaat myeeindo ak imanit.

JOHANA 1:4

eng' ineendet ko ki saboondo, ak saboonooto ko ki lapkeiyetap piik,

JOHANA 1:8

Ki ma ko lapkeiyonooto ineendet, ago ki nyo si kobaoryanji lapkeiyonooto.

JOHANA 12:40

“Ki kotuch `ineendet konyekwak, ak Ki kogoochi ineendet mugulelwekwak kouegitu; si ma keere konyekwak, anan konai eng' mugulelwekwak, ak koweek, ak asoop icheek. ”

JOHANA 8:12

Ki mwachi Jeso anyun icheek kogeny, koleenji, “Aa lapkeiyet ne po ng'wony: ineendet ne isuba ko ma wendoti eng' mesundeito, ago nyooru lapkeiyetap saboondo.”

JOHANA 9:4

Kanyool keyai poisyosyegap ineendet ne ki iyookwo, kota ko peet: nyoonei kemout, ye ma komuuchi chii kobois.

POISYONIGAP CHE KIYOKTOI 13:26

“Che kitupche, lagogap kesweek che po Abraham, ak alak che mi kwenung'wong' che iywei Kamuktaindet, kagiyokwech acheek ng'olyoondoni po yetunet.

POISYONIGAP CHE KIYOKTOI 13:47

Amu king'atech Kiptaiyat ko uu nooto kole, ‘Kaandein iegu lapkeiyet ne po Pororyosyek, si kobiit iegu yetunet agoi tabandap ng'wony.’ ”

POISYONIGAP CHE KIYOKTOI 26:18

si kobiit ing'aany konyekwak, ak koweek eng' mesundeito kobwonji lapkeiyet, ak eng' kimnateetap Setani kobwonji Kamuktaindet, si konyoor icheek nyoetap kaat ne po tengekwogik ak poroteet eng' icheek che ki kitiliil amu kayaneet ne mi eng' anee.

2 THESSALONIKEK 1:3

Kanyool kemwachi Kamuktaindet kongoi peetuusyek tugul agobo okweek, che kitupche, ko uu ye nyolu, amu nerei kayaneng'wong' miising', ak ko tesoksei chamyet ne oting'egei okweek tugul;

2 PETERO 1:19

Ak ki tinyei ng'olyootap maonateet ne po iman inne; ne oyae ne myee ye oriip, ko uu tait ne ikweng'sei eng' ole imen, kot koeech, ak kochorchi mugulelwekwok taboiyatap karon:

2 PETERO 3:18

Ago oneryee eng' myeeindo ak naet ne po Kiptaiyandennyo ak ko Yetindennyo Jeso Kristo. Nenyi toroornatet nguno agoi koigeny. Amen.

1 JOHANA 2:8

Ak kogeny, asirwok ng'atuutyet ne leel, ng'olyoot ne iman eng' ineendet ak eng' okweek, amu siirtoi mesundeito, ak kagoluu lapkeiyet ne po iman.

NG'ANG'UTYET 11:18

Ki nereekso pororyosyek, ak kagonyo nereeknateng'ung'. Kagoit peetuut ne kirwookyinee piik che ki kobek, ak peetuut ne kigoochinee otwogiguk maotik melekwek, ak piik che tiliileen ak icheek che iywei kaineng'ung', che mengeechen ak che eecheen; ak keng'em icheek che ng'emei ng'wony.”

NG'ANG'UTYET 2:28

ko uu ye ki ataach agane eng' Abba. Agoochini ineendet taboiyat ne po karon.

NG'ANG'UTYET 22:16

“Anee Jeso ne kaayogu malaikaiyandennyu si kobaoryanwok tuguuchu eng' kanisosyek. Aa tigityot ak keswootap Daudi, taboiyat ne po karon ne ikwenyi.”

NG'ANG'UTYET 22:2

eng' kwenutap oriitinnyi. Ak ki mi keetitap saboon ainonooto, komosi ak komosi, ne yiei logoek taman ak aeng' che teerchiin, ak koyiei logoekyik eng' arawet age tugul: ak kisoobi pororyosyek eng' sogegap keetoto.

RUTH 2:12

Ingoyaagun Kamuktaindet ne Toroor poisyeng'ung', ingogoonin melekto ne nyiitaat Kamuktaindet ne Toroor, Kamuktaindetap Israel, ne ki inyoo imwechi kebebaikyik!”