LUKA 6:20 - BUKUIT NE TILIIL Sireet ne Dutero Kanon

²⁰ Ak kigeerot kasubikyik, ak kole, “Oboiboi okweek che oo ponoon, amu neng'wong' laitornatetap Kamuktaindet.

Bukuit Ne Tilil

²⁰ Ak kigeerot kasubikyik, ak kole, “Oboiboi okweek che oo ponoon, amu neng'wong' laitornatetap Kamuktaindet.

BUKUIT NE TILIL

²⁰ Ak kigeerot alamalyennyi, ak kole, O boiboen okwek che o bonon: amu neng’wong’ bounatetab Jehovah.

LUKA 6:20 Iomraidhean Croise

TIENWOGIKAL 37:16

Kaigai che ng'ering' che tinyei ne po imanda kosiir chaang'indap che po kiptengeginik.

KALEWANAIK 16:19

Kaigai ngetepto kaming'inetapkei kobooto kibananook, kosiir kepchei parunenik ak menotik.

KALEWANAIK 19:1

Kaigai kibananiat ne wendote imanda, kosiir ne imaasat eng' ng'aleekyik ak ko perber.

ISAIAH 29:19

Tesei kogeny poiboiyennywa eng' Kamuktaindet ne Toroor, piik che iming'inegei, ak koboiboitune piik che ponoon, Ineendet ne Tiliil ne po Israel.

ISAIAH 66:2

Amu kiyaei eunnyu tuguuchuuto tugul, ak ki piit anyun tuguuchuuto tugul, mwaei Kamuktaindet ne Toroor; ago ageni ineendet ne panan ak konyerategei eng' muguleldo, ne potani amu ng'olyoondennyu.

SEPANIA 3:12

Ago abagachi eng' kwenung'ung' piik che kinyaliili ak ko kibananook, ak komong' icheek kainetap Kamuktaindet ne Toroor.

SEKARIA 11:11

Ak kibutok eng' peetuunooto: ak ki nai anyun che nyerootiin che po akweetap keechiirek, che ki epcha iit, kole ki ng'olyootap Kamuktaindet ne Toroor nooto.

MATAYO 11:5

keertoi che koryotiin, ak kobendoti che salamonik, kitiliili che tinyei mogondosaik, ak kastoi che ming'otin, ak king'eeti che ki kobek, ak keamjin kibananook logoiywek che myach.

MATAYO 25:34

“Yeityo komwachi `Laitoryat icheek che mi eunnyi ne po tai koleenji, ‘Obwa, okweek che oberuurotin che oo po Abba, onam laitornatet ne kigechobwok kobooch ko kagilumda ng'wony;

MATAYO 5:1

Ye kingo keer `Jeso tuiyosyek, kotogosta tulweet, ak kingo kagotep ng'wony, kobwonji kasubikyik.

LUKA 12:32

Amoiywei, okweek akweet ne ming'in; amu paibai Kwandang'wong' kogoonok laitornatet.

LUKA 13:28

Koek anyun riirek ak nyeetap kelek, ye tuun ogeer Abraham, ak Isak, ak Jakobo, ak maotik tugul, eng' laitornatetap Kamuktaindet, ak kewiirchok okweeget saang'.

LUKA 14:15

Ak kingo kas tuguuchuuto chiito age ne ki mi kobooto ineendet eng' amisyet, koleenji, “Paibai ineendet ne tuun amisyei eng' pounatetap Kamuktaindet.”

LUKA 16:25

Ago ki le Abraham, “Weeri, ibwaat ile kingo ta isabe ko ki inyooru tuguuguk che myach, ki uu nooto Lazaro, kinyooru tuguuk che yaach: ago nguno kigoigoi ineendet eng' yu, ago inyee, imi ng'wanindo ne oo.

LUKA 4:18

Mi Kabuusetap Kiptaiyat kobooto, Ami ki ila si kobiit aamji kibananook logoiywek che myach: Ki iyookwo si kobiit aamji luulenik katyaget, Asi kobiit kogeerto kipkoratinik, Ak atyach che ki kiguoten.

POISYONIGAP CHE KIYOKTOI 14:22

Ki igimitoti saboonwegap kasubik, ko ki ili koba tai eng' kayaneet ak koleenji, “Kanyool keit laitornatetap Kamuktaindet eng' nyalilwogik che chaang'.”

2 KORINTOEK 6:10

ko uu che aragendos, ago che poiboi kotugul; ko uu che ponondos, ago imogornoni che chaang'; ko uu che ma tinyei kiy, ago tinyei tuguuk tugul.

2 KORINTOEK 8:2

ale ye ki ngetyem icheek eng' nyalilda ne oo, ko kitesak poiboindanywa ne siirtoot ak panandanywa ne oo kot kotesyi icheek mogornateetap aiyebindonywa.

2 KORINTOEK 8:9

Amu ongen myeeindap Kiptaiyandennyo Jeso Kristo ole, agot nganda ki mogoryo, ko ki ek kibanania agobo okweek, si kobiit oegu mogoreek eng' panandanyi.

1 THESSALONIKEK 1:6

Ak ki oegu kasubikyok, ak che po Kiptaiyat, ko kaotaach ng'olyoot eng' usiisyet ne oo, kobooto poiboiyet ne po Kabuuset ne Tiliil;

2 THESSALONIKEK 1:5

niito kaboorunet ne tagunoot ne po kirwoogetap imanda ne po Kamuktaindet; si kobiit kiitok keele onyolu eng' laitornatetap Kamuktaindet, ne onyoorunee agine nyalilda:

JAKOBO 1:12

Paibai chiito ne muitoi eng' yoomseet: amu ye kagoterteer, kotaachei kuutweet ne po saboondo, ne ki iarorchi Kiptaiyat icheek che chamei ineendet.

JAKOBO 2:5

Ogaso, tupchosyekyuk ak ko chamanikyuk; tos ki ma lewen Kamuktaindet che ponondos eng' ng'wony koek mogoreek eng' kayaneet, ak koek che nyooru laitornatet ne ki koarorchi icheek che chamei ineendet?

NG'ANG'UTYET 2:9

“Angen nyalildang'ung' ak panandang'ung' nganda ii mogoryo. Angen chombilisyetap icheek che mwaei kole ki Yahudik, nga icheek ko sinagogitap Setani.

1 SAMUEL 2:8

Ing'eeti kibananook komang'une temburyek, ak ko kanabu eng' kapng'atat che ma tinyei kiy, si kogoochi kotebi ak pounik, ak kosich ng'echereetap toroornatet. Amu po Kamuktaindet ne Toroor tolochigap ng'wony, ak ki konde ng'wony kotonone chooto.