LUKA 21:34 - BUKUIT NE TILIIL Sireet ne Dutero Kanon

³⁴ “Ago oriipkei anyun okweek, si ma nyi mugulelwekwok keiyandit, ak pogitet, ak kaimutigap sabeetap peetuusyechu, ak konyonjok peetuunooto kocheak ko uu mesteet:

Bukuit Ne Tilil

³⁴ “Ago oriipkei anyun okweek, si ma nyi mugulelwekwok keiyandit, ak pogitet, ak kaimutigap sabeetap peetuusyechu, ak konyonjok peetuunooto kocheak ko uu mesteet:

BUKUIT NE TILIL

³⁴ Ago oripge anyun okwek, si manyi mugulelwekwok keiyandit, ak bogitet, ak kaiimutikab sobetab betusiechu, ak konyonjok betunoto kocheak ko u mestet:

LUKA 21:34 Iomraidhean Croise

TAUNET 19:32

Ngenage kwandanyo kumik si kobiit kobogit ak keruiye ak ineendet, si keriip iyoteet.”

TAUNET 19:35

Ki inaga kumik kwandanywa kogeny kemounooto, ak king'eet anyun ne ming'in, kwo ipkoruiyo ak kwan. Ma nai kora koruitos tuwai, anan kong'eetei.

TAUNET 27:14

Ki wo anyun ak kogetyi kamet, ne ki chop koanyinyitu, ko uu ye chamei kwandanyi.

TIENWOGIKAL 35:8

Ingoche ineendet `ng'emisyet! Ak ingonam ineendet mesteet ne ki unyei; ingororokyi olooto eng' ng'emisyonooto!

KALEWANAIK 21:4

Koonyek che tinyei menoteet ak muguleldo ne meenei, agot taitap kiptengeginik ko tengekto kityo.

KALEWANAIK 23:20

Amotebi ak eeigap divaik, kobooto kipkeinik che amei panyeek.

AMDOINDET 9:12

Amu manai chiito agine peetuunnyi: uu njireenik che kinamei eng' regereiywot ne ya ak uu toriitik che kinamei eng' mesteet, kinamei ko uu nooto weeriigap piik eng' peetuut ne ya ne cheei icheek.

ISAIAH 28:7

Ago ki kochiliil chuuto ak icheek amu divaik, ak ki komaasta amu maiyek; ki kochiliil tisiindet ak maotyot amu maiyek, ki komaaluuch divaik icheek, ki komaasta amu maiyek; ichiliili eng' ng'ang'utyet, ibutos eng' kirwooget.

HOSEA 4:11

kugoinatet. Divaik ak divaik che leelach, ko istoi kaguiyet.

ATEPTAP LAWIK 10:9

“Amat iee divain anan maiyo alak tugul inyee ak weeriiguk ye obendi emait ne kituiyechin, si mobegu. Egu niito ng'atuutyet ne po agoi eng' ibinwekwok tugul.

MATAYO 13:22

Nooto ne ki kilechi ole mi katook, ko ineendet ne kasei ng'olyoot ak kogiich kererwegap met che po ng'wony, ak kaberberisyet ne po mogornateet, si mai.

MARIKO 13:9

“Ago oriipkei okweek: amu tuun kimutyinok kapkirwook; ak kebirok eng' sinagogisyek; ak oteleli eng' taitap pounik ak laitorinik agobo anee, si koek paornat eng' icheek.

MARIKO 4:19

ak ye kait kaimutigap ng'wony, ak kaberberisyetap mogornateet, ak magutigap tuguuk alak, kogiich ng'olyoot si ma sich logoek.

LUKA 10:41

Ago ki wolji Kiptaiyat koleenji, “Marta, Marta, igereeri met ak iimige agobo tuguuk che chaang':

LUKA 12:40

Ochopkei ak okweek: amu nyoonei Weeriitap chii eng' sait ne mobwaati.

LUKA 17:3

Oriipkei: ngo chiliilun ne otupche, iger kong'; ak ngo sik, inyochi kaat.

LUKA 21:35

amu uu nooto tuun nyoonjin piik tugul che menyei ng'wony komugul.

LUKA 21:8

Ak ki le, Oriipkei si ma kibeetook: amu tuun pwoonei piik che chaang' eng' kainennyu, koleen, Aa ineendet; ak, Kagoriik peetuusyek: amosup icheek.

LUKA 8:14

Ak che ki ibutyi katook, ko icheeget che ki kas, ak ye kaba kogiich kererwegap met ak mogornatosyek, ak poiboiyetap tuguugap sabooni, ama iyo logoek che nyiitootiin.

1 KORINTOEK 5:11

ago nguno asirwok, ale amonamge ak chii age tugul ne kiguure tupchet, ne soksei, anan kipkeiyat, anan ne saaei kanamonik, anan ne chubisyei, anan kibogityot, anan rebindet; amat oamjine ak chiito ne uu nooto, achicha.

1 KORINTOEK 6:10

anan chooriik, anan kipkeinik, anan kibogitinik, anan che chubisyei, anan rebiik, che nyooru laitornatetap Kamuktaindet.

GALATYEK 5:20

saaetap kanamonik, ponisyet, punyondisyek, suryosyek, ng'etkonda, nereegek, taiyasyek, kabesyosyek, pcheutik,

NG'ATUTIK 29:19

Ye kas ng'aleegap chubisyoni, koberuurgei eng' muguleldanyi kole, atebye eng' kaalyeet agot ngawendoti eng' ngelelnatetap muguleldanyu; tesei melelda pogitet.

PILIPIK 4:6

Amogereeri met eng' kiy age tugul; ago eng' kiy age tugul ko eng' saaet ak soomet kobooto kongoi, ingonaak soomutikwok eng' Kamuktaindet.

HEBRANIK 12:15

ogeer si ma rartae chii myeeindap Kamuktaindet; si ma piit tigityotap ng'wanindo ak konyalilis, ak komurwon che chaang';

2 PETERO 3:10

Ago tuun nyoonei peetuutap Kiptaiyat ko uu choriin; ne siirtoe kipsengwet eng' cheet ne oo, ak kochootyo tuguuk tugul che ki kiyae ng'wony ak parak eng' maat ne koroom, ak kolal ng'wonyut ak poisyonik che mi.

2 PETERO 3:14

Nooto anyun, chamanichu, amu ogeni tuguuchooto, ogiilgei si tuun kenyoorwok omi eng' kaalyeet ko motinye tisya amotinye leluut eng' tainnyi.

NG'ANG'UTYET 3:3

Ibwaat anyun nooto kiitaach ak ki igas; iriip, ak isigu. Ngot ko meriipse anyun, anyoone ko uu choriindet, amenae sait ne anyoonjinenen.

1 SAMUEL 25:36

Kingo it Abigail ole mi Nabal, ko ki tinyei ineendet igoorto ne uu igoortap laitoryat eng' koonnyi, ak ki paibai muguleldap Nabal amu kiga pogit kot. Ma mwachi kiy Abigail, ne ming'in anan ko ne oo agoi koeech.