LUKA 18:32 - BUKUIT NE TILIIL Sireet ne Dutero Kanon

³² Amu kindoi ineendet eunegap Pororyosyek, si kechurachur, ak kiteweer, ak kesing'ilji:

Bukuit Ne Tilil

³² Amu kindoi ineendet eunegap Pororyosyek, si kechurachur, ak kiteweer, ak kesing'ilji:

BUKUIT NE TILIL

³² Amu kindoi inendet eunekab Bororiosiek, si kechurachur, ak kitewer, ak kesing’ilji:

LUKA 18:32 Iomraidhean Croise

ISAIAH 50:6

Ki agoochi kobir patennyu piriik, ak agoochi matang'wekyuk icheeget che kiitut suumeek: ma aung'e togeennyu teweernateet ak che sing'iljino.

ISAIAH 52:14

Ko uu ye kikwong'enen che chaang', (ki king'em togeennyi kosiir ne po chii age tugul, ak ki king'em itoondanyi kosiir weeriigap piik,)

ISAIAH 53:3

Ki kisas, ak ki eesyo `piik ineendet; chiitap aragenosyek, ne ingen ng'wanindo: ak ki kisas ineendet ko uu chiito ne ung'e piik togoochikwak, ama kiit ineendet keele kiy.

MIKAH 5:1

Iyumge anyun, obee kweanaigap lugeet, ee cheptap kweanaigap lugeet; kogoyiemech: kwere kirokto matandap kirwoogindetap Israel.

MATAYO 16:21

Kobooch yooto anyun, kotoi Jeso koboorchi kasubikyik kole wendi ineendet Jerusalem, ak nyooru kanyaliilet ne oo eng' eunegap poisyek, tisiik che eecheen ak siriik, ak kebar, ak eng' peetuutap somok, king'eet.

MATAYO 20:19

ak kigoito kochurachur Pororyosyek, ak kebire kipchoritiit ak kogartaat eng' kimurtoiyot. Eng' peetuutap somok king'eeti ineendet.”

MATAYO 22:6

ko che ki ng'et konam otwogikyik, konyaliil ak kobar.

MATAYO 26:67

Kising'ilji togeennyi ak koluch; ak korabach alak,

MATAYO 27:2

Ki rat ineendet, koomut ak ipkogoochi Pilato pounindet.

MARIKO 14:65

Ak ki toi alak kosing'ilji ineendet ak kotuch togeennyi, ak koluch, ak koleenji, “Ng'orse!” Ki nam `riibiik ineendet ak korabach.

MARIKO 15:1

Ak yeityo ko kaech kotet ng'aleek tisiik che eecheen kobooto poisyek ak siriik, ak kapkirwooget komugul, ak korat Jeso, ak komut kwo, ak kogoochi Pilato.

LUKA 18:33

ak kobire kipchoritiit, ak kobar: ak kong'eet kogeny eng' peetuutap somok.”

LUKA 23:1

Ki ng'eetyo anyun tuiyet komugul, ak komutyi ineendet Pilato.

LUKA 23:11

Ak ki iming'in ineendet Herod ak asigarikyik, ak kochombil, ak kolaakyi ngoryeet ne karaaran miising' ak koweekyi Pilato kogeny.

LUKA 23:35

Ak kitonondos piik kogeerei. Ak kororechi ineendet pounik kole, Kisaru alak; ingosargei ibak ngo Kristo niito, ne lewenot ne po Kamuktaindet.

JOHANA 18:22

Ak ye kingo kagomwa ko uu niito, korabach Jeso age eng' kiptainik che kitonondos eng' yooto kole, “Iwoljini tisiindet ne oo ko uu nooto?”

JOHANA 18:28

Ki imut Jeso anyun kong'etee kap Kaiapa kwo Praitorium: ak kita ko karon miising'; ak ma pa icheeget Praitorium oriit, si ma ng'woneegitu, ago si kobiit koam paska.

JOHANA 18:30

Kowolji koleenji, “Nda koma ko chalwogin chiichi, ta koma kimutu ineendet konyo taing'ung'.”

JOHANA 18:32

si kobiit kosulda ng'olyootap Jeso, ne ki mwa, kobooru meet ole meitoi ineendet.

JOHANA 18:35

Kowol Pilato kole, “Aa Yahudyot? Kagomutun tainnyu pororyeng'ung' ak tisiik che eecheen. Ki iyai nee?”

POISYONIGAP CHE KIYOKTOI 2:23

Ineendet ne ki igoito Kamuktaindet eng' pegechinetap ng'olyoondennyi ak naet ne kiga kechop eng' tai, ki ogartaat okweek ineendet ak obar eng' eunegap piik che pistoe ng'atuutik.

POISYONIGAP CHE KIYOKTOI 3:13

Kamuktaindet ne po Abraham, ak ne po Isak, ak ne po Jakobo, Kamuktaindet ne po kwanisyekyok, ko kagotoroor kiboitiondennyi Jeso, ne ki ogoite ak ki otiiye ineendet eng' taitap Pilato, ye kiga kobegechi kotyach ineendet.