LUKA 16:2 - BUKUIT NE TILIIL Sireet ne Dutero Kanon

² Ak kiguur ineendet koleenji, “Nee ni agase agobo inyee? Koonu koitetap riipseng'ung'; amu ma iegu riibindet kogeny.”

Bukuit Ne Tilil

² Ak kiguur ineendet koleenji, “Nee ni agase agobo inyee? Koonu koitetap riipseng'ung'; amu ma iegu riibindet kogeny.”

BUKUIT NE TILIL

² Ak kiguur inendet kolenji, Nee ni agase agobo inye? Konu koitetab ripseng’ung’; amu ma iegu ribindet kogeny.

LUKA 16:2 Iomraidhean Croise

AMDOINDET 12:14

Amu ipchin Kamuktaindet poisyet age tugul kapkirwooget, kobooto kiit age tugul ne ung'aat, ngo kiy ne myee anan ngo ne ya.

MATAYO 12:36

“Amwaiwok ale, ng'olyoo age tugul ne mwaei piich eng' tangoi, ko tuun tetu chooto tugul eng' peetuutap kirwooget.

MATAYO 20:8

“Ye kingo ek koskoleny, komwachi chiitap ko po mbareetap sabibuk kiboityondennyi ne oo koleenji, ‘Guur meek si kobiit igoochi melekwekwak, itaune ne po let agoi ne po tai.’

LUKA 12:20

Ago ki leenji Kamuktaindet, ii perber inyee, kimachei saboondang'ung' kemouni po ra; ara, si kobunji ng'oo anyun, tuguuchooto koichop?”

LUKA 12:42

Kole anyun Kiptaiyat, Ng'oo anyun riibindet ne kiyani ak ko ng'oom, ne indoi kiptaiyandennyi kotononji koonnyi, ak kogoochi amitwogikwak che yamei eng' peetuut ne makyin?

LUKA 16:1

Ak ki leenji ineendet kasubikyik kogeny, ki mi chii anum ne ki mogoryo, ne ki tinyei riibindet ne kitononjin koonnyi; ak ki kimwaita chiichooto eng' tainnyi keele, iserseri tuguugap mogoryondonooto.

LUKA 16:3

Ak ki le riibindonooto eng' muguleldanyi, Ayae nee anyun, amu kagoistaa kiptaiyandennyu eng' poisyet? Ama tinye kimnateet ne abatisye; ak ngale, Asoomso, alilani.

ROMANIK 14:12

Nooto anyun, tuun tetyin chii age tugul Kamuktaindet atebeennyi.

1 KORINTOEK 1:11

Amu ki komwoiwo icheek che mi kootap Kloe agobo okweek, tupchosyekyuk, kole mi toiyasyek kwenung'wong'.

1 KORINTOEK 4:2

Eng' yuto anyun kogeny, kemage riibiik keele koek chii age tugul ne kiyani.

1 KORINTOEK 4:5

Nooto anyun amat orwookyi kiy kotom koit peetuut, agoi konyo Kiptaiyat. Inee ne tuun ng'aanyei tuguuk che ung'ootiin che po mesundeito ak kobarta kabwaatutik che po mugulelwek; si konyoor chii age tugul anyun kalasunennyi eng' Kamuktaindet.

2 KORINTOEK 5:10

Amu kanyool kibartech acheek tugul eng' taitap ng'echereetap kirwooget ne po Kristo; si kobiit kotaach chii age tugul tuguuk che tee che ki yai eng' poorto, ngo myach anan ngo yaach.

1 TIMOTEO 4:14

Amebagaakte iboisyee konunet ne itinye, ne ki kigoonin eng' ooreet ne po amdaet, kobooto kagonooretap eunek che po poisyegap kaniset.

1 TIMOTEO 5:24

Taagunotiin tengekwogigap piik alak, indoe kobendi kirwooget; ak che po piik alak ak icheek kosubi icheek.

1 PETERO 4:10

ko uu ye kigonyoor chii age tugul kagoochinet oboisyechinegei, ko uu riibiik che myachen che po chaang'indap myeeindap Kamuktaindet;

1 PETERO 4:5

che tuun tetyin ng'aleek ineendet ne choboot korwookyi che saptos ak che ki kobek.

NG'ANG'UTYET 20:12

Ak ki ageer che ki kobek, che eecheen ak che mengeechen, kotonondos eng' taitap ng'echereetap laitornatet; ak ki kiyaat bukuisyek. Ki kiyat kora bukuit age, nooto ko bukuitap saboondo. Ak ki kirwookyi che ki kobek eng' tuguuk che kiga kisirchi bukuisyechooto, ko uu poisyonikwak.