LUKA 15:22 - BUKUIT NE TILIIL Sireet ne Dutero Kanon

²² Ago ki leenji kwanda otwogikyik, Oibu ochogune ngoryeet ne karaaran ne siirei tugul, ak olaakyi; ak ondechi peteiyot mornennyi, ak olaakyi kweonik:

Bukuit Ne Tilil

²² Ago ki leenji kwanda otwogikyik, Oibu ochogune ngoryeet ne karaaran ne siirei tugul, ak olaakyi; ak ondechi peteiyot mornennyi, ak olaakyi kweonik:

BUKUIT NE TILIL

²² Ago kilenji kwanda otwogikyik, Oibu ochogune ngoriet ne kararan ne siirei tugul, ak olaakyi; ak ondechi peteit mornennyi, ak olaakyi kweonik:

LUKA 15:22 Iomraidhean Croise

TAUNET 41:42

Ki inem Pharaoh eng' eunnyi peteiyot ne po ng'ookset, ak konde eutap Joseph, ak kolelesonji ineendet eng' ngoroik che korooron che po katanit, ak konde sirimdo ne po thahabu kaatinnyi.

TIENWOGIKAL 132:16

Alaakyini tisiikyik ak icheek yetunet; ak kogaskei eng' kutit ne oo eng' poiboiyet chechiik che tiliileen.

TIENWOGIKAL 132:9

Ingolaach tisiiguk imanda; ak ingogaskei eng' kutit ne oo eng' poiboiyet cheguuk che tiliileen.

TIENWOGIKAL 18:33

Yaei ineendet keelyekyuk koigei che po kenyeleet, ak nama atonon eng' komoswekyuk che sutotin.

TIENWOGIKAL 45:13

Tinyei cheptap laitoryat teegisto miising' eng' ko; ki kinapchi ngoroikyik thahabu.

TYENDO NE SIIREI TUGUL 7:1

Korooron ne tya keelyeguk komi kweonik, ee cheptap pounindet! Uu kubesaiguk che muguleen koik che korooron, poisyetap musogindet ne ng'oom.

ISAIAH 61:10

Abaibaitu miising' eng' Kamuktaindet ne Toroor, poiboitu saboondanyu miising' eng' Kamuktaindennyu; amu kagolaakwa ngoroigap yetunet, kagotugeno ngoryeet ne po imanda, ko uu ye lelesane sandet kiit ne indoi metit, ak ko uu ye lelesane murereet sonoekyik.

LUKA 15:21

“Ak ki leenji weeriit, Abba, ki achalwogenji kipsengwet, ak ki achalwogen eng' taing'ung': ma ko nyoljino kota keguureno weeriing'ung'.

LUKA 15:23

ak ogetu moita ne neraat, ak oeny, si keam, ak keboiboitu:

ROMANIK 13:14

Ago olach Kiptaiyat Jeso Kristo, amochopchi poorto poroindo, si oyai maguutikyik.

ROMANIK 3:22

agot imandap Kamuktaindet ne mi eng' kayaneet eng' Jeso Kristo eng' icheeget tugul che iyani; amu ma mi kabesyet;

ROMANIK 8:15

Amu ki ma otaach kogeny muguleldap otwoknot ne koonok oiyweisye; ago ki otaach Kabuuset ne Tiliil ne ki kiyaenak oegu lagogap Kamuktaindet. Eng' nooto anyun ye kiriire keele, Abba, Kwanda

GALATYEK 3:27

Amu che tee eng' okweek che ki kibatisanjok Kristo ko ki olaach Kristo.

EPESOEK 6:15

ak ko kaoratyi keelyekwok pekyinet ne po logoiywek che myach che po kaalyeet;

NG'ATUTIK 33:25

Egu kweoniguk kariik ak sugunonik, ak tebyei kimnateng'ung' ko uu peetuusyeguk.”

NG'ANG'UTYET 19:8

Ki kigoochi ineendet kolaachkei eng' katanit ne karaaran, ne leel kot ak ko tiliil.” Amu katanit ne karaaran ko poisyonigap imanda che po piik che tiliileen.

NG'ANG'UTYET 2:17

“Ineendet ne tinyei itit, kogas kiit ne mwachin Kabuuset ne Tiliil kanisosyek. Ineendet ne iterteeri, agoochini che po mana che ung'ootiin, ak agoochi koita ne leel, ak ki kisirchi koyata kainet ne leel, ne ma ingen chii kobatee ineendet ne taachei.

NG'ANG'UTYET 3:18

Atigoonin anyun ale ialena thahabu ne ki kitiliile maat, si iegu mogoryot; ak ngoroik che leelach, si ilaaige, si ma took kalilanetap aach ngoring'ung'; ak kerichegap koonyek che iilee konyeguk si igeerte.

NG'ANG'UTYET 6:11

Ki kigoochi age tugul eng' icheek ngoryeet ne leel; ak keleenji kota komuuny ne matya, kot kosulda koitetap che otwogik kobooto icheek, ak tupchosyekwak, che tuun kibarei ko uu icheeget.

NG'ANG'UTYET 7:9

Kingo pata tuguuchu, ageer tuiyet ne oo ne ki ma komuuchi chii koiit, che punu pororyet age tugul, ooreet age tugul, piik ak kutusweek, kotonondos eng' taitap ng'echereetap laitornatet ak eng' taitap Aarwet. Ki ilaachi ngoroik che leelach ak kotinyei mooriigap sosik eng' eunekwak.