LUKA 12:21 - BUKUIT NE TILIIL Sireet ne Dutero Kanon

²¹ Ki igees Jesu kole, “Uu nooto anyun chiito ne konorchingei mogornateet ineegei, ne ma mogoryo eng' Kamuktaindet.”

Bukuit Ne Tilil

²¹ Ki igees Jesu kole, “Uu nooto anyun chiito ne konorchingei mogornateet ineegei, ne ma mogoryo eng' Kamuktaindet.”

BUKUIT NE TILIL

²¹ U noto anyun chito ne konorjingei magornatet inegei, ne ma magorio eng’ Jehovah.

LUKA 12:21 Iomraidhean Croise

KALEWANAIK 13:7

Mi ne yaegei koek mogoryo, ago ma tinyei kiy, ak mi ne yaegei koek kibanania, ago tinyei mogornateet ne oo.

HOSEA 10:1

Israel ko keetitap sabibuk ne tuneni kot, ne yiei logoekyik: ki kotes ineendet kapkorosusyekyik ko uu ole tee chaang'indap logoekyik; ki koyai icheek tolochik che korooron ko uu ole tee karaaranindap emennyi.

HABAKUK 2:9

Pwo ineendet ne taachei kelunet ne ya agobo koonnyi, si kobiit koteech keswennyi eng' ole toroor, si kobiit kesar eng' eutap yaityet!

LUKA 12:33

Oalde che otinye, si ogoite kagoochinoik; onapchigei suberok che maosegitu, konorwet eng' kipsengwet ne ma pegu, ole mariikyin chooriik, ama ng'emei kuutik.

LUKA 16:11

Uu nooto anyun, ngo ki ma oegu che kiyani eng' mogornatosyek che ma po imanda, ko ng'oo ne tos iyanak eng' mogornatosyek che po imanda?

LUKA 6:24

Ago pwo eng' okweek che oo mogore! Amu kaotaach kagaigaeng'wong'.

ROMANIK 2:5

Ago eng' uindang'ung' ak muguleldang'ung' ne ma tinyei siguunet, igonorchinigei nereeknateet kobunji peetuutap nereeknateet ak ng'ang'utyetap kirwooget ne po imanda ne po Kamuktaindet;

2 KORINTOEK 6:10

ko uu che aragendos, ago che poiboi kotugul; ko uu che ponondos, ago imogornoni che chaang'; ko uu che ma tinyei kiy, ago tinyei tuguuk tugul.

1 TIMOTEO 6:9

Ago icheek che machei koek mogoreek kobutyin yoomseet ak mesteet ak maguutik che chaang' che perberen, che ibu ng'wanindo, che lugui piik koba ng'emisyet ak luseet.

JAKOBO 2:5

Ogaso, tupchosyekyuk ak ko chamanikyuk; tos ki ma lewen Kamuktaindet che ponondos eng' ng'wony koek mogoreek eng' kayaneet, ak koek che nyooru laitornatet ne ki koarorchi icheek che chamei ineendet?

NG'ANG'UTYET 2:9

“Angen nyalildang'ung' ak panandang'ung' nganda ii mogoryo. Angen chombilisyetap icheek che mwaei kole ki Yahudik, nga icheek ko sinagogitap Setani.