LUKA 12:12 - BUKUIT NE TILIIL Sireet ne Dutero Kanon

¹² amu ineetook Kabuuset ne Tiliil eng' sainooto kiit ne nyolu omwa.

Bukuit Ne Tilil

¹² amu ineetook Kabuuset ne Tiliil eng' sainooto kiit ne nyolu omwa.

BUKUIT NE TILIL

¹² amu inetok Tamirmiriet ne Tilil eng’ sainato kit ne nyolu omwa.

LUKA 12:12 Iomraidhean Croise

KOMONG'U 4:11

Ak kiteebe `Kamuktaindet ne Toroor ineendet koleenji; “Ng'oo ne kiyaei kutitap chii? Anan ne yaei chii konamak kuut, anan kotimak, anan si kogeerto, anan kogor? Tos ma anee Kamuktaindet ne Toroor?

KOMONG'U 4:12

Ara anyun, tau panda ui, ami kobooten eng' ng'alaaleng'ung', ak aneetiin che kanyool imwa.”

MATAYO 10:19

Ago ye igoitook, ko mogereer met agobo ole ong'alaaldoi anan kiit ne omwae; amu ki koonok eng' sainooto ne omwae.

MATAYO 10:20

Amu ma okweek che ong'alaali, ago Kabuusetap Kwandang'wong' ne ng'alaali eng' okweek.

LUKA 12:13

Ki leenji anyun chiito age eng' tuiyet, Kaneetindoni, mwachi weeriit ne kitupche kopcheiywa tuguukyok.

LUKA 21:15

amu agoonok kutit ak utaatyet, ne ma imuuchi puunikwok tugul kota kowol kiy anan kogirindaak.

POISYONIGAP CHE KIYOKTOI 4:8

Kingo nyi anyun Petero Kabuuset ne Tiliil, koleenji icheek, “Okweek pounigap piik ak poisyek,

POISYONIGAP CHE KIYOKTOI 6:10

Ago ki ma imuuch icheek kogirinda utaatyet ak Kabuuset ne Tiliil ne ki ng'alaale ineendet.

POISYONIGAP CHE KIYOKTOI 7:55

Ago ki inyal kipsengwet kochiilji kong' ko nyiitaat ineendet Kabuuset ne Tiliil, ak ki keer liilindap Kamuktaindet ak Jeso kotononi eng' eutap tai ne po Kamuktaindet.