LUKA 10:28 - BUKUIT NE TILIIL Sireet ne Dutero Kanon

²⁸ Ak ki leenji, “Kewolu komyee: yai ko uu nooto, si isap.”

Bukuit Ne Tilil

²⁸ Ak ki leenji, “Kewolu komyee: yai ko uu nooto, si isap.”

BUKUIT NE TILIL

²⁸ Ak kilenji, Kewolu komie: yai ko u noto, si isob.

LUKA 10:28 Iomraidhean Croise

NEEMIA 9:29

Ki ibaoryanji icheek itigon, ile imutyi kogeny Ng'atuutyeng'ung', ago kiboisyee icheek menoteet, ama kas iit ng'atuutiguk, ago ki yai tengekto kongelelji kirwoogutiguk (che ngot koriip chii age tugul kosabe). Kilit oliin ak kouiit kaatinnywa ama cham kogas.

KALEWANAIK 19:16

Riibei saboondanyi ne riibei ng'atuutik, ago meei ne ma riibei ortinwekyik.

EZEKIEL 20:11

Ak ki agoochi icheek ng'atuutikyuk, ak aboorchi kirwoogutikyuk, che ngo yai chii kosabei eng' chooto.

EZEKIEL 20:13

Ago ki ingelelja kootap Israel eng' surkwen: ma pendate ng'atuutikyuk, ak ki eesyo kirwoogutikyuk, che ngo yai chii kosabei eng' chooto; ki imurwon icheek miising' sabatosyekyuk: ki amwa anyun ale, aroong'jini icheek eng' surkwen nereegekyuk che ng'woneen si agees icheek.

EZEKIEL 20:21

Ago ki ingelelja ak icheek lagok; ma pendate ng'atuutikyuk anan koriip kirwoogutikyuk, koyai, che ngo yai chii kosabei eng' chooto; ki imurwon icheek sabatosyekyuk: amwa anyun ale aroong'jini icheek nereegekyuk che ng'woneen si kobiit ayai nereegekyuk kosulda eng' icheek eng' surkwen.

ATEPTAP LAWIK 18:5

Oriip anyun ng'atuutikyuk ak kirwoogutikyuk: amu ngo yai chiito chooto, kosabei eng' chooto. Aa Kamuktaindet ne Toroor.

MATAYO 19:17

Ak ki leenji ineendet, “Kalya si iteebena agobo nooto myee? Mi agenge ne myee. Ngimache imong'ji saboondo, inam ng'atuutik.”

MARIKO 12:34

Ak kingo keer Jeso kole kawol eng' ng'omnateet, koleenji, “Ma ii loo eng' laitornatetap Kamuktaindet.” Ak mata kogany chii koteebe ng'olyoo age tugul.

LUKA 7:43

Kowol Simion kole, “Aleen ineendet ne ki kinyochi kaat che chaang'.” Ak ki leenji, “Kairwooch komyee.”

ROMANIK 10:4

Amu Kristo kagesunetap Ng'atuutyet agoi imanda eng' age tugul ne iyani.

ROMANIK 3:19

Ak kingen keele tuguuk alak tugul che mwaei Ng'atuutyet, komwachin icheek che miitei eng' pounatetap Ng'atuutyet; si kobiit keger kutit age tugul, ak si ki mutyi ng'wony komugul kirwoogetap Kamuktaindet:

ROMANIK 7:10

ak ki ageer ale ki punji meet ng'atuutyet ne ki po saboondo:

GALATYEK 3:12

ak ma po Ng'atuutyet kayaneet; ago, Ineendet ne yaei chooto kosabei eng' chooto.

NG'ATUTIK 6:24

Ki ng'atech anyun `Kamuktaindet ne Toroor keyai kaneetisyosyechu tugul, kiywei Kamuktaindet ne Toroor, Kamuktaindennyo si ketepte myeeindo kotugul, si koriibech kesapchee ko uu ra.