LUKA 1:65 - BUKUIT NE TILIIL Sireet ne Dutero Kanon

⁶⁵ Ak ki nyoonji kaiyweisyet tugul che ki menyei komoswekwak; ak ki kimwaita ng'aleechuuto tugul koyom emetap tuloonook ne po Judea.

Bukuit Ne Tilil

⁶⁵ Ak ki nyoonji kaiyweisyet tugul che ki menyei komoswekwak; ak ki kimwaita ng'aleechuuto tugul koyom emetap tuloonook ne po Judea.

BUKUIT NE TILIL

⁶⁵ Ak kinyonji kaiyweisiet tugul che kimenyei komoswekwak; ak kigimwaita ng’alechuto tugul koyom emetab tulonok ne bo Judea.

LUKA 1:65 Iomraidhean Croise

MATAYO 2:1

Ak ye kingo kagesich Jeso eng' Bethlehem ne po Judea eng' peetuusyek che po laitoryat Herod, ogeero, ki pwa Jerusalem piik che ng'oomen kobunu kong'asiis,

LUKA 1:39

Ki ng'eet anyun Maria eng' peetuusyechooto kwo kochaakta emetap tuloonook, agoi nganaseetap Judah;

LUKA 2:18

Ak ki kwong'yo tugul che ki kas ng'aleechooto ki mwachi mestoweek.

LUKA 5:26

Ak kokwong'yo icheek tugul ak kolas Kamuktaindet; ak ki nyi icheek kaiyweisyet, ak kole, “Kagegeer rani tuguuk che kikwong'ee.”

LUKA 7:16

Ak ki iyweis tugul: ak kolas Kamuktaindet kole, “Kagong'eet eng' kwenunnyo maotyot ne oo: ak, Kagorutoochi `Kamuktaindet piikyik.”

POISYONIGAP CHE KIYOKTOI 19:17

Ak kinaak niito eng' tugul, Yahudik kobooto Yunanik, che ki menyei Epheso; ak kinyoor kaiyweisyet icheek tugul, ak kinyoor teegisto kainetap Kiptaiyat Jeso.

POISYONIGAP CHE KIYOKTOI 2:43

Ki nyoor chii tugul kaiyweisyet, ak kiyaak kwang'utik che chaang' ak kaboorunoik eng' che kiyooktoi.

POISYONIGAP CHE KIYOKTOI 5:11

Konyonji anyun kaiyweisyet ne oo kaniset komugul kobooto tugul che ki kas tuguuchooto.

POISYONIGAP CHE KIYOKTOI 5:5

Kingo kas Anania ng'aleechu, kobut ak kome. Ak ki nyoonji kaiyweisyet ne oo tugul che ki kas.

JOSHUA 10:40

Ki par anyun Joshua emet tugul; emetap tuloonook, komostap murot tai, warenget ak chepkeigeusyek kobooto laitorinikwak tugul. Ma pagaakta kong'et agot agenge. Ki par kogees tugul che ki tinyei kabuuset, ko uu ye ki ng'at Kamuktaindet ne Toroor, Kamuktaindetap Israel.

JOSHUA 10:6

Ki iyookto `piigap Gibeon Joshua eng' nganaseet eng' Gilgal, koleenji, “Amebagaakte otwogiguk; nyoo togosu ichogu ak isarwech! Toretech amu kagoyumjeigei laitorinik tugul che po Amorik che menyei emetap tuloonook.”

NG'ANG'UTYET 11:11

Ak ye kingo pata peetuusyechooto somogu ak kebeberta kochut icheek kabuusetap saboondo ne punu Kamuktaindet, ak kotononio eng' keelyekwak; ak konam kaiyweisyet ne oo icheek che ki keer.