KOMONG'U 40:34 - BUKUIT NE TILIIL Sireet ne Dutero Kanon

³⁴ Ki nyo kotuch anyun pooldet emait ne kituiyechin ak ki nyi emait `liilindap Kamuktaindet ne Toroor.

Bukuit Ne Tilil

³⁴ Ki nyo kotuch anyun pooldet emait ne kituiyechin ak ki nyi emait `liilindap Kamuktaindet ne Toroor.

BUKUIT NE TILIL

³⁴ Kinyo kotuch anyun boldet emait ne kituiyechin, ak kinyi got lilindab Jehovah.

KOMONG'U 40:34 Iomraidhean Croise

2 SAMUEL 7:6

Amu tomo amenye ko kobooch peetuut ne ki amutu piigap Israel eng' Misiri agoi peetuuni, ago ki ameng'ootee emait ak kootap moinget.

2 ATEPTAP PEETUUSYEK 5:13

Ki iyomogei piik che kuutei iryagook ak tyeniik kibagenge, ak kotyen ko uu cheet agenge, kolas Kamuktaindet ne Toroor ak komwachin kongoi. Kityenso icheek eng' kutit ne oo kobooto iryagook, sanisyegap sugunonik ak tuguuk alak che kityene, kolasu Kamuktaindet ne Toroor ak kotyeni koleen: “Amu myee ineendet; po koigeny rireenennyi.” Eng' yooto anyun, koginyi kootap Kamuktaindet ne Toroor pooldet,

2 ATEPTAP PEETUUSYEK 7:2

Ko uu ye kiganyi liilindap Kamuktaindet ne Toroor kootap Kamuktaindet ne Toroor, ko ki ma imuuch tisiik koba koot oriit.

TIENWOGIKAL 26:8

Ee Kamuktaindet ne Toroor, achame meng'ootetap koong'ung', ole menyei teegistang'ung'.

KOMONG'U 14:24

Eng' riipseet ne po karon, kogeerot Kamuktaindet ne Toroor lugeetap Misiri, kogeerunee toloitap maat ak ne po pooldet ak kogochi lugeetap Misiriik koaragenso.

KOMONG'U 16:10

Ak ye kita kong'alaaljin `Aron tuiyet komugul ne po piigap Israel, kitabendo kotokyigei surkwen ak ki took eng' pooldet liilindap Kamuktaindet ne Toroor.

KOMONG'U 25:8

Ko uu nooto kora, ko ingoteekwo ole-tiliil si ameny kwenunnywa.

KOMONG'U 29:43

Kituiyechini yooto ak piigap Israel ak itiliili toroornatennyu yooto.

KOMONG'U 33:9

Ye kingo chut `Musa Emainooto, ko kichoorugei pooldet, konyonei kotonone kurgeetap Emait ak kong'alaal Kamuktaindet ne Toroor ak Musa.

ISAIAH 57:15

Amu mwaei ko uu ni ineendet ne mi parak ak ko toroor ne menyei koigeny, ne Tiliil kainennyi kole, amenye ole toroor ak ko tiliil, kobooto ineendet agine ne kigonyeratkei eng' muguleldo, ak koming'ingei, si kobiit kisoop muguleldap ne iming'inegei, ak kisoop mugulelwegap che inyeratigei.

ISAIAH 6:4

Ki itumdumgei lumeiywegap tugatugigap kurgeet amu tuugeetap ineendet ne kitwek, ak ki nyi koot iyeto.

EZEKIEL 10:4

Ak ki togosta liilindap Kamuktaindet ne Toroor eng' kerubik, ak kotonone tugatugigap koot; ak ki nyi koot pooldet, ak ki nyi seremut kakweng'eetap liilindap Kamuktaindet ne Toroor.

ATEPTAP LAWIK 16:2

koleenji, “Mwachi Aron ng'eetap komet, si ma nyoonei atkai tugul ole-tiliil oriit ne po angeet ne ki kioiye koot, eng' taitap kerwetap rireenet ne mi moinget parak; si ma me. Amu among'u eng' pooldet eng' paragutap kerwetap rireenet.

HAGGAI 2:7

Atumdumi pororyosyek tugul, ak kobwa tuguuk che chamei pororyosyek tugul, ak anyiit kooi toroornatet,’ mwaei Kamuktaindet ne Toroor ne po lugoosyek.

HAGGAI 2:9

Eetu toroornatet ne po let ne po kooi kosiir ne po tai, ak agoonu kaalyeet eng' yuto,’ ” mwaei Kamuktaindet ne Toroor ne po lugoosyek.

KAITOSYEK 7:89

Ye kingwo Musa emait ne kituiyechin kwo kong'alaal ak Kamuktaindet ne Toroor, kogas anyun kutit kong'alaaljin ineendet komang'une paragutap kerwetap rireenet ne ki miitei moingetap paornateet; ki mang'une kwenutap kerubisyechooto aeng', ak ki ng'alaalji ineendet.

ROMANIK 9:4

che Yahudik; che ki kiyai koek lagok, che neny wo toroornatet, ak kayomisutik, ak kagoitoetap Ng'atuutyet, ak otetap Kamuktaindet, ak arorutik;

NG'ANG'UTYET 15:8

Ak ki nyi Hekaluut iyeto ne ki punu toroornatetap Kamuktaindet, ak kamuktaennyi; ak ki ma imuuch chii kwo Hekaluut oriit, agoi kogeskei korotwek tisabu che po malaikaisyek tisap.

NG'ANG'UTYET 21:3

Ak ki agas kutit ne oo komang'une ng'echereetap laitornatet kole, “Ogeero, mi emaitap Kamuktaindet ak piik, ak kotebyei kobooto icheek, ak koek icheek piikyik, ak kotebyei Kamuktaindet ineendet ak icheek, ak koek Kamuktaindet nenywa;