KOMONG'U 32:17 - BUKUIT NE TILIIL Sireet ne Dutero Kanon

¹⁷ Ye kingo kas Joshua polatetap piik koboldos, koleenji Musa, “Mi polatetap pooryeet nganaseet.”

Bukuit Ne Tilil

¹⁷ Ye kingo kas Joshua polatetap piik koboldos, koleenji Musa, “Mi polatetap pooryeet nganaseet.”

BUKUIT NE TILIL

¹⁷ Ak ye kingogas Josua bolatetab bik kowaaktos, kolenji Musa, Mi bolatetab boriet nganaset.

KOMONG'U 32:17 Iomraidhean Croise

1 ATEPTAP PEETUUSYEK 7:27

Nun weeriinnyi, Joshua weeriinnyi.

Kitabuutap JOB 39:25

Sait age tugul ye cheei iryageet, komwa kole, ‘Haa!’ Kasei siiptap lugeet kota komi ole loo, polatetap kiptainik, ak waagaat.

TIENWOGIKAL 47:1

Oraprap eunekwok, okweek piik tugul; ooren eng' Kamuktaindet eng' cheetap katerteeret.

KOMONG'U 17:9

Ki leenji `Musa Joshua, “Lewenwech piik, ak obe obargei ak Amelek. Awendi atononi mutai eng' tulweet parak, atinye eng' eunyu kirokto ne po Kamuktaindet.”

KOMONG'U 24:13

Ki ng'eet anyun Musa ak Joshua kiboityondennyi, ak ye ibata kotogosta Musa kwo tulweetap Kamuktaindet.

KOMONG'U 32:16

Ki poisyetap Kamuktaindet koichooto ak siruutichooto ko ki siruutigap Kamuktaindet che ki kagisir kewai eng' koichooto.

KOMONG'U 32:18

Ago ki le Musa, “Ma po kutinooto icheeget che poldos amu kagoterteeris ama po che poldos amu kagiterter, ago po polatonooto agase icheeget che tyendos.”

KOMONG'U 32:6

Ki ng'eetyo karon miising' eng' peetuut ne ki isubi peetuunooto ak kogoito kagoochinoik che kibeelei. Ki ip kagoochinoigap kaalyeet, ak ki tep ng'wony piik koamis, koeeiso ak kong'eetyo kourerenso.

JEREMIA 51:14

Kagoyosyechigei Kamuktaindet ne Toroor ne po lugoosyek, kole, anyiitin iman piik, che tee tinapchet; ak kowaagenen icheek.

AMOS 1:14

Ara anaami maat eng' irimeetap Rabbah, ak kobeel irimosyekyik che po laitoryat, kobooto waagaat eng' peetuutap pooryeet, kobooto usoonet ne oo eng' peetuutap kipchurchuryet.

AMOS 2:2

Ayookyini anyun maat Moab ak kobeel irimosyegap Keryot; ak kome Moab eng' wasetapkei, waagaat ak cheetap iryageet.

JOSHUA 6:10

Ki ng'at `Joshua piik koleenji, “Amat owaach anan otwegu, anan komang'une ng'olyoo kutiswekwok kot koit peetuut ne aleenjok owaach, owaach anyun.”

JOSHUA 6:16

Eng' ne po tisap koguutei tisiik igondisyek, koleenji `Joshua piik, “Owaach anyun amu kagogoonok Kamuktaindet ne Toroor nganasani!

JOSHUA 6:20

Ki waakyo piik ak koguut tisiik igondisyek. Kingo kas piik cheetap igoondit, kowaakyo eng' waagaat ne oo. Eng' yooto kogiluul irimeet koobutyi ng'wony ak ki laany piik koba nganaseet oriit. Ki wo chii tugul tai kotoorchigei ye kageerei ak konyaban.

JOSHUA 6:5

Ye ogas cheetap igoondit ko kagoguut tisiik koek keny, kowaakyo piik tugul waagaat ne oo, ak koluul irimeetap nganaseet kwo ng'wony ak kwo chii age tugul kotogosta kotoorchigei ye kageer.”

KIRUOGIK 15:14

Kingo it Lei, kowaakyo Philistiik ko katuiyo ak ineendet. Ki nyoonji ineendet `Kabuusetap Kamuktaindet ne Toroor eng' kimnateet ak ki igei rogoosyek che ki mi eunekyik, katanit ne kabeel maat, ak ki ibutyo eng' eunekyik tuguuk che kiga kirate.

1 SAMUEL 17:20

Ki ng'eet `Daudi karon miising' ak kobagakyi keechiirek riibindet yeityo kwo ko uu ye kiga ng'at Jesse koibei tuguuchooto. Ki it ole mi kariisyek ye kiwaachei lugeet agobo pooryeet komachei komanda koba koyai lugeet.

1 SAMUEL 17:52

Ki ng'eetyo piigap Israel ak che po Judah ak kowaach yeityo koon Philistiik agoi koit Gath, agoi kurgotigap Ekron. Ki ibutyot eng' ooreet ne wendi Saaraim Philistiik che ki kiguoten agoi Gath ak Ekron.