KOMONG'U 23:21 - BUKUIT NE TILIIL Sireet ne Dutero Kanon

²¹ Oriipkei eng' tainnyi ak ogas iit ng'aleekyik; ama ta obistoe ineendet. Amu ma nyochin kaat pistoeng'wong' amu mi kainennyu eng' ineendet.

Bukuit Ne Tilil

²¹ Oriipkei eng' tainnyi ak ogas iit ng'aleekyik; ama ta obistoe ineendet. Amu ma nyochin kaat pistoeng'wong' amu mi kainennyu eng' ineendet.

BUKUIT NE TILIL

²¹ Oripge eng’ tainnyi, ak ogas it ng’alekyik; amotach inendet: amu manyoiywok kaat bistoeng’wong’, amu mi kainennyu eng’ inendet.

KOMONG'U 23:21 Iomraidhean Croise

TIENWOGIKAL 2:12

Oming'inityigei weeriit si ma nereech, ak olusye eng' ooreet, amu imuuchi konereech miising' eng' chokyinet. Iberuurotin icheek tugul che imang'u ineendet.

TIENWOGIKAL 72:19

Ak iberuurot kainennyi ne tinyei toroornatet agoi koigeny; Ak ingonyi ng'wony komugul toroornatennyi. Amen, ak Amen.

TIENWOGIKAL 78:40

Ak kingelelji ineendet konyil ata eng' surkwen, Ak ki igoochi arageneet eng' surkwen!

TIENWOGIKAL 78:56

Ago kityem ak kongelelji Kamuktaindet Ne Toroor Miising', ak ki ma riip paornatosyekyik.

TIENWOGIKAL 83:18

Si kobiit konai kole inyeendet inyegei ne kaineng'ung' ko Kamuktaindet ne Toroor, Inyee ko ii Ne Toroor Miising' ne pou ng'wony komugul.

KOMONG'U 3:14

Koleenji `Kamuktaindet Musa; “ ‘Aa ne Aa,’ Mwachi piigap Israel ng'olyoondoni, leenji, Kagoyokwo anyoonjok.”

KOMONG'U 32:34

Ui anyun nguno, indochi piik koba kot koit ole ki amwaun. Keero, indoun malaikaiyandennyu. Agot nganda uu nooto, ko eng' peetuut ne arwookyini, arwookyini amu tengektonywa.”

KOMONG'U 6:3

Ki among'ji Abraham, Isak ak Jakobo, ko aa Kamuktaindet Ne po Kamuktaet agot nga ki ma naa icheek eng' kainennyu Kamuktaindet ne Toroor.

ISAIAH 42:8

Aa Kamuktaindet ne Toroor, kainennyu nooto; amagoochini toroornatennyu chiito age, amagoochini kanamonik che kiwaei, kalasunennyu.

ISAIAH 45:6

si kobiit konai icheek kobooch ko kachor asiis, ak kobooch cherongo, kole ma mi age kobatena: aa Kamuktaindet ne Toroor, ama mi age.

ISAIAH 57:15

Amu mwaei ko uu ni ineendet ne mi parak ak ko toroor ne menyei koigeny, ne Tiliil kainennyi kole, amenye ole toroor ak ko tiliil, kobooto ineendet agine ne kigonyeratkei eng' muguleldo, ak koming'ingei, si kobiit kisoop muguleldap ne iming'inegei, ak kisoop mugulelwegap che inyeratigei.

ISAIAH 7:14

Koonok anyun Kiptaiyat ineendet kaboorunet; ogeero, manachi pergeiyat, ak kosich weeriit, ak koguuree kainennyi Immanuel.

ISAIAH 9:5

Amu kibeelei kweonik tugul che po chiitap lugeet eng' wasetapkei, ak ngoroik che ki isegei korotiik, egu tugul che laldos.

ISAIAH 9:6

Amu kagisikwech lakweet, kagigoonech weeriit; ak ting'ee ineendet pounateet tigikyennyi. Kiguure kainennyi: “Kotigonindet ne po Kwong'uut, Kamuktaindet Ne po Kamuktaet, Kwanda ne po Koigeny, Pounindetap Kaalyeet.”

JEREMIA 23:6

Kisaru Judah eng' peetuusyekyik, ak komeng'iis Israel eng' chametapkei: ak ni kainennyi ne kemwaitoe, Kamuktaindet ne Toroor ko imandanyo.

JEREMIA 5:7

Amuktoi ano anyoun kaat? Ki kometa lagoguk, ak ki koyosyo agobo kanamonik che ma kamuktaik. Kingo kaabai kobiyong'so, koyai ibeetapkei ak koyumjinotkei kooriigap chepkugonik.

MALAKI 3:1

Ogeero, ayoogu chiinyu, kayooktoin si kochop ooreet eng' tainnyu. Ak nyoonei matiny hekalunnyi `Kiptaiyat ne ocheeng'e. Nyoonei kayooktoin ne po arorutyet ne oboiboitune, mwaei Kamuktaindet ne Toroor ne po lugoosyek.

KAITOSYEK 14:11

Ak kiteebe `Kamuktaindet ne Toroor Musa koleenji, “Renya pichu kot kotyanit? Ma iyana agoi au, agot nganda ki ayai kaboorunoichooto tugul eng' kwenunnywa?

KAITOSYEK 14:35

Kaamwa anee Kamuktaindet ne Toroor, kaayosyechi ale ayachini chuuto tugul tuiyoni ya ne katila let. Igesyingei icheek ong'atani, pekyin icheek olito.”

MATAYO 1:23

“Ogeero, manachi pergeiyat ak kosich weeriit, ak keguure kainennyi Immanuel,” ne ye kiweech ko ni, “Mi Kamuktaindet kobootech.”

MATAYO 17:5

Kingo ta kong'alaali, ogeero, kouur icheek pooldet ne iluu: ak ogeero, ki mang'une kutit pooldet, kole, “Ni ko Weeriinnyu, chamanennyu, ineendet ne agasegei miising'; ogas okweek ineendet.”

JOHANA 10:30

Anee ak Kwanda, ko ki agenge.”

JOHANA 10:38

Ago ngayai, ko agot ngo moyana, oyan poisyosyek: si kobiit onai ak oyan ole mi Kwanda eng' anee, ak anee eng' Kwanda.”

JOHANA 5:23

si kobiit koteech tugul Weeriit, ko uu ye teechei Kwanda. Ineendet ne ma teechei Weeriit koma teechei Kwanda ne ki iyook ineendet.’ ”

EPESOEK 4:30

Ak amogoochi arageneet Kabuuset ne Tiliil ne po Kamuktaindet ne ki kindaenak ng'ookset agoi peetuutap katyaget.

NG'ATUTIK 18:19

Ak age tugul ne ma machei kogas ng'aleekyuk che tuun mwaei eng' kainennyu ko tuun ateebee ineendet.

NG'ATUTIK 9:7

Ibwaat ameutyee tagisyet ne ki itach Kamuktaindet ne Toroor Kamuktaindeng'ung' eng' surkwen, ki ongelelji Kamuktaindet ne Toroor kobooch peetuut omong'u eng' emetap Misiri agoi oitu yu.

KOLOSAIK 2:9

amu menyei eng' ineendet eng' poorto nyiyet tugul ne po Kamuktaindet,

HEBRANIK 12:25

Ogeer, amoeesye ineendet ne ng'alaali. Amu ngot ko ki ma chililyo icheek ye kingo eesyo ineendet ne kiga koteeita eng' ng'wony, kesiire ne tya anyun acheek ngot keistoegei ineendet ne iteu eng' kipsengwet:

HEBRANIK 3:16

Amu ng'oo che kitagis ye kingo kas? Tos ma icheek tugul che ki mang'une Misiri eng' Musa?

JOSHUA 24:19

Koleenji `Joshua piik, “Momuuchi oboisyechi Kamuktaindet ne Toroor, amu ineendet ko Kamuktaindet ne Toroor ne tiliil. Ineendet ko Kamuktaindet ne Toroor ne amei ng'etkong'; ma nyoiywok kaat eng' pistoeng'wong' anan ko eng' tengekwogikwok.

1 JOHANA 5:16

Ngot kogeer chii tupchennyi koyaei tengekto ne ma po meet, kosoom, si kogoochi Kamuktaindet saboondo agobo icheeget che kayai tengekto ne ma po meet. Mi tengekto ne po meet; ma mwaei ale kosoom agobo nooto.

NG'ANG'UTYET 1:8

“Anee ko aa Alpha ak ko aa Omega,” mwaei Kiptaiyat Kamuktaindet, Ne po Kamuktaet, ne mi ak ko ki mi ak ko tuun nyoonei.

NG'ANG'UTYET 2:23

Abare lagokyik meet; si konai kanisosyek tugul kole aneendet ne isyachi kabwaatutik ak mugulelwek, ak agoochini age tugul eng' okweek ko uu poisyonikwok.

NG'ANG'UTYET 2:8

“Ak isirchi malaikaiyatap kaniset ne mi Smyrna, ileenji: “Mwaei tuguuchu ineendet ne po tai ak ko ne po let, ne kime ak kosap kogeny:

NG'ANG'UTYET 3:7

“Ak isirchi malaikaiyatap kaniset ne mi eng' Philadephia, ileenji: Mwaei tuguuchu ineendet ne tiliil, ineendet ne po iman, ineendet ne tinyei yaateiwotap Daudi, ineendet ne yaatei, ama kerei chii, ak ne kerei, ama yaatei chii.

KIRUOGIK 13:18

Kowolji malaikaiyatap Kamuktaindet ne Toroor kole, “Kalya si iteebena kainennyu, ago kainaniito ko po kwang'ut?”