KOMONG'U 22:30 - BUKUIT NE TILIIL Sireet ne Dutero Kanon

³⁰ Yai ko uu nooto eng' tuguuk ak icheek ak eng' keechiireguk. Igoochi kotebi ak kamet peetuusyek tisap ak igoono eng' peetuut ne po sisiit.

Bukuit Ne Tilil

³⁰ Yai ko uu nooto eng' tuguuk ak icheek ak eng' keechiireguk. Igoochi kotebi ak kamet peetuusyek tisap ak igoono eng' peetuut ne po sisiit.

BUKUIT NE TILIL

³⁰ Ak iyai ko u noto eng’ tuga cheguk agichek, ak eng’ kechireguk: igochi kotebi ak kamet betusiek tisab; si igona eng’ betut ne bo sisiit.

KOMONG'U 22:30 Iomraidhean Croise

TAUNET 17:12

Kiyatitoi ng'eta age tugul eng' okweek ne kagotar peetuusyek sisiit, ng'eta age tugul eng' ibinwekwok tugul ngo ne ki sikyin kooriikwok, anan ko ne ma salwok ne ki kialei eng' toek alak tugul.

KOMONG'U 13:12

itabaan anyun kobunji Kamuktaindet ne Toroor tugul che yaatei iyoteet. Ak che po tai tyong'ik ko punjin Kamuktaindet ne Toroor.

EZEKIEL 4:14

Ki amwa anyun ale, “Ee, Kiptaiyat Kamuktaindet ne Toroor! Keero, tomo kimurwon saboondanyu; amu kobooch ko aa ming'in agoi nguno kotom aam kiy ne kameei ineegei, anan ne kabar tyong'in; ama chut kutinnyu panyeek che ng'woneen.”

ATEPTAP LAWIK 11:44

Amu aa Kamuktaindet ne Toroor Kamuktaindeng'wong', otabaangei anyun ak oegu che tiliileen amu aa tiliil. Amomurwongei eng' kiy age tugul ne ichuutegei ng'wony.

ATEPTAP LAWIK 11:45

Aa Kamuktaindet ne Toroor ne ki amutwak otogosu omang'une emetap Misiri, aek Kamuktaindeng'wong'; otiliiliitu anyun amu aa tiliil.”

ATEPTAP LAWIK 12:3

Ak eng' peetuut ne po sisiit kimuratani iriryotap poortap weerooto.

ATEPTAP LAWIK 17:15

“Ak chii age tugul ne amei kiy ne kame ineegei, anan ne kabar tyong'ik kotonaton, ngo chii ne ki sikyin kaa anan punootyot, ingomwet anyun ngoroikyik, ak kouungei, ak komurwoniit agoi koimen; yeityo anyun koanyinyit.

ATEPTAP LAWIK 22:27

“Ye kagii kirgit, anan keechiiryet, anan ng'orooryet, kotebyei ak kamet peetuusyek tisap, ak eng' peetuut ne po sisiit ak kwo tai, ketaachei koek kagoochinet ne punei ma ne kigoochin Kamuktaindet ne Toroor.

ATEPTAP LAWIK 22:8

Amat koam panyeegap tyong'ik che pegu icheegei, anan che tonatoni tyong'ik, si mat kong'wanitkei eng' chooto. Aa Kamuktaindet ne Toroor.

ATEPTAP LAWIK 7:23

“Mwachi piigap Israel ileenji, ‘Amat oam mwanik alak tugul che po kiruk anan keechiir anan ko ng'oroor.’

ATEPTAP LAWIK 7:24

Kimuuchi keboisyee eng' poisyon alak mwaitap ne kameei ineegei anan ko mwaitap ne katon tyong'in, ago amat oam.

ATEPTAP LAWIK 7:26

Amat oam korotiik alak tugul, ngo che po toriit anan che po tyony eng' meng'otosyekwok ui tugul.

NG'ATUTIK 14:21

Amat oam ne kame ineegei. Imuuchi igoochi kiprutoiyot ne mi kurgotiguk koam anan ialdochi toondet: amu ii pororyet ne tiliil eng' Kamuktaindet ne Toroor Kamuktaindeng'ung'. Amat iyoe aarwetap ng'oroor cheegap kamet.

NG'ATUTIK 15:19

“Itabaanji Kamuktaindet ne Toroor Kamuktaindeng'ung' eiik tugul che twatei tuuga ak mengichik ak kwesik che twatei neego. Ameboisyee eitang'ung' ne kitwatei anan itil koroorigap mengit ne kitwatei.