KOMONG'U 20:3 - BUKUIT NE TILIIL Sireet ne Dutero Kanon

³ Amecheeng'jigei cheptalelisyek che teer, kobatena aneege.

Bukuit Ne Tilil

³ “Amecheeng'jigei cheptalelisyek che teer, kobatena aneege.

BUKUIT NE TILIL

³ Amecheng’jige cheptalelisiek che ter, kobatena anege.

KOMONG'U 20:3 Iomraidhean Croise

1 LAITORINIK 11:4

Amu kingo osit Solomon, komaas osotikyik muguleldanyi koosup kanamonikwak, ak ki ma kogesunotkei eng' Kamuktaindet ne Toroor Kamuktaindennyi, ko uu kiit ne ki uu muguleldap Daudi kwandanyi.

TIENWOGIKAL 29:2

Ogoochi Kamuktaindet ne Toroor teegisto ne nyoljin kainennyi; ogutung'ji Kamuktaindet ne Toroor eng' telunatetap tiliilindo.

TIENWOGIKAL 73:25

Ng'oo ne atinye eng' kipsengwet ne ma inyee? Ama mi age ne amache eng' ng'wony kosiirin.

TIENWOGIKAL 81:10

Aa Kamuktaindet ne Toroor Kamuktaindeng'ung', Ne ki amutun itogosu eng' emetap Misiri: Iseng'eng'e, si anyiit kuting'ung'.

TIENWOGIKAL 81:9

Amat kobiitunenen kanamwet ne too; Anan igutung'ji kamuktain age tugul ne po pororyosyek alak.

KOMONG'U 15:11

Ee Kamuktaindet ne Toroor, tos ngoro ne uu inyee eng' kamuktaik? Tos ng'oo ne uu inyee, ne konyitot eng' tiliilindo, ne kiywei eng' kalasunet, ne yaei kwang'utik?

KOMONG'U 20:23

Amat oyachigei kanamonik otesena che po fedha, anan kanamonik che po thahabu.

KOMONG'U 22:19

“Kibarei age tugul ne ruitos ak tyony.

KOMONG'U 23:24

Amat isaa kanamonikwak, anan ioot, anan isup poisyonikwak. Ago oluul kot koma ng'et kiy ak obut kotonogis tolochikwak.

KOMONG'U 32:8

Kagosip komasta kometo ooreet ne kiga ang'atyi. Kagoyachigei kanamwet ne po moita ne ki kitaany, ak kogutung'ji, ak kagoeng'ji tiseiywot, ak koleen, ‘Kanamoniguk chu, inyee Israel, che ki imutun imang'une emetap Misiri.’ ”

KOMONG'U 34:14

among'urukyi kamuktain age tugul. Amu Kamuktaindet ne Toroor ne kainennyi ko ng'etkong', ineendet Kamuktaindet ne amei ng'etkong'.”

ISAIAH 26:4

Omang'u Kamuktaindet ne Toroor koigeny, amu mi eng' Kamuktaindet ne Toroor rwandet ne po koigeny.

ISAIAH 42:8

Aa Kamuktaindet ne Toroor, kainennyu nooto; amagoochini toroornatennyu chiito age, amagoochini kanamonik che kiwaei, kalasunennyu.

ISAIAH 43:10

Oo paorinikyuk, mwaei Kamuktaindet ne Toroor, ak otwogindennyu ne ki alewen; si kobiit onai ak oyana, ak oguiye ole aa ineendet; ma mi Kamuktaindet age ne kisip keyai eng' anee, ama kobiitu age eng' let.

ISAIAH 44:8

Amoiywei, anan oaragense: tos ma amwaun niito keny, aboorun? Oo paorinikyuk. Tos mi Kamuktaindet age kobatena? Ee, ma miitei Rwandet; mangen age.

ISAIAH 46:9

Obwaat tuguuk che po tai che po keny; amu aa Kamuktaindet, ama mi age; aa Kamuktaindet, ama mi age ne kegerge;

JEREMIA 25:6

amosubote kamuktaik che teer, oot ak olasu icheek, amotacha eng' poisyonigap eunekwok; si ma yaiywok ne ya.

JEREMIA 35:15

Ak ki ayookwok kogeny otwogikyuk tugul che maotik, ang'eete karon miising' ak ayoogu icheek, amwae ale, Oweege anyun chii age tugul eng' ooreennyi ne ya, ak olitit poisyonikwok, amosup kamuktaik che teer oot icheek, si omeny emet ne ki agoonok kobooto kwanisyekwok: ago ma oep iit, anan ogasa iit.

JEREMIA 7:9

Tos nyolu ochoorsei, orumisyei, oyaei ibeetapkei, oyosye eng' lembech, obeelji nyamdutik Baal ak osubote kamuktaik che teer che mongen,

HOSEA 13:4

Ago, aa Kamuktaindet ne Toroor Kamuktaindeng'ung' kobooch emetap Misiri: amecheeng'jigei kamuktain ne teer, kobatena aneege, ama mi yetindet age kobatena.

MATAYO 4:10

Ki leenji Jeso anyun, “Istegei, Setani; amu siraat kole, ‘Ilasu Kiptaiyat Kamuktaindeng'ung', ak iboisyechi ineendet ineegei.’ ”

1 KORINTOEK 8:4

Nooto anyun eng' ameet ne po tuguuk che kieng'jin kanamonik, kingen keele ma mi kanamwet ne kiy eng' ng'wony, ama mi Kamuktaindet age kobatee agenge.

1 KORINTOEK 8:6

ago eng' acheek komiitei Kamuktaindet agenge, ineendet Kwanda, ne punu tuguuk tugul ak acheek eng' ineendet; ak Kiptaiyat agenge, Jeso Kristo, ne mi tuguuk tugul amu ineendet, ak acheek eng' ineendet.

EPESOEK 5:5

Amu ongen niito iman ole, ma mi chii ne soksei, anan chiitap simdo, anan ne kasei myat, nooto ne saaei kanamonik, ma mi eng' chu ne nyooru poroteet eng' laitornatetap Kristo ak Kamuktaindet.

NG'ATUTIK 5:7

Amecheeng'jigei kamuktaik alak kobatena aneege.

NG'ATUTIK 6:14

Amosup kanamonik agot che po pororyosyek che neegiteenok,

NG'ATUTIK 6:5

ak cham Kamuktaindet ne Toroor Kamuktaindeng'ung' eng' muguleldang'ung' tugul, eng' saboondang'ung' tugul ak eng' kimnateng'ung' tugul.

PILIPIK 3:19

ne kagesunennywa ko luseet, ne kamuktaindennywa ko moet, ne kalasunennywa ko teweernatennywa, che ibwaati tuguugap ng'wony.

KOLOSAIK 2:18

Amat korebenak chii melektang'wong' eng' ooreet ne machei ineendet, ne po kaming'inetapkei ak kalasunetap malaikaisyek, ak kogimitegei tuguuk che ki kogeer, ak komenee kabwaatutikyik che po poorto,

NG'ANG'UTYET 19:10

Ak ki abutyi keelyekyik alasu ineendet. Ak koleenjo, “Ameyai ko uu nooto! Ki otwogik tuwai kobooto tupchosyeguk che tinyei paornateet ne po Jeso. Ilasu Kamuktaindet: amu paornateetap Jeso ko Kabuusetap maonateet.”

NG'ANG'UTYET 22:9

Ak koleenjo, “Amat iyai ko uu nooto; amu ki otwogik kobooto tupchosyeguk maotik, ak kobooto icheek che riibei ng'aleegap bukuini. Ilasu Kamuktaindet!”

KIRUOGIK 6:10

Ki aleenjok, ‘Aa Kamuktaindet ne Toroor Kamuktaindeng'wong'; moiywei kamuktaigap Amorik, che omenye emennywa.’ Ago ma ogas iit kutinnyu.”