KOMONG'U 20:2 - BUKUIT NE TILIIL Sireet ne Dutero Kanon

² “Aa Kamuktaindet ne Toroor, Kamuktaindeng'ung' ne ki imutun imang'une emetap Misiri, kootap otwoknateet.

Bukuit Ne Tilil

² “Aa Kamuktaindet ne Toroor, Kamuktaindeng'ung' ne ki imutun imang'une emetap Misiri, kootap otwoknateet.

BUKUIT NE TILIL

² A Jehovah Kamuktaindeng’ung, ne kiimutun imong’une emetab Misri, eng’ gotab otwognatet.

KOMONG'U 20:2 Iomraidhean Croise

1 LAITORINIK 18:39

Kingo keer piik tugul, kobutyi ng'wony ak kole, “Kamuktaindet ne Toroor ko Kamuktaindet; Kamuktaindet ne Toroor ko Kamuktaindet!”

2 LAITORINIK 17:12

Ki oot kanamonik, che ki kamwachi Kamuktaindet ne Toroor, koleenji, “Amat oyai kiito.”

2 LAITORINIK 17:7

Ki yaak ko uu nooto, amu kiga yachi piigap Israel tengekto Kamuktaindet ne Toroor Kamuktaindennywa, ne ki imutu icheek komong' eng' emetap Misiri, komang'une eutap Pharaoh laitoryatap Misiri, Kiga koywei icheek kanamonik,

2 ATEPTAP PEETUUSYEK 28:5

Ki inde Ahaz anyun `Kamuktaindet ne Toroor Kamuktaindennyi eutap laitoryatap Syria, ak ki iterteer ineendet ak komut tuiyet ne oo ne po piikyik koek luulenik ak komut koba Damasko. Ki kinde ineendet kogeny eunegap laitoryatap Israel, ne ki iterteer ineendet eng' pareet ne oo.

TIENWOGIKAL 50:7

Oep iit, ee piikyuk, si ang'alaal; ee Israel, si abaoryanun. Aa Kamuktaindet, Kamuktaindeng'ung'.

TIENWOGIKAL 81:10

Aa Kamuktaindet ne Toroor Kamuktaindeng'ung', Ne ki amutun itogosu eng' emetap Misiri: Iseng'eng'e, si anyiit kuting'ung'.

TIENWOGIKAL 81:11

Ago ki ma epchi iit kutinnyu piikyuk; Ak ki ma ko magena kiy Israel.

TIENWOGIKAL 81:7

Ki iguurse eng' nyalilda, ak ki asaruun; Ak ki awolun eng' ole ung'aat ne po tuleet; Ki atyemin eng' ole mi peegap Meribah.

KOMONG'U 13:14

Ye tuun teebenen weeriing'ung' eng' peetuusyek che pwoonei, koleenjin, ‘Amu nee si keyai ko uu niito?’ Ileenji anyun, ‘Ki imoong'wech Kamuktaindet ne Toroor eng' Misiri eng' kootap otwoknateet, eng' euut ne kiim.

KOMONG'U 13:3

Yeityo koleenji `Musa piik, “Obwaat anyun peetuuni ki omang'une Misiri kootap otwoknateet. Amu ki imoong'wok Kamuktaindet ne Toroor eng' kimnateetap eunnyi omang'une olooto. Eng' peetuuni anyun koma ki amei magatiinik che kaginde mermereek.

KOMONG'U 15:13

Ki indochi inyee eng' rireeneng'ung' piik che ki ityaach komanda; ki indochi icheek eng' kimnateng'ung' koba oldang'ung' ne tiliil.

KOMONG'U 15:16

Kanam icheek kamuiset ak kaiyweisyet; eng' etunatetap eung'ung', ko siisyo ko uu koita; agoi kolanda piiguk, ee Kamuktaindet ne Toroor, agoi kolanda piik che ki ial.

KOMONG'U 15:26

ak ki le, “Ngot igas iman kutitap Kamuktaindet ne Toroor Kamuktaindeng'ung', iyai ne po iman eng' tainnyi, iepchji iit ng'atuutikyik ak isup katigonutikyik tugul, koma koonin myan age tugul ne ki agoochi Misiriik, amu anee ko aa Kamuktaindet ne Toroor ne asaabin.”

KOMONG'U 20:1

Ki mwa Kamuktaindet ng'aleechu tugul kole,

KOMONG'U 29:46

Ak konai icheek kole aa Kamuktaindet ne Toroor Kamuktaindennywa ne ki among'u eng' emetap Misiri, si kobiit ameny kwenunnywa. Aa Kamuktaindet ne Toroor Kamuktaindennywa.

KOMONG'U 6:6

Ileenji anyun piigap Israel, ‘Aa Kamuktaindet ne Toroor, ak among'wok omang'une otetap Misiriik. Asarwok eng' otwoknateet ne oote icheek ak atyachak eng' euut ne chuulaat ak eng' kwang'utik che eecheen che po kirwooget.

ISAIAH 43:3

Amu aa Kamuktaindet ne Toroor Kamuktaindeng'ung', Ineendet ne Tiliil ne po Israel, Yetindeng'ung'; kaagoite Misiri koek ne kityagenen, kobooto Kush ak Seba.

JEREMIA 16:14

Nooto anyun, ogeero, pwoonei peetuusyek, mwaei Kamuktaindet ne Toroor, ne ma kemwaei kogeny keele, Ko uu ye sabei Kamuktaindet ne Toroor, ne ki imut piigap Israel komang'une emetap Misiri;

JEREMIA 2:6

Ama teebegei icheek kole, ‘Mi ano Kamuktaindet ne Toroor ne ki imutwech kemong'u eng' emetap Misiri, ne ki indoiywech kebun surkwen, kebun emet ne surkwen ak ne po keriingonik, kebun emetap kemeut ak imenindo ne oo, kebun emet ne ma punei chii, ole ma menyei chii?’

JEREMIA 31:1

Mwaei Kamuktaindet ne Toroor kole, aegu eng' peetuusyechooto Kiptaiyat Kamuktaindetap ortinwek tugul che po Israel, ak koek piikyuk.

JEREMIA 31:33

Ago ni kayomiset ne kiyomisigei ak kootap Israel ye ibata peetuusyechooto, mwaei Kamuktaindet ne Toroor; andoi ng'atuutyennyu oriitinnywa, ak asirchini mugulelwekwak: ak aegu Kamuktaindennywa, ak koek piikyuk.

JEREMIA 34:13

mwaei Kamuktaindet ne Toroor, Kamuktaindetap Israel, kole: ki kiyomiske ak kwanisyekwok eng' peetuut ne ki amutu icheek komong' eng' emetap Misiri, komong' eng' kootap otwoknateet aleenji,

EZEKIEL 20:19

aa Kamuktaindet ne Toroor Kamuktaindeng'wong'; obendate ng'atuutikyuk, ak oriip kirwoogutikyuk ak oyai;

EZEKIEL 20:5

ak ileenji, mwaei Kiptaiyat Kamuktaindet ne Toroor kole: Eng' peetuut ne ki alewen Israel, ak ayogoochi eunnyu iyoteetap kootap Jakobo, ak aboorchigei icheek eng' emetap Misiri, ye ki ayogoochi eunnyu icheek aleenji, Aa Kamuktaindet ne Toroor Kamuktaindeng'wong';

EZEKIEL 20:7

ak ki amwachi icheek aleenji, Ingometo chii age tugul eng' okweek tuguuk che kiwechei che kochamei konyekyik, amat ong'wanitegei kanamonigap Misiri: aa Kamuktaindet ne Toroor Kamuktaindeng'wong'.

HOSEA 12:10

Ki ang'alaalji maotik, ak ki ates ng'ang'utik; ak ki aboisyee kalewenaik eng' poisyetap maotik.

HOSEA 13:4

Ago, aa Kamuktaindet ne Toroor Kamuktaindeng'ung' kobooch emetap Misiri: amecheeng'jigei kamuktain ne teer, kobatena aneege, ama mi yetindet age kobatena.

ATEPTAP LAWIK 11:45

Aa Kamuktaindet ne Toroor ne ki amutwak otogosu omang'une emetap Misiri, aek Kamuktaindeng'wong'; otiliiliitu anyun amu aa tiliil.”

ATEPTAP LAWIK 19:36

Oboisyee kerutik che aechin ak koik che kigerisye eng' nyigiisindo che po iman: epah ak hin che po iman. Aa Kamuktaindet ne Toroor Kamuktaindeng'wong' ne ki amutwak omang'une emetap Misiri.

ATEPTAP LAWIK 23:43

si kobiit konai ibinwekwok che piitu let kole, ki agoochi piigap Israel komeny keryosyek, ye ki amutu icheek komang'une emetap Misiri. Aa Kamuktaindet ne Toroor Kamuktaindeng'wong'.”

ATEPTAP LAWIK 25:38

Aa Kamuktaindet ne Toroor Kamuktaindeng'wong', ne ki amutwak omang'une emetap Misiri, si agoonok emetap Kanaan, ak aegu Kamuktaindeng'wong'.

ATEPTAP LAWIK 25:42

Amu icheek ko otwogikyuk, che ki amutu komang'une emetap Misiri; ma ki aldoi anyun icheeget ko uu otwogik.

ATEPTAP LAWIK 25:55

Amu otwogikyuk piigap Israel; icheeget otwogikyuk che ki amutu komang'une emetap Misiri. Aa Kamuktaindet ne Toroor Kamuktaindeng'wong'.

ATEPTAP LAWIK 26:1

“Amat koyachigei tuguuk che ma tilei kiy, amat olumdochigei kanamwet ne ki kiwai, anan toloita, amat onde koita ne ki kiwai eng' emeng'wong', ogutung'ji. Amu aa Kamuktaindet ne Toroor Kamuktaindeng'wong'.

ATEPTAP LAWIK 26:13

Aa Kamuktaindet ne Toroor Kamuktaindeng'wong', ne ki amutwak omong'u eng' emetap Misiri, si mata oegu otwogikwak. Ak ki airii keetiigap choging'wong' ak ang'eetak obe komyee.

AMOS 2:10

Ki amutwak kogeny otogosu eng' emetap Misiri, ak andoiywok kenyiisyek artam eng' surkwen, si kobiit onam emetap Amorik kobunjook.

ROMANIK 10:12

Amu ma mi kabesyet eng' Yahudyot ak Yunanindet; amu Kiptaiyandanooto ko Kiptaiyatap tugul ak aiyeep eng' icheek tugul che kuurei ineendet.

ROMANIK 3:29

Anan Kamuktaindet ko Kamuktaindet ne po Yahudik kityo? Ama Kamuktaindet ne po Pororyosyek ak icheek? Ee, po Pororyosyek ak icheek:

NG'ATUTIK 13:10

Lach eng' koik kot kome amu ki cheeng'ei komaasin imete Kamuktaindet ne Toroor Kamuktaindeng'ung' ne ki imutun imang'une emetap Misiri eng' kootap otwoknateet.

NG'ATUTIK 15:15

Ibwaat ile ki ii otwogin eng' emetap Misiri ak ki ityaachin Kamuktaindet ne Toroor Kamuktaindeng'ung': kang'atiin anyun agobo ng'olyoondoni rani amu nooto.

NG'ATUTIK 20:1

“Ye iwe obargei ak puuniguk ak iroo kotinyei paraisisyek, kariisyek ak piik che chaang' kosiirok, ko mat iywei. Amu mi Kamuktaindet ne Toroor Kamuktaindeng'ung' ne ki imutun imong'u eng' emetap Misiri kobooten.

NG'ATUTIK 5:15

Meutye ile ki ii otwoget eng' emetap Misiri ago ki imoong'un Kamuktaindet ne Toroor Kamuktaindeng'ung' eng' olooto eng' euut ne kiim ak eng' euut ne chuulaat. King'atin anyun eng' nooto `Kamuktaindet ne Toroor Kamuktaindeng'ung' iriip peetuutap sabato.

NG'ATUTIK 5:6

Aa Kamuktaindet ne Toroor Kamuktaindeng'ung', ne ki among'un eng' emetap Misiri eng' kootap otwoknateet.

NG'ATUTIK 7:8

Ago amu ki chamaak Kamuktaindet ne Toroor ak koriip kayasyoet ne ki iyasyechi kwanisyekwok, komoong'wok anyun ineendet eng' euut ne kiim ak kotyachak eng' kootap otwoknateet, eng' eutap Pharaoh laitoryatap Misiri.

KIRUOGIK 2:1

Ki togos malaikaiyatap Kamuktaindet ne Toroor eng' Gilgal konyo Bochim ak kole, “Ki amutwak otogosu eng' Misiri, obwa emet ne ki ayosyechi kwanisyekwok. Ki amwa ale, ‘Ma koi abut kayomisennyu ne ki kiarorchigei ak okweek.

KIRUOGIK 6:10

Ki aleenjok, ‘Aa Kamuktaindet ne Toroor Kamuktaindeng'wong'; moiywei kamuktaigap Amorik, che omenye emennywa.’ Ago ma ogas iit kutinnyu.”