KOMONG'U 19:6 - BUKUIT NE TILIIL Sireet ne Dutero Kanon

⁶ Oegu eng' anee laitornatetap tisiik ak pororyet ne itabaanat. Chuuto ng'aleek che iwendi imwachini piigap Israel.’ ”

Bukuit Ne Tilil

⁶ Oegu eng' anee laitornatetap tisiik ak pororyet ne itabaanat. Chuuto ng'aleek che iwendi imwachini piigap Israel.’ ”

BUKUIT NE TILIL

⁶ ak oegu eng’ ane bororietab tisiik, ak bororiet ne itabanat. Chuto ng’alek che iwendi imwachini lagokab Israel.

KOMONG'U 19:6 Iomraidhean Croise

1 LAITORINIK 3:8

Ak mi otwogindeng'ung' kwenutap piiguk che ki ilewen, piik che chaang', che ma kimuuchi kiit anan ko kerar amu chaang'indo.

1 LAITORINIK 8:53

Amu ki itabaan icheek eng' piik tugul che po ng'wony, koek poroteng'ung', ko uu ye ki imwa eng' Musa otwogindeng'ung', ye ki imutu kwanisyekyok komong' eng' Misiri, ee Kiptaiyat Kamuktaindet ne Toroor.”

1 ATEPTAP PEETUUSYEK 17:22

Amu ki iyai piiguk Israel koek piiguk koigeny, ak ki iegu `inyee Kamuktaindet ne Toroor Kamuktaindennywa.”

TIENWOGIKAL 114:2

koek Judah oldanyi ne tiliil, ak koek Israel pounatennyi.

KOMONG'U 15:26

ak ki le, “Ngot igas iman kutitap Kamuktaindet ne Toroor Kamuktaindeng'ung', iyai ne po iman eng' tainnyi, iepchji iit ng'atuutikyik ak isup katigonutikyik tugul, koma koonin myan age tugul ne ki agoochi Misiriik, amu anee ko aa Kamuktaindet ne Toroor ne asaabin.”

KOMONG'U 22:31

Oegu piigap tiliilindo eng' anee. Eng' nooto anyun, ko amoam panyeek alak tugul che kabar tyong'in eng' timiin. Owiirchini sesenik.”

KOMONG'U 28:36

“Itaany kora thahabu che tiliileen kolebelitu ak iwai eng' paragunnywa waet ne uu ne po ng'ookset, ile, Tiliil eng' Kamuktaindet ne Toroor.

ISAIAH 43:4

Amu koiegu eng' anee ne achame miising', ak ne kigonyiti, ak ki achamin; agoitoi anyun piik agobo inyee, ak agoite piik agobo sabeeng'ung'.

ISAIAH 61:6

Ago kiguurenok tisiigap Kamuktaindet ne Toroor: kuurenok piik kiboitinigap Kamuktaindennyo: oame mogornatosyegap pororyosyek, ak olasunegei toroornatennywa.

ISAIAH 62:12

Ak koguure icheek, Piik che tiliileen, Che ki kotyach Kamuktaindet ne Toroor: ak keguurenen, Ne Ki kicheeng', Nganaseet ne ma kimeto.

ISAIAH 66:21

Ak ande alak eng' icheek kogeny koek Tisiik ak Lawiik, mwaei Kamuktaindet ne Toroor.

JEREMIA 13:11

Amu ko uu ye namegei pireneet ak suetap chii, ko uu nooto anyun kaagoochi koot komugul ne po Israel ak koot komugul ne po Judah kenamge, mwaei Kamuktaindet ne Toroor, si kobiit koek eng' anee pororyet, kainet, kalasunet ak teegisto. Ago ma cham kogas.”

JEREMIA 2:3

Ki itabanat Israel agobo Kamuktaindet ne Toroor, tongoanigap ruratennyi. Tugul che amei ineendet kiityin ng'oogisto, nyoonjin yaityet icheek,” mwaei Kamuktaindet ne Toroor.

JEREMIA 7:23

Ago ki ang'at icheek agobo ng'olyoondoni aleenji, ogas kutinnyu, si aek Kamuktaindeng'wong', ak oegu piikyuk. Obendate ooreet tugul ne ang'atook, si kobiit komyeeit eng' okweek.

ATEPTAP LAWIK 19:2

“Mwachi tuiyet komugul ne po piigap Israel, ileenji, Oegu che tiliileen, amu aa tiliil anee, Kamuktaindet ne Toroor Kamuktaindeng'wong'.

ATEPTAP LAWIK 20:24

Ago ki amwaiwok aleenjok, ‘Onyabani emennywa, ak agoonok kobunjook emonooto nyiitaat cheego ak komi kumyat eng' chaang'indo.’ Aa Kamuktaindet ne Toroor Kamuktaindeng'wong', ne ki atabaanenak pororyosyek.

ATEPTAP LAWIK 20:26

Oegu che tiliileen eng' anee, amu aa tiliil anee Kamuktaindet ne Toroor, ne ki atabaanenak pororyosyek, si oegu chechuuk.

ATEPTAP LAWIK 21:23

Ago ma wendi ineendet angeet oriit ne ki kioiye koot, anan koriikyi kapkorosuut, amu ma libwoop; si mat komurwon oldinwekyuk che tiliileen, amu anee Kamuktaindet ne Toroor ne atabaani oldinwechooto.”

AMOS 3:2

Okweegei kityo che angen eng' ortinwek tugul che po ng'wony. Nooto anyun aiitwok pireet amu tengekwogikwok tugul.

HAGGAI 2:5

Niito ng'olyoot ne ki kiyomisyige ye ki obwane eng' Misiri, ak tebee kwenung'wong' Kabuusennyu ne Tiliil; amoiyweisye.

KAITOSYEK 16:3

Ki iyumgei icheegei si kobiit kotil let Musa ak Aron, ak koleenji icheek, “Otoroorigei kot kotyanit! Tuiyoni komugul ko tiliil, ak chii age tugul ko tiliil, ak mi Kamuktaindet ne Toroor kwenunnywa. Amu nee anyun si otoroorgei osiir tuiyetap Kamuktaindet ne Toroor?”

ROMANIK 12:1

Nooto anyun che kitupche, asoomok miising', eng' rireenosyegap Kamuktaindet ale, ogoite poorwekwok koek tiseiywot ne sabei, ne tiliil, ne taachaksei eng' Kamuktaindet, nooto ko poisyeng'wong' ne nyolu.

1 KORINTOEK 3:17

Ak ngo ng'em chii age tugul Hekaluut ne po Kamuktaindet, kotun ng'emei `Kamuktaindet ineendet; amu tiliil Hekaluut ne po Kamuktaindet, okweek hekaluunooto.

NG'ATUTIK 14:21

Amat oam ne kame ineegei. Imuuchi igoochi kiprutoiyot ne mi kurgotiguk koam anan ialdochi toondet: amu ii pororyet ne tiliil eng' Kamuktaindet ne Toroor Kamuktaindeng'ung'. Amat iyoe aarwetap ng'oroor cheegap kamet.

NG'ATUTIK 26:19

ak koyain itororitu isiir pororyosyek tugul che ki yai ineendet, eng' kalasunet ak kainet ak teegisto, si iegu pororyet ne tiliil eng' Kamuktaindet ne Toroor Kamuktaindeng'ung', ko uu ye ki mwa.”

NG'ATUTIK 28:9

“Ngiriip ng'atuutigap Kamuktaindet ne Toroor Kamuktaindeng'ung', iwendote ortinwekyik, kogimitin Kamuktaindet ne Toroor iegu pororyennyi ne tiliil ko uu ye ki iyasyeun.

NG'ATUTIK 7:6

Ii pororyet ne itabaanat eng' Kamuktaindet ne Toroor Kamuktaindeng'ung'. Ki lewenin Kamuktaindet ne Toroor Kamuktaindeng'ung' eng' pororyosyek tugul che mi ng'wony iegu pororyet ne nenyi ineegei.

1 THESSALONIKEK 5:27

Ayosyewok eng' Kiptaiyat ale kesomanji parwaani che kitupche tugul.

1 PETERO 2:5

ak okweek, che oo koik che saptos, kiteechok oegu koot ne sabei, oegu che poisyei eng' tiseinateet ne tiliil, si ogoite korosegap saboon, che taachaksei eng' Kamuktaindet eng' Jeso Kristo.

1 PETERO 2:9

Ago okweek ko oo pororyet ne kigelewen, oo che poisyei eng' tiseinateet ne po kaplaitoryat, pororyet ne tiliil, piik che punjin Kamuktaindet, si kobiit obarte telunatosyek che po ineendet ne kiguurok omang'une mesundeito omong'ji lapkeiyennyi ne kikweng'e.

NG'ANG'UTYET 1:6

ak koyaech keegu laitornatet, tisiik che poisyechin Kamuktaindet nenyi ak ko Kwanda; nenyi toroonatet ak kimnateet koigeny ak koigeny. Amen.

NG'ANG'UTYET 20:6

Paibai ak ko tiliil ne tinyei yamdaet eng' ng'eetyeet ne po tai. Mabou icheek meet ne po aeng'; ago egu icheek tisiigap Kamuktaindet ak ko po Kristo, ak kolaitoran ak ineendet kenyiisyek eliphuut agenge.

NG'ANG'UTYET 5:10

Ki iyai icheek koek pororyet ak tisiik eng' Kamuktaindet nenyo, ak tuun laitorani icheek eng' ng'wony.”