KOMONG'U 19:4 - BUKUIT NE TILIIL Sireet ne Dutero Kanon

⁴ ‘Ki ogeer kiit ne ki ayachi Misiriik ak ko uu ye ki agesenenak kebebaigap kipsichinik amutwak obwanjo.

Bukuit Ne Tilil

⁴ ‘Ki ogeer kiit ne ki ayachi Misiriik ak ko uu ye ki agesenenak kebebaigap kipsichinik amutwak obwanjo.

BUKUIT NE TILIL

⁴ Kiogeer kit ne kiayachi Misrik, ak ko u ye kiagesenenak kebebaikab kipsichinik, amutwak obwanja.

KOMONG'U 19:4 Iomraidhean Croise

ISAIAH 40:31

ago nyooru kimnateet ne leel icheeget che igeni Kamuktaindet ne Toroor; togostoi kotirirendos ko uu kipsichinik; rwaei, ama ng'etos; pendoti, ama nyaluldos.

ISAIAH 63:9

Ki kinyalil ineendet eng' nyalilwogikwak tugul, ak ki sar icheek malaikaiyandennyi ne ki mi tainnyi: ki ityaach eng' chamyennyi ak rireenennyi; ak kigesen ak koganap peetuusyek tugul che po keny.

HOSEA 11:1

Ki achame Israel kota ko ming'in, ak ki aguur weeriinnyu komong' eng' Misiri.

HAGGAI 2:5

Niito ng'olyoot ne ki kiyomisyige ye ki obwane eng' Misiri, ak tebee kwenung'wong' Kabuusennyu ne Tiliil; amoiyweisye.

MALAKI 2:10

Tos ma ki tinyei acheek tugul kwanda agenge? Tos ma yaech Kamuktaindet agenge? Amu nee si koberber chii age tugul eng' acheek tupchennyi, kong'wanit kayomisetap kwanisyekyok?

NG'ATUTIK 1:30

Yaei pooryeet agobo okweek Kamuktaindet ne Toroor Kamuktaindeng'wong' ne indoenok ko uu tugul che kiyaiywok eng' Misiri,

NG'ATUTIK 1:31

ak eng' surkwen ole ki igeer ile kigesenunenen Kamuktaindet ne Toroor Kamuktaindeng'wong', ko uu ye keseni chii weeriinnyi, eng' ortinwek tugul che ki obunu agoi oitu olito.

NG'ATUTIK 29:1

Chu ng'aleegap kayomiset ne ki ng'at `Kamuktaindet ne Toroor Musa koyai kobooto piigap Israel eng' emetap Moabik, kotese kayomiset ne ki iyomiskei ak icheek eng' Horeb.

NG'ATUTIK 29:2

Ki kuur `Musa Yahudik tugul ak koleenji, “Ki ogeer tugul che ki yachi `Kamuktaindet ne Toroor Pharaoh, otwogikyik tugul, ak emennyi tugul eng' emetap Misiri eng' taing'wong'.

NG'ATUTIK 4:9

Riipkei anyun, ak iriip saboondang'ung' eng' kagiiletapkei, si meutye tuguuk che ki keer konyeguk ak si ma manda eng' muguleldang'ung' eng' peetuusyeguk tugul che po sabeeng'ung'; agoi ineet lagoguk tuguuchuuto ak mochogoroniguk.

JOSHUA 23:3

Ki ogeer tuguuk tugul che ki koyachi Kamuktaindet ne Toroor Kamuktaindeng'wong' pororyosyechu tugul amu okweek, amu Kamuktaindet ne Toroor Kamuktaindeng'wong' ineendet ne ki yai lugeet agobo okweek.

NG'ANG'UTYET 12:14

Ak ki kigoochi kwonyooto kebebaik aeng' che po kipsiichit ne oo, si kobiit kotirirene kwo surkwen agoi oldanyi, ole kibae, eng' peetuusyek, ak peetuusyek alak, ak kebebertap peetuusyek, koistoegei togeetap ereneet.