KOMONG'U 18:9 - BUKUIT NE TILIIL Sireet ne Dutero Kanon

⁹ Ki paibait Jethro amu myeeindo tugul ne kiga koyachi `Kamuktaindet ne Toroor Israel kosar icheek komang'une eunegap Misiriik.

Bukuit Ne Tilil

⁹ Ki paibait Jethro amu myeeindo tugul ne kiga koyachi `Kamuktaindet ne Toroor Israel kosar icheek komang'une eunegap Misiriik.

BUKUIT NE TILIL

⁹ Ak kibaibait Jetro amu mieindo tugul ne kigoyachi Jehovah Israel, amu kisor ichek komong’une eunekab Misrik.

KOMONG'U 18:9 Iomraidhean Croise

ISAIAH 44:22

Ki aiste pistaosyeguk, ko uu pooldet ne oo, ak ki aiste tengekwogiguk, ko uu pooldet: weekyage; amu ki atyachin.

ISAIAH 44:23

Ee okweek kipsengwet, Otyense, amu ki yai Kamuktaindet ne Toroor nooto; owaach okweek, komoswek che po oriit che po ng'wony; otyense, okweek tuloonook, ee timiin, ak keetit age tugul ne mi yooto: amu kagotyach Kamuktaindet ne Toroor Jakobo, ak kotoroorgei eng' Israel.

ISAIAH 63:7

Amwaitoi chamyet ne tala ne po Kamuktaindet ne Toroor, ak kalasunoigap Kamuktaindet ne Toroor, ko uu tugul che ki kogoonech Kamuktaindet ne Toroor; ak myeeindo ne oo eng' kootap Israel, ne Ki kogoochi icheek ko uu rireenosyekyik, ak ko uu chaang'indap chamyennyi ne tala.

ISAIAH 66:10

Oboiboitu okweek kobooto Jerusalem, ogaaskei kobooto ineendet, okweek tugul che ochame ineendet: oboiboitu eng' poiboiyet kobooto ineendet, okweek tugul che oriirchini:

ROMANIK 12:10

Ochamyee eng' chamyet ne uu ne po tupchosyek; ingoiit chiito age chiito age kosiir ineendet eng' teegisto;

ROMANIK 12:15

Oboiboitu kobooto che poiboi; oriirye kobooto che riirtos.

1 KORINTOEK 12:26

Ak ngo nyalili kebeberta agenge, konyalildos kebeberwek tugul kobooto nooto; anan ngegonyiti kebeberta agenge, koboiboitu kebeberwek tugul kobooto nooto.

1 SAMUEL 15:6

Ki mwachi `Saulo Kenik koleenji, “Oba oistegei, ochoortegei oistoegei Amelegik, si ma paraak kobooto icheek. Amu ki oriree lagok tugul che po Israel, ye kitogosu komong'u eng' Misiri.” Koistogei anyun Kenik eng' Amelegik.