KOLOSAIK 2:13 - BUKUIT NE TILIIL Sireet ne Dutero Kanon

¹³ Ak okweek, che ki oo pegunotin eng' yaitwogikwok ak poorwekwok che ma kimuratan, ki isaabok okweek, kobooto ineendet, ko kagonyoiywech kaat yaitwogikyok tugul;

Bukuit Ne Tilil

¹³ Ak okweek, che ki oo pegunotin eng' yaitwogikwok ak poorwekwok che ma kimuratan, ki isaabok okweek, kobooto ineendet, ko kagonyoiywech kaat yaitwogikyok tugul;

BUKUIT NE TILIL

¹³ Ak okwek, che kio begunotin eng’ yaitwogikwok ak borwekwok che ma kimuratan, kiisoobok okwek, koboto inendet, ko kagonyoiywech kaat yaitwogikyok tugul;

KOLOSAIK 2:13 Iomraidhean Croise

EPESOEK 2:1

Ak kigosabok okweek, ye ki oo pegunotin eng' yaitwogikwok ak tengekwogikwok,

ROMANIK 8:11

Ago ngo menyok Kabuusetap ineendet ne ki ing'eet Jeso komang'une che ki pek, kosoobi poorwekwok che pegu ineendet ne ki ing'eet Kristo Jeso komang'une che ki pek, eng' Kabuusennyi ne menyei eng' okweek.

2 KORINTOEK 3:6

ne kiyaech keegu che yamei, kiboitiinik che po arorutyet ne leel; ma che po ng'atuutyet, ago po Kabuuset ne Tiliil; amu parisyei ng'atuutyet, ago Kabuuset ne Tiliil ne igoitoi saboondo.

HEBRANIK 9:14

kotiliili anyun ne tya korotiigap Kristo, ne ki igoochigei Kamuktaindet eng' Kabuuset ne po koigeny, koma tinyei peruut, kotiliil kabwaateng'wong' eng' poisyosyek che meiyotiin si oboisyechi Kamuktaindet ne sabei!

2 KORINTOEK 5:19

keele ki mi Kamuktaindet eng' Kristo kotuitos ng'wony ak ineendet, koma iityin icheek yaitwogikwak, ko kagogoonech ng'olyootap katuiyet.

EPESOEK 2:11

Nooto anyun obwaat, ole okweek, che ki oo Pororyosyek eng' poorto atkinye, che kigurenok “che Ma Kimuratan” eng' icheek che kiguure “kamuratanet”, nooto kamuratanet eng' poorto ne ki kiyae eunek;

LUKA 15:32

Ago kanyoolu keboiboitu ak kigaske: amu kiga kome weeri otupche, ago kagosap kogeny; kiga kobet, ago kagobiit.’ ”

LUKA 15:24

amu weeriinnyu ni, ne kiga kome, ago kagosap kogeny; kiga kobet, ak kagobiit. Ki toi anyun koboiboitu.

TIENWOGIKAL 71:20

Inyee ne ki iboorwech nyalilwogik che chaang' che koroomen, ta isoobech kogeny, Ak tuun imoong'wech kemang'une oriit miising' ne po ng'wony.

JAKOBO 2:26

Amu ko uu ye meat poorto ne ma tinyei kabuuset, ko uu nooto kayaneet ne ma tinyei poisyonik, meat agine.

EPESOEK 5:14

Nooto anyun, mwaei ineendet kole, “Kosu, inyee ne irue, ak ing'eet eng' che ki kobek, ak kokwenyin Kristo.”

1 KORINTOEK 15:45

Ko uu nooto agine, ki kisir keele, Ki ek chiito ne po tai, Adam, chiito ne sabei. Ki ek Adam ne po let Kabuuset ne igoitoi saboondo.

ROMANIK 6:13

anan ogoochi tengek kebeberwegap poorwekwok koek kariik che ma po iman; ago ogoochigei Kamuktaindet, ko uu che saptos che kamang'une che ki pek, ak ogoochi Kamuktaindet kebeberwegap poorwekwok koek kariigap imanda.

1 JOHANA 2:12

Asirwok lagochu mengech, amu kigenyoiywok kaat tengekwogikwok amu kainennyi.

1 KORINTOEK 15:36

Inyee ne ii perber, nooto ne igoole inyeendet, koma sabei, ngot koma me:

JOHANA 5:21

Amu ko uu ye ing'eeti Kwanda che ki kobek ak kosoobi, isoobi Weeriit ko uu nooto agine che machei.

LUKA 9:60

Ago ki leenji, Pagakte che pegu kotup chechwaak che pegu; ago ui inyee ak iamdaate ng'aleegap laitornatetap Kamuktaindet.

ISAIAH 55:7

ingometo kiptengekyot ooreennyi, ak ingometo ineendet ne ma po iman, kabwaatutikyik: ak ingoweekyigei Kamuktaindet ne Toroor, si koriiree; ak ingoweekyigei Kamuktaindennyo, amu nyochin kaat iman.

TIENWOGIKAL 119:50

Niito ko kagaigaennyu eng' nyalildanyu, amu kigosooba ng'olyoondeng'ung'.

HEBRANIK 6:1

Nooto anyun ongebagaakte mata ongeng'alaale ng'aleek che po tai che po Kristo, ak ongigiilgei agoi keit ne ititaat; amata onginde lumeiywot ne po siguunet ne punu poisyonik che meiyotiin, ak ne po kayaneet eng' Kamuktaindet,

1 TIMOTEO 5:6

Ago ineendet ne suegei ko kagome agot ngo sabei.

ROMANIK 4:17

(ko uu ye siraat kole, “Kaayain iegu kwandap pororyosyek che chaang' ”) eng' taitap ne ki koyan ineendet, nooto ko Kamuktaindet, ne isoobi che ki kobek, ak koguurei tuguuk che ma mi, ko uu che mi.

JOHANA 6:63

Kabuuset ne igoitoi saboondo; ma tilei kiy poorto: ng'aleek che kaamwawok ko kabuuset ak saboondo.

JEREMIA 31:34

Ama koneeti kogeny chii age tugul chiitap kokwennyi, ama koneeti chii age tugul ng'eetap kamet, koleenjin, Nai Kamuktaindet ne Toroor: amu tuun naa icheek tugul, kobooch ne ming'in eng' icheek agoi ne oo, mwaei Kamuktaindet ne Toroor: amu anyochini kaat amu yaityennywa, ama abwaati tengektonywa kogeny.

ISAIAH 1:18

“Obwa anyun, keng'alaal,” mwaei Kamuktaindet ne Toroor. “Agot ngo piriireen tengekwogikwok, koleelagitu ko uu pooldet ne leel; agot ngo piriireen miising', koigeitu koroorigap keechiirek.

JAKOBO 2:20

Ago imache inai, ee, inyee chiito ne ma ii kiy, ile, kayaneet ne ma tinyei poisyonik ko soon?

JAKOBO 2:17

Ko kiit ne uu agine kayaneet, ngot koma tinyei poisyonik, ko meat ineegei.

1 TIMOTEO 6:13

Kang'atiin anyun eng' taitap Kamuktaindet, ne riibei tuguuk tugul kosapcho, ak eng' taitap Kristo Jeso, ne kibaoryan ng'ang'et ne myee eng' taitap Pontio Pilato;

TIENWOGIKAL 32:1

Igasatkei ne kigenyochi kaat pistoennyi, ne kigetuch chalwoktanyi.

KOLOSAIK 2:12

ko kagetubok kobooto ineendet eng' kabatisanet, ak ki king'eetak eng' nooto kobooto ineendet amu kayaneet eng' yaeet ne yaei Kamuktaindet, ne ki ing'eet ineendet komong' eng' che ki pek.