KOLOSAIK 1:12 - BUKUIT NE TILIIL Sireet ne Dutero Kanon

¹² ogoochini kongoi Kwanda, ne kiyaech keegu che nyoljin keyamde poroteetap che tiliileen eng' lapkeiyet;

Bukuit Ne Tilil

¹² ogoochini kongoi Kwanda, ne kiyaech keegu che nyoljin keyamde poroteetap che tiliileen eng' lapkeiyet;

BUKUIT NE TILIL

¹² ogochini kongoi Kwanda, ne kiyaech keegu che nyoljin keyamde borotetab che tililen eng’ lapkeiyet;

KOLOSAIK 1:12 Iomraidhean Croise

1 LAITORINIK 6:7

Kingeteechei koyooto ko ki kiteege koik che kiga kechop eng' ole kibaale. Ki ma komi cheetap kiriswet anan ko ne po aiywet anan ko ne po karna age tugul ne kiboisyee, ne ki kigas eng' koyooto keteechei.

1 ATEPTAP PEETUUSYEK 29:20

Yeityo koleenji `Daudi tuiyet tugul, “Olasu Kamuktaindet ne Toroor Kamuktaindeng'wong'.” Ak ki ilas tuiyet komugul Kamuktaindet ne Toroor, Kamuktaindetap kwanisyekwak, ki ing'uruuk ak kogutung'ji Kamuktaindet ne Toroor, ak laitoryat.

TIENWOGIKAL 116:7

Iweekyigei kamuung'eng'ung', ee saboondanyu; amu kagoyaun Kamuktaindet ne Toroor eng' aiyebindo.

TIENWOGIKAL 36:9

Amu mi oldang'ung' kondap peegap saboon; eng' lapkeiyeng'ung' kegeere lapkeiyet.

TIENWOGIKAL 79:13

Ak acheek anyun, che ki piiguk ak keechiiregap akweeng'ung', Kemwaun kongoi koigeny: Ak kimwaitoi kalasuneng'ung' eng' ibinwek tugul.

TIENWOGIKAL 97:11

Kigooljin lapkeiyet che po iman, Ak ki kooljin kagasetapkei che po iman eng' mugulelwek.

KALEWANAIK 16:1

Poisyetap chii kochop muguleldanyi, ago punu `Kamuktaindet ne Toroor waluunetap ng'elyepta.

KALEWANAIK 4:18

Ago ooreetap che po iman ko uu lapkeiyet ne iluu, ne iluu ko tesoksei agoi peetuut ne ititaat.

MATAYO 25:34

“Yeityo komwachi `Laitoryat icheek che mi eunnyi ne po tai koleenji, ‘Obwa, okweek che oberuurotin che oo po Abba, onam laitornatet ne kigechobwok kobooch ko kagilumda ng'wony;

JOHANA 14:6

Koleenji Jeso, Aa ooreet, ak iman, ak saboondo: ma nyoonjin chii Kwanda, ama eng' anee.

JOHANA 20:17

Koleenji Jeso, “Ametiinyo; amu tomo atogosyi kap Kwanda; ago ui ole mi tupchosyekyuk, ak ki leenji, ‘Atogosyini kap Abba, ago Abba neng'wong', Kamuktaindennyu ak ko Kamuktaindeng'wong'.’ ”

JOHANA 4:23

Ago nyoonei sait, ak kagoit nguno, ye saaei Kwanda saaik che po iman eng' Kabuuset ne Tiliil ak imanit: amu cheeng'oti Kwanda che uu chooto koek che saaei ineendet.

POISYONIGAP CHE KIYOKTOI 20:32

“Ara anyun, kabagakyok nguno eutap Kamuktaindet, ak ng'olyootap myeeindonyi, ne imuuchi koteechak, ak kogoonok poroteet kobooto icheek tugul che kitiliili.

POISYONIGAP CHE KIYOKTOI 26:18

si kobiit ing'aany konyekwak, ak koweek eng' mesundeito kobwonji lapkeiyet, ak eng' kimnateetap Setani kobwonji Kamuktaindet, si konyoor icheek nyoetap kaat ne po tengekwogik ak poroteet eng' icheek che ki kitiliil amu kayaneet ne mi eng' anee.

ROMANIK 11:17

Ago ngot ko ki kiiri mooriik alak, ak inyee ne ii mseitunitap timiin, ko ki kinamnyenen icheek eng' kwenunnywa, ak ki oyamde kobooto icheeget ne po tigityot ak akwaiyetap mseituni;

ROMANIK 15:27

Ee, kigocham icheek miising' ng'olyoondoniito; ak icheek ko pesenikwak. Amu ngo ki keyai Pororyosyek koek yamdoik che po tuguuk che po saboon, ko kanyool ak icheek koyaakta eng' poisyet ne poisyechin eng' tuguuk che po poorto.

ROMANIK 8:17

ak ngo ki lagok, ko ki che punjinech tuguuk; che punjinech tuguugap Kamuktaindet, ak che punjinech tuguuk kobooto Kristo; ngot kenyalildosi kobooto ineendet, si kitoroorech kobooto ineendet.

ROMANIK 9:23

ak si kobiit kobarta mogornatosyegap toroornatennyi eng' tereenik che po rireenetapkei che kiga sip kochopchi telunateet,

1 KORINTOEK 8:6

ago eng' acheek komiitei Kamuktaindet agenge, ineendet Kwanda, ne punu tuguuk tugul ak acheek eng' ineendet; ak Kiptaiyat agenge, Jeso Kristo, ne mi tuguuk tugul amu ineendet, ak acheek eng' ineendet.

1 KORINTOEK 9:23

Ak ayae tuguuk tugul amu logoiywek che myach, si kobiit anyoor yamdaet eng' chooto.

2 KORINTOEK 11:14

Ama mi kwong'eet; amu agot Setani kowalegei koek malaikaiyatap lapkeiyet.

2 KORINTOEK 5:5

Ara anyun, ne kiyaech agobo niito, ko Kamuktaindet, ne ki koonech Kabuuset ne Tiliil, koek tongoaniatap tuguuk che pwoonei.

EPESOEK 1:11

ne kiyaech eng' ineendet keegu porotennyi, ko kasip kolewenech, ko uu mageetap ineendet ne yaei tuguuk tugul ko uu kabwaatetap magennyi;

EPESOEK 1:18

ko kagokweng'ogis konyegap mugulelwekwok, si kobiit onai kiit ne uu kamang'unetap kuursennyi, ak mogornatosyegap toroornatet ne po porotennyi eng' che tiliileen,

EPESOEK 2:18

amu kinyooru acheek tuwai eng' ineendet ooreennyo eng' Kabuuset ne Tiliil agenge, ne ki itee ole mi Kwanda.

EPESOEK 3:6

keele, Pororyosyek ko yamdoigap nametap tuguuk, ak yamdoigap kebeberwegap poorto, ak yamdoigap arorutyet eng' Kristo Jeso eng' logoiywek che myach,

EPESOEK 4:6

Kamuktaindet agenge ne Kwandap tugul, ne pou tugul, ak koyamu tugul, ak komi eng' tugul.

EPESOEK 5:11

amoyai yamdaet ak poisyonigap mesundeito, che ma tinyei logoek, ago kaigai oger kong';

EPESOEK 5:20

ogoitoi kongoi kotugul agobo tuguuk tugul eng' kainetap Kiptaiyandennyo Jeso Kristo, ogoochini Kamuktaindet, ineendet Kwanda;

EPESOEK 5:4

anan teweernat, anan ng'alaaletap abusnateet, anan roryot ne po ng'aleek che yaach, ma nyolu chooto: ago kaigai kagoitoetap kongoi.

EPESOEK 5:8

amu ki oo mesundeito eng' peetuusyek alak, ago oo lapkeiyet nguno eng' Kiptaiyat: obendate ko uu lagogap lapkeiyet

KOLOSAIK 2:2

si kobiit kigaigai mugulelwekwak, ak keropchin eng' chamyet, ak eng' mogornatosyek tugul che po nyiietap kaguiyet, si kobiit konai icheek ung'ootyetap Kamuktaindet, ineendet Kristo,

KOLOSAIK 3:15

Ak ingoboi kaalyeetap Kristo mugulelwekwok, nooto ne ki kiguurchok eng' poorto agenge; ak oegu che tinyei kongoi.

KOLOSAIK 3:17

Ak kiit age tugul ne oyae, eng' ng'olyoot anan eng' poisyet, oyai tugul eng' kainetap Kiptaiyat Jeso, omwachini Kamuktaindet Kwanda kongoi eng' ineendet.

TITO 2:14

ne ki igoitogei agobo acheek, si kobiit kotyachech eng' tengekto tugul, ak kotiliiljigei piik koek chechiik, che lewenotin, che igiilegei eng' poisyonik che myach.

HEBRANIK 12:23

ak tuiyetap piik tugul ak kaniset ne po che po tai eng' sigeet che kigesir eng' kipsengwet, ak Kamuktaindet kirwoogindetap tugul, ak saboonwek che po piigap imanda che ki kiyai koek che ititaatiin,

HEBRANIK 3:1

Nooto anyun, che kitupche che tiliileen, yamdoigap kuurseetap kipsengwet, obwaat miising' Kayooktoindet ak Tisiindet ne oo ne po ng'ang'ennyo, ineendet Jeso;

HEBRANIK 3:14

amu kigeegu yamdoigap Kristo, ngenam miising' taunetap kamang'unennyo agoi kagesunet:

JAKOBO 3:9

Kilasune nooto Kiptaiyat ak ko Kwanda: ak kichube piik, che ki kiyai eng' kergeindap Kamuktaindet:

1 PETERO 5:1

Ateechini miising' poisyek che mi kwenung'wong', aneendet ne aa poiyot ko uu icheek, ak aa paoryatap nyalilwogigap Kristo, ne kiyamdoi toroornatet ne tuun king'aanyei:

1 JOHANA 1:3

nooto ki kegeer ak kegas ko nooto ne keamwok ak okweek, si kobiit osich ak okweek yamdaet kobootech; ee, miitei yamdaennyo kobooto Kwanda, ak kobooto Weeriinnyi Jeso Kristo.

NG'ANG'UTYET 21:23

Ak ma machei nganaseet asiista, anan arawet, koluuchi: amu iluuchin liilindap Kamuktaindet, ak tainnyi ko Aarwet.

NG'ANG'UTYET 22:14

Poiboen icheek che mwetei ngoroikwak, si kobiit komuuch kosich chamjinet koit ole mi keetitap saboondo ak kobun kurgotik kobendi nganaseet oriit.

NG'ANG'UTYET 22:5

Ama komi kemout kogeny; ama machei lapkeiyetap tait, anan ko lapkeiyetap asiista; amu igoochin icheek lapkeiyet Kiptaiyat Kamuktaindet, ak laitorani icheek koigeny ak koigeny.