KOLOSAIK 1:10 - BUKUIT NE TILIIL Sireet ne Dutero Kanon

¹⁰ si obendate ko uu ye nyolu eng' Kiptaiyat, oboiboi ineendet, oitosi logoek eng' poisyet age tugul ne myee, ak otesage eng' naetap Kamuktaindet;

Bukuit Ne Tilil

¹⁰ si obendate ko uu ye nyolu eng' Kiptaiyat, oboiboi ineendet, oitosi logoek eng' poisyet age tugul ne myee, ak otesage eng' naetap Kamuktaindet;

BUKUIT NE TILIL

¹⁰ si obendate ko u ye nyolu eng’ Kiptaiyat, oboiboi inendet, oitosi logoek eng’ boisiet age tugul ne mie, ak otesage eng’ naetab Jehovah;

KOLOSAIK 1:10 Iomraidhean Croise

KALEWANAIK 16:7

Ye iboiboi `ortinwegap chii Kamuktaindet ne Toroor, kogoochin kochamyo ak puunikyik.

ISAIAH 53:11

Tuun keerei che pitunee ng'wanindap saboondanyi, ak koyam; tuun iityin otwogindennyu ne po iman, imanda, piik che chaang', eng' naennyi: ak tuun ibei tengekwogikwak.

MIKAH 4:5

Amu wendoti pororyet age tugul eng' kainetap kamuktaindennyi, ak kibendotee acheek kainetap Kamuktaindet ne Toroor Kamuktaindennyo koigeny ak koigeny.

HABAKUK 2:14

Amu nyiei ng'wony naetap toroornatetap Kamuktaindet ne Toroor, ko uu ye nyiei peek nyanjet.

JOHANA 15:16

Ki ma olewena, ago ki alewenok, ak ki andeak, ale obe ak oii logoek, si kobiit kotebi logoekwok: si kobiit kogoonok Kwanda kiit age tugul ne osoome eng' kainennyu.

JOHANA 15:8

Kigonyiti Abba eng' niito, ye oiyie logoek che chaang'; si oegu kasubikyuk.

JOHANA 17:3

Ak ni saboondap koigeny, ale konain Kamuktaindet ne inyeendet inyegei ne po iman, ak Jeso Kristo, ne ki iyoogu.

ROMANIK 1:13

Ak ma mache oegu che mongen, che kitupche, ale, ki amach konyil che chaang' Anyoonjok (ak kigeraanya agoi kora), si kobiit anyoor logoek alak agot eng' okweek, agot ko uu eng' Pororyosyechuun alak ak icheek.

ROMANIK 4:12

ak koek kwandap che imuratanotiin eng' icheek che ma po kamuratanet kityo, ago che pendi ak icheek eng' tyegutigap kayanonooto po kwandanyo Abraham ne ki tinyei ye kitom kimuratan.

ROMANIK 6:4

Nooto anyun kigetubech kobooto ineendet eng' kabatisanet agoi meet: si ko uu ye ki king'eet Kristo eng' che ki pek eng' toroornatetap Kwanda, ko uu nooto, kibendoti agacheek eng' saboondo ne leel.

2 KORINTOEK 2:14

Ago kongoi eng' Kamuktaindet, ne imutatech kotugul kibelisye eng' Kristo, ak koboortoi nyamdutyetap naennyi eng' acheek eng' komosta age tugul.

2 KORINTOEK 4:6

Amu Kamuktaindet ne ki mwa kole, “Tuun iluu lapkeiyet eng' mesundeito,” ineendet ne ki iluuchi mugulelwekyok, si kogoon lapkeiyet ne po naetap toroornatetap Kamuktaindet eng' togeetap Jeso Kristo.

2 KORINTOEK 5:9

Nooto anyun ko ki it ne kitokyinige, ngemi eng' poori, anan ngo ma kimi, keegu che iboiboi ineendet.

2 KORINTOEK 9:8

Ak komuuchi Kamuktaindet kogoonok myeeindo tugul kotesak miising'; si otinye okweek kotugul tuguuk tugul che yamok eng' kiit age tugul, si otunen eng' poisyet age tugul ne myee:

EPESOEK 1:17

ale ingogoonok Kamuktaindet ne po Kiptaiyandennyo Jeso Kristo, Kwanda ne po toroornatet, Kabuuset ne po utaatyet ak ng'ang'utyet eng' naetap ineendet;

EPESOEK 2:10

Amu kiboisyennyi acheek, ne ki kiyaech eng' Kristo Jeso agobo poisyonik che myachen, che kisip kochop Kamuktaindet si kebendatee chooto.

EPESOEK 4:1

Nooto anyun, anee ne aa kimonjororyot eng' Kiptaiyat, asoomok miising' ale obendate ko uu ye nyoljin kuurseet ne kigeguurok,

EPESOEK 4:13

agoi keit acheek tugul yamdaetap kayaneet, ak naetap Weeriitap Kamuktaindet, agoi keegu chiito ne pekyinot, agoi kakwaet ne po etunatetap nyiietap Kristo:

EPESOEK 5:10

si onai nooto taachaksei eng' Kiptaiyat;

EPESOEK 5:15

Oriipkei anyun miising' eng' ole oteptoi eng' panwekwok, ma ko uu che ma utaatiin, ago ko uu che utaatiin;

EPESOEK 5:2

ak obendate chamyet, ko uu ye ki chamaak Kristo agine, ak kogoitogei agobo acheek, koek kagoochinet ak tiseiywot eng' Kamuktaindet ne ng'uu ne nyamdut.

PILIPIK 1:11

ko oo nyiitootiin eng' logoegap imanda, che punu Jeso Kristo, agoi toroornatet ak kalasunetap Kamuktaindet.

PILIPIK 1:27

Ago ingoek atebeeng'wong' ne nyoljin logoiywek che myach che po Kristo: si ngot anyoo ageerok anan ngo ma mi anee, amuuchi agas agobo atebeeng'wong', keele otonondosi komyee eng' sabeet agenge, eng' muguleldo agenge ogiiligei agobo kayaneetap logoiywek che myach;

PILIPIK 4:18

Ago atinye tuguuk tugul, ak che siirtoot: aa piyong'ot, amu ki ataach eng' Epaphroditus tuguuk che kibunwok, che po ng'uunet ne nyamdut, korosyot ne taagaksei, ne iboiboi Kamuktaindet.

KOLOSAIK 2:19

ama namei komyee Metit, ne nyoorunee poorto tugul teset eng' teset ne punu Kamuktaindet, ko kagonyoor tugul, ak konamatkei eng' kebeberwek ak tigitik.

KOLOSAIK 2:6

Ko uu ye ki otaach anyun Kristo Jeso Kiptaiyat, obendate eng' ineendet,

KOLOSAIK 3:20

Lagochu, ogas iit sigiikwok eng' tuguuk tugul, amu iboiboi niito miising' Kiptaiyat.

KOLOSAIK 4:5

Obendoti eng' ng'omnateet eng' taitap icheeget che mi saang', ingoek saisyek kamanuut eng' okweek.

1 THESSALONIKEK 2:12

si kobiit obendate ko uu ye nyolu eng' Kamuktaindet, ne kuurchinok laitornatet ak toroornatennyi.

1 THESSALONIKEK 4:1

Ne po let anyun, tupchosyechu, kesoomok miising' ak kiteeiywok eng' Kiptaiyat Jeso, ko uu ye ki otaach eng' acheek, ole kanyool obetite ak obaibaite Kamuktaindet, agot ko uu ye obendoti, si kobiit obaraitu miising' inne.

2 TIMOTEO 2:4

Ma mi asigarindet, ne ngo mi poisyet, koratyingei tuguuk che po ng'wony; si kobiit kobaibai ne kisirei ineendet koek asigarindet.

TITO 3:1

Ibwaatyi icheek koming'injigei pounik, ak pounatosyek, kogas iit, kochobogis eng' poisyet age tugul ne myee,

TITO 3:14

Ak ingoneetkei piikyok ak icheek koyai poisyonik che myachen kotugul, agobo tuguuk che makyingei, si ma ek che mayiei logoek.

HEBRANIK 11:5

Ki kimut Enok eng' kayaneet si ma keer meet; ak ki mata kogeer chii ineendet, amu ki imut Kamuktaindet: amu ye kitom kimut ko kiga kibaoryan agobo ineendet keele ki ibaibai Kamuktaindet;

HEBRANIK 13:16

Oyai che myachen, amoutye oyai yamdaet: amu paibai miising' Kamuktaindet eng' koroseek che uu chooto.

HEBRANIK 13:21

oegu che ochobootiin eng' poisyet age tugul ne myee si oyai magennyi, koyai eng' icheek che chamaksei miising' eng' tainnyi, eng' Jeso Kristo; ne nenyi toroornatet koigeny ak koigeny. Amen.

2 PETERO 1:8

Amu ngot ko miitei eng' okweek tuguuchuuto ak ko tesatin, koyaak si mochorirense anan ko che ma iyei logoek eng' naetap Kiptaiyandennyo Jeso Kristo.

2 PETERO 3:18

Ago oneryee eng' myeeindo ak naet ne po Kiptaiyandennyo ak ko Yetindennyo Jeso Kristo. Nenyi toroornatet nguno agoi koigeny. Amen.

1 JOHANA 3:22

ak kiy age tugul ne kisoome, kenyooru eng' ineendet, amu kiriibe ng'atuutikyik, ak keyae tuguuk che chamaksei eng' tainnyi.

1 JOHANA 5:20

Ak kingen keele kigonyo Weeriitap Kamuktaindet, ak ki kogoonech kaguiyet, si kobiit kenai ineendet ne po iman, ak kemi eng' ineendet ne po iman, eng' Weeriinnyi Jeso Kristo. Niito ko Kamuktaindet ne po iman, ak saboondap koigeny.

3 JOHANA 1:6

che paoryani agobo chamyeng'ung' eng' kaniset. Iyae ne myee ye iyomisi eng' pandanywa ko uu ye nyolu eng' Kamuktaindet;