KIRUOGIK 1:19 - BUKUIT NE TILIIL Sireet ne Dutero Kanon

¹⁹ Ki mi Kamuktaindet ne Toroor kobooto Judah, ak ki nam emetap tuloonook. Ki ma imuuch koon piik che ki menyei atebweet, amu ki tinyei kariisyegap kariik.

Bukuit Ne Tilil

¹⁹ Ki mi Kamuktaindet ne Toroor kobooto Judah, ak ki nam emetap tuloonook. Ki ma imuuch koon piik che ki menyei atebweet, amu ki tinyei kariisyegap kariik.

BUKUIT NE TILIL

¹⁹ Ak kimi Jehovah koboto Juda; ak kion che kimenyei emetab tulonok; kima imuch koon bik che kimenyei atebwet, amu kitinyei karisiekab karik.

KIRUOGIK 1:19 Iomraidhean Croise

TAUNET 39:2

Ki mi Kamuktaindet ne Toroor kobooto Joseph, ak ki ek chiito ne iberuurot, komi kootap kiptaiyandennyi Misirindet.

TAUNET 39:21

Ago ki mi Kamuktaindet ne Toroor kobooto Joseph, ak ki riiregei ineendet ak ki igoochi konyoor chameet eng' pounindetap korgoreet.

2 SAMUEL 5:10

Ki eet Daudi kotesak amu ki mi Kamuktaindet ne Toroor, Kamuktaindetap lugoosyek, kobooto ineendet.

2 LAITORINIK 18:7

Ak ki mi Kamuktaindet ne Toroor kobooto ineendet; kibor eng' komosta age tugul ne ki wo. Ki ingelelji laitoryatap Assyria, ma oot ineendet.

TIENWOGIKAL 46:11

Mi Kamuktaindet ne Toroor ne po lugoosyek kobootech; Kamuktaindetap Jakobo ko ole kimwechini.

TIENWOGIKAL 46:7

Mi kobootech Kamuktaindet ne Toroor ne po lugoosyek; Kamuktaindetap Jakobo ole kemwechini.

TIENWOGIKAL 46:9

Igeesu `inee lugoosyek eng' ng'wony; iriei kwanget, ak iriei ng'otit; ak peelei long'onik eng' maat.

TIENWOGIKAL 60:12

Kiterteerisyei eng' nyiganateet eng' Kamuktaindet, amu ineendet ne tyekyin ng'wony puunikyok.

AMDOINDET 9:11

Ki aweege ak ageer eng' kurereetap asiista, ale, ma po kabeletapkei che chepchep, ama po lugeet che kiimeen, ama po amitwogik che utaatiin, ama po mogornatosyek piigap naet, ama chamaatiin piik che utaatiin; ago ityin icheek tugul sainnywa ak peetuunywa.

ISAIAH 41:10

ameiyweisye, amu ami kobooten; amearagen, amu aa Kamuktaindeng'ung': agimiitin; ee, atoretiin; ee, anamin eng' eunnyu ne po tai ne po imandanyu.

ISAIAH 7:14

Koonok anyun Kiptaiyat ineendet kaboorunet; ogeero, manachi pergeiyat, ak kosich weeriit, ak koguuree kainennyi Immanuel.

ISAIAH 8:10

Orwooch tugul, ago egu puch; omwa ng'olyoot, ama tononi, amu mi Kamuktaindet kobootech.

MATAYO 1:23

“Ogeero, manachi pergeiyat ak kosich weeriit, ak keguure kainennyi Immanuel,” ne ye kiweech ko ni, “Mi Kamuktaindet kobootech.”

ROMANIK 8:31

Kimwae nee anyun eng' tuguuchuuto? Ngo mi Kamuktaindet komostanyo, ko ng'oo ne kirindaech?

PILIPIK 4:13

Amuuchi ayai tuguuk tugul eng' ineendet ne igimita.

JOSHUA 1:5

Ma piitu chii ne imuuchi kotonon eng' taing'ung' peetuusyek tugul kotee isabe. Ko uu ye ki ami kobooto Musa, ko uu nooto ami kobooten. Ma meteen anan abagaakteen.

JOSHUA 1:9

Tos ma anee ne ki ang'atiin? Kimitu ak inyiganitu. Meiywei anan itoptoben amu mi Kamuktaindet ne Toroor Kamuktaindeng'ung' kobooten eng' ui tugul ole iwendi.”

JOSHUA 14:12

Ara anyun, konoo tulwooni ki kamwa Kamuktaindet ne Toroor eng' peetuunooto. Ki igas eng' peetuunooto ile ki mi Anagik olooto ak nganasook che eecheen che ng'ootaatiin. Imuuch komi Kamuktaindet ne Toroor kobooto, si aoon koba ko uu ye ki mwa ineendet.”

JOSHUA 6:27

Ki mi Kamuktaindet ne Toroor kobooto Joshua, ak ki yom emet komugul kalasunennyi.

JOSHUA 7:12

Nooto anyun amu nee si ma imuuchi piigap Israel kotononso eng' taitap puunikwak, komweune puunikwak amu kagoek che chubootiin. Ma ami kobootok kogeny ngot ko mong'em eng' kwenung'wong' tuguuchooto itabaanatiin.

KIRUOGIK 1:2

Kole Kamuktaindet ne Toroor, “Judah ne togostoi. Ogeero, kande emonooto eunnyi.”

KIRUOGIK 4:13

koyum kariisyekyik tugul, kariisyegap kariik pogol sogool ak piik tugul che ki mi ak ineendet, kong'etee Haroset, agoi aineetap Kison.

KIRUOGIK 4:3

Ki riirchi anyun `piigap Israel Kamuktaindet ne Toroor amu ki tinyei kariisyegap kariik pogol sogool, ak kiga konyaliil piigap Israel eng' kimnateet eng' kenyiisyek tiptem.

1 SAMUEL 18:12

Ki iywei `Saulo Daudi, amu ki mi Kamuktaindet ne Toroor kobooto ineendet, ak kiga kobagaakta Saulo.

1 SAMUEL 18:14

Ki tebi Daudi eng' ng'omnateet eng' ortinwekyik tugul ak ki mi Kamuktaindet ne Toroor kobooto ineendet.

1 SAMUEL 18:5

Ki wo Daudi oldo age tugul ole ki iyookto Saulo, ak ki tebi eng' ng'omnateet. Ki inde `Saulo ineendet koboi murenigap lugeet ak ki myeeit kioto eng' taitap piik tugul, ak eng' taitap otwogigap Saulo ak icheek.