KAITOSYEK 27:13 - BUKUIT NE TILIIL Sireet ne Dutero Kanon

¹³ Ak ye kaigeer, kiyumin aginye iwe ole mi piiguk, ko uu ye ki kiyum ng'eetap kamenng'ung' Aron.

Bukuit Ne Tilil

¹³ Ak ye kaigeer, kiyumin aginye iwe ole mi piiguk, ko uu ye ki kiyum ng'eetap kamenng'ung' Aron.

BUKUIT NE TILIL

¹³ Ak ye kaigeer, kiyumin aginye iwe ole mi biguk, ko u ye kigiyum ng’etab komet Aron:

KAITOSYEK 27:13 Iomraidhean Croise

TAUNET 25:17

Kenyiisyegap Ishmael che ki tar kosabei, ko pogol ak sosom ak tisap. Kingo lil ineendet, ko ki kigonor kobooto piikyik.

TAUNET 25:8

Ki ilil Abraham ko kagoosit miising', ko poiyot ne kiga konyi peetuusyekyik, ak ki kiyum kobooto piikyik.

KAITOSYEK 31:2

“Yaakyi mugetuut Midianik amu piigap Israel. Ye ibata nooto kiyumin iwe ole mi piiguk.”

KAITOSYEK 33:38

Ki togosta anyun Aron tisiindet tulweetap Hor, eng' ng'atuutyetap Kamuktaindet ne Toroor ak ki mechi olooto eng' kenyiitap artam kobooch ngap komang'une piigap Israel emetap Misiri eng' arawetap muut, eng' peetuut ne po tai eng' arawanooto.

NG'ATUTIK 1:37

Ki nereekyo Kamuktaindet ne Toroor amu okweek kole: ‘memandoi aginye olooto,

NG'ATUTIK 10:6

Ki pa piigap Israel eng' Berot Bene-jaakan agoi koit Mosera. Kime Aron ak ki kitupchi olooto. Ki yai Eleazar weeriinnyi tisiisyet kogeer ineendet.

NG'ATUTIK 31:14

Ki leenji Kamuktaindet ne Toroor `Musa, “Keero, kagoriik peetuut ne imee. Ara kuur Joshua anyun ak obe otononse eng' emait ne kituiyechin, si ang'at ineendet.” Ki pa anyun Musa ak Joshua, kotononso eng' emaitap tuiyet.

NG'ATUTIK 31:16

Yeityo koleenji `Kamuktaindet ne Toroor Musa, “Keero, neegit si iru kobooto kwanisyeguk. Ago ye iru, kong'eetyo pichu koibotkei ak kanamonik che po pororyosyek alak che po emet ole pendi kotebee kwenunnywa, kobagaakta ak kobut kayomisennyu ne ki kiyomiske ak icheek.

NG'ATUTIK 32:50

Si imechi tulweet ole itogosyini ak kiyumin kobooto piiguk, ko uu ye ki mechi Aron ng'eetap kamenng'ung' tulweetap Hor ak ki kiyum kobooto piikyik.

NG'ATUTIK 4:22

Ago amechini anee emoni, malandoe Jordan ago olandoi okweek oname emonooto karaaran.