KAITOSYEK 21:7 - BUKUIT NE TILIIL Sireet ne Dutero Kanon

⁷ Ki pa `piik kap Musa koleenji, “Kogeyai tengekto amu ko king'unyng'ung'ji Kamuktaindet ne Toroor kobooten. Saa Kamuktaindet ne Toroor si koistoenech erenochu.” Ara kisaachi `Musa piik.

Bukuit Ne Tilil

⁷ Ki pa `piik kap Musa koleenji, “Kogeyai tengekto amu ko king'unyng'ung'ji Kamuktaindet ne Toroor kobooten. Saa Kamuktaindet ne Toroor si koistoenech erenochu.” Ara kisaachi `Musa piik.

BUKUIT NE TILIL

⁷ Ak kiba bik oldab Musa, kolenji, Kogeyai tengekto, amu koging’unyng’ung’ji Jehovah koboten; sa Jehovah, si koistoenech erenochu. Ak kisachi Musa bik.

KAITOSYEK 21:7 Iomraidhean Croise

TAUNET 20:17

Ki sa anyun `Abraham Kamuktaindet, ak ki isoop `Kamuktaindet Abimelek, ak kwondonyi, ak chebaigeinikyik, ak ki sich lagok.

TAUNET 20:7

Ara anyun imutyi nguno kwonyi chiitap ko po, amu maotyoo inee si kosaun si isap. Ago ngot ko meweekte, inai ile imee ne matiny, inyee, ak tuguuk tugul che itinye.”

1 LAITORINIK 13:6

Ki wolji `laitoryat chiitap Kamuktaindet koleenji, “Igaigai Kamuktaindet ne Toroor Kamuktaindeng'ung' ak isaiywa, si koweek eunnyu kogeny kosap.” Ak ki sa `chiitap Kamuktaindet ne po Toroornatet, ak ki week eutap laitoryat kogeny kosap ak koigei kiit ne ka uu eng' tai.

2 LAITORINIK 13:4

Ki riirchi Jehoahas Kamuktaindet ne Toroor ak ki kasyi `Kamuktaindet ne Toroor ineendet, amu ki keer nyalildap Israel, ole ki inyalildoi laitoryatap Syria.

Kitabuutap JOB 42:10

Kowal anyun `Kamuktaindet ne Toroor ratetap Job, ye kingo sa agobo choronokyik. Ki igoochi `Kamuktaindet ne Toroor Job konyil aeng' kosiir che ki tinyei eng' tai.

Kitabuutap JOB 42:8

Onam anyun kiruugik tisap, mengichik tisap ak okweri koba kap Job otwogindennyu, yeityo ogoitochigei koek kagoochinet ne kibeelei; si kosaiywok Job otwogindennyu. Amu kachamji, si ma yaiywok ko uu abusnateng'wong'; amu tomo omwa kiit ne po iman agobo anee, ko uu ye komwa otwogindennyu Job.”

TIENWOGIKAL 106:23

Ki mwa anyun kole ng'emei ineendet icheek amu nooto, nda ki ma tonon Musa, nenyi ne ki kilewen eng' tainnyi kota oiyo, koweekta nereegekyik, si ma par icheek.

TIENWOGIKAL 78:34

Ye kingo par icheek, kocheeng' anyun icheek ineendet: Ak ki week kocheeng' Kamuktaindet eng' kagiiletapkei.

KOMONG'U 10:17

Nooto anyun, asaain ale nyoiywo kaat amu tengektonyu niito ineegei, ak osaa Kamuktaindet ne Toroor Kamuktaindeng'wong', koistoena meoni kityo.”

KOMONG'U 32:11

Ki igaigai `Musa Kamuktaindet ne Toroor Kamuktaindennyi, koleenji, “Ee, Kamuktaindet ne Toroor, amu nee si kolalyo nereegeguk agobo piiguk che ki imutu komang'une emetap Misiri eng' kimnateet ne oo ak eng' euut ne kiim?

KOMONG'U 32:30

Eng' peetuut ne ki isubi, koleenji `Musa piik, “Ki oyai tengekto ne oo. Katogoste anyun nguno awe ole mi Kamuktaindet ne Toroor, tamangap ayai kagaigaet agobo tengektong'wong'.”

KOMONG'U 8:28

Kowol kole Pharaoh, “Agoonok obe pandang'wong' si kobiit ogoochi tiseiywot Kamuktaindet ne Toroor Kamuktaindeng'wong' eng' surkwen. Ago mat obe anyun ole loo miising', ak osaaiywo agane.”

KOMONG'U 8:4

Togostaenen inyee, piiguk ak otwogiguk tugul mororochik.’ ”

KOMONG'U 8:8

Ki kuur anyun `Pharaoh Musa ak Aron ak koleenji, “Oriirchi Kamuktaindet ne Toroor, si koistaena anee ak eng' piikyuk mororochik, ak amete anee piik koba kogoochi Kamuktaindet ne Toroor tiseiywot.”

ISAIAH 26:16

Ee Kamuktaindet ne Toroor, ki kobwonjin icheek eng' nyalilda, kisaain ye kiitigon icheek.

JEREMIA 15:1

Yeityo koleenjo anyun Kamuktaindet ne Toroor, agot nganda kiga tononso Musa ak Samuel eng' tainnyu, ko matokyingei kabwaatutikyuk pichu. Iste eng' tainnyu, koba.

JEREMIA 37:3

Ak ki iyookto Zedekiah laitoryat Jeukal weeriitap Selemya, ak Zephaniah weeriitap Maaseia tisiindet, koba kapmaotyot Jeremiah, koleenji saiywech anyun Kamuktaindet ne Toroor, Kamuktaindennyo.

HOSEA 5:15

Aweekyinigei anyun oldanyu, agoi kong'aany chalwoktanywa ak kocheeng'a. Eng' nyalildanywa ko cheeng'a icheek eng' kagiiletapkei.

KAITOSYEK 11:2

Ki riirchi anyun `piik Musa ak ki sa `ineendet Kamuktaindet ne Toroor ak kogesunotkei maat.

MATAYO 27:4

Ki mwa kole, “Kaalel amu kaang'wekte korotiik che ma tinyei tengek.” Ago ki wol icheek kole, “Tiing'enech nee ng'aleeguk? Rar inyegei.”

POISYONIGAP CHE KIYOKTOI 8:24

Ak ki wol Simion kole, “Osaiywa Kiptaiyat, si ma pwanjo agot agenge tuguuk che kaomwaiwo.”

ROMANIK 10:1

Che kitupche, mageetap muguleldanyu ak soomennyu eng' Kamuktaindet agobo icheek ko ale kesar icheek.

NG'ATUTIK 9:20

Ki nereekyi `Kamuktaindet ne Toroor miising' Aron komachei kobar, ago ki asaa agobo Aron eng' yooto agine.

JAKOBO 5:16

Ong'aang'jige anyun kachiliilutikwok okweegei, ak osachinigei okweegei, si kobiit kisaabok. Toretisyei miising' saaetap chiito ne po imanda ngo saa eng' kagiiletapkei.

1 SAMUEL 15:24

Ak ki mwachi `Saulo Samuel koleenji, “Koayai tengekto amu koabistoe ng'atuutyetap Kamuktaindet ne Toroor, ak ng'aleeguk. Amu koaiywei piik ak agas iit kutinnywa.

1 SAMUEL 15:30

Komwa Saulo kole, “Koayai tengekto, ago asaain kora ale konyita nguno eng' taitap poisyegap piikyuk ak eng' Israel ak ingeweigei tuwai, si agutung'ji Kamuktaindet ne Toroor Kamuktaindeng'ung'.”