KAITOSYEK 15:25 - BUKUIT NE TILIIL Sireet ne Dutero Kanon

²⁵ Ingoyai anyun tisiindet kagaigaet agobo tuiyet komugul ne po piigap Israel, ak kenyochigaat amu ko lelutyennywa koma eng' kwetyinet, ak kagoget kagoochinennywa ne punei maat ne kigoochin Kamuktaindet ne Toroor, nooto kagoochinennywa ne po tengekto eng' taitap Kamuktaindet ne Toroor.

Bukuit Ne Tilil

²⁵ Ingoyai anyun tisiindet kagaigaet agobo tuiyet komugul ne po piigap Israel, ak kenyochigaat amu ko lelutyennywa koma eng' kwetyinet, ak kagoget kagoochinennywa ne punei maat ne kigoochin Kamuktaindet ne Toroor, nooto kagoochinennywa ne po tengekto eng' taitap Kamuktaindet ne Toroor.

BUKUIT NE TILIL

²⁵ Ak koyai tisiindet kagaigaet agobo tuiyet komugul ne bo lagokab Israel, ak kenyochi kaat; amu ko lelutiet, ak kagoget kagochinenywa, kagochinet ne bunei mat ne kigochin Jehovah, ak kagochinenywa ne bo tengekto eng’ taitab Jehovah, amu lelutienywa:

KAITOSYEK 15:25 Iomraidhean Croise

AMDOINDET 5:6

Amengogoochi kuting'ung' poortang'ung' koyai tengek anan imwa eng' taitap malaikaiyat ile, “Ki lelutyet.” Amu nee anyun si konereekyi Kamuktaindet kuting'ung' ak kong'em poisyonigap euneguk?

ATEPTAP LAWIK 15:15

ak kogoito tisiindet chooto kobunji age kagoochinetap tengekto, kobunji age kagoochinet ne kibeelei. Yae tisiindet kagaigaet eng' taitap Kamuktaindet ne Toroor agobo ineendet amu kuserennyi.

ATEPTAP LAWIK 4:20

ak koyachi kirgooto ko uu ye ki yachi kirgit ne po kagoochinetap tengekto. Eng' niito anyun koyae tisiindet kagaigaet agobo icheek ak kenyochigaat.

ATEPTAP LAWIK 4:26

Ak kobeel mwanikyik tugul eng' kaptisisyet, ko uu ye kiyachin mwanigap tiseiywot ne po kagoochinoigap kaalyeet. Yaei kagaigaet ko uu niito tisiindet agobo ineendet amu tengektanyi, ak kenyochigaat.

ATEPTAP LAWIK 4:31

Ak kobut mwanikyik tugul ko uu ye kibutei mwanigap tiseiywot ne po kagoochinoigap kaalyeet. Yeityo kobeel tisiindet eng' kaptisisyet koek nyamdutyet ne anyiny eng' Kamuktaindet ne Toroor; ak koyai tisiindet kagaigaet agobo ineendet ak kenyochigaat.

ATEPTAP LAWIK 4:35

Ak kobut mwanikyik tugul ko uu ye kibutei mwanigap keechiiryet ne po tiseiywotap kagoochinoigap kaalyeet. Ingobeel tisiindet chooto eng' kaptisisyet ak konde paragutap kagoochinoigap Kamuktaindet ne Toroor che punei maat. Eng' niito, koyaei tisiindet kagaigaet agobo ineendet amu tengektanyi ne koyai, ak kenyochigaat.”

LUKA 23:34

Ak ki le Jeso, Abba, nyochi kaat icheek; amu ma nai kiit ne yaei. Ak kipchechigei ngoroikyik, eng' seretap parbareek.

POISYONIGAP CHE KIYOKTOI 13:39

ak kiityin imanda eng' ineendet age tugul ne iyani, eng' tuguuk tugul, che koma komuuchi koiityok imanda ng'atuutyetap Musa.

ROMANIK 3:25

ne ki inde Kamuktaindet koek kaptisiisyo eng' kayaneet, eng' korotiikyik, si kobarta imandanyi, amu kachundaetap tengekwogik che ki kisip keyai, eng' muitaetap Kamuktaindet;

NG'ATUTIK 21:21

Ye Ibata kolage koik murenik tugul che po nganasennyi agoi kome. Iste anyun yaityet ko uu nooto eng' kwenung'ung' si kogas Israel tugul ak koywei.

HEBRANIK 2:17

Eng' nooto anyun kinyolji keyai ineendet eng' tuguuk tugul kogergeit ak tupchosyekyik, si kobiit koek tisiindet ne oo ne po rireenetapkei ak ko po iman eng' tuguuk che tokyingei Kamuktaindet, si kobiit koyai tisiisyet agobo tengekwogigap piik.

HEBRANIK 9:7

ago, kiwendi tisiindet ne oo ineegei emait ne po aeng' konyil agenge eng' kenyiit, ama wendi ama tinyei korotiik, che igoitoi agobo kei, ak agobo lelutigap piik.

1 JOHANA 2:2

ak ineendet tiseiywot ne po tengekwogikyok; ago ma po tengekwogikyok kityo, ago po komugul ng'wony agine.