JOHANA 8:37 - BUKUIT NE TILIIL Sireet ne Dutero Kanon

³⁷ Angen ale oo kesweegap Abraham; ago ocheeng'e obara, amu ma tinyei ng'olyoondennyu ole tebee eng' okweek.

Bukuit Ne Tilil

³⁷ Angen ale oo kesweegap Abraham; ago ocheeng'e obara, amu ma tinyei ng'olyoondennyu ole tebee eng' okweek.

BUKUIT NE TILIL

³⁷ Angen ale o keswekab Abraham; ago ocheng’e obara, amu matinyei ng’olyondennyu ole tebe eng’ okwek.

JOHANA 8:37 Iomraidhean Croise

MATAYO 13:15

Amu kwalilenotin mugulelwegap pichu, ak ma kastoi komyee iitiikwak, ak ki kogeer konyekwak, si ma keer eng' konyekwak, anan kogas eng' iitiikwak, anan koguiyo eng' mugulelwekwak, si koweek kogeny ak asoop icheek.’

MATAYO 3:9

Amat obwaat ole, ‘Ki tinyei kwandanyo Abraham,’ amu amwaiwok ale, imuuchi Kamuktaindet kong'eetyi Abraham lagok eng' koichu.

JOHANA 10:31

Ki nam anyun Yahudik koik kogeny koleen kolach ineendet.

JOHANA 11:53

Kobooch peetuunooto anyun ak kwo tai, korwoogot agobo ole partoi ineendet.

JOHANA 5:44

Omuuchi eng' nee oyan, che otaagegei kalasunet, amocheeng'e kalasunet ne punu Kamuktaindet ne mi ineegei?

JOHANA 7:1

Ak kingo pata tuguuchu kowendot Jeso eng' Galilaya: amu ma cham kowendot eng' Judea, amu ki cheeng'ei Yahudik kobar ineendet.

JOHANA 7:19

Tos ki ma koonok Musa Ng'atuutyet, ago ma mi chii eng' okweek ne yaei Ng'atuutyet? Amu nee si ocheeng'e obara?”

JOHANA 7:25

Ki mwa alak eng' chooto po Jerusalem kole, “Ma ineendet ni ne kocheeng'ei icheek kobar?

JOHANA 8:33

Kowolji icheek ineendet koleenji, “Ki kesweegap Abraham, ak tomo keegu otwogigap chii age tugul ole kinye kora. Imwaitoi ano anyun ile, ‘Kityaachok?’ ”

JOHANA 8:43

Amu nee si monai chooto amwae? Amu momuuchi ogas ng'olyoondennyu.

JOHANA 8:56

Ki paibai kwandang'wong' Abraham kogeer peetuunnyu; ak ki keer, ak kogaskei.”

JOHANA 8:59

Ki inem anyun koik komachei kowiire ineendet: ago ki unygei Jeso, ak komanda eng' Hekaluut.

JOHANA 8:6

Ki mwaei ng'olyoondoniito kotyemei ineendet, si kosich kiit ne kitaame. Ago ki ing'uruuk Jeso, kosir ng'wony eng' mornennyi.

POISYONIGAP CHE KIYOKTOI 13:26

“Che kitupche, lagogap kesweek che po Abraham, ak alak che mi kwenung'wong' che iywei Kamuktaindet, kagiyokwech acheek ng'olyoondoni po yetunet.

ROMANIK 9:7

ama keele lagok icheek tugul, amu kesweegap Abraham: ago, Kiguurtoe Isak keswondeng'ung'.

1 KORINTOEK 2:14

Ma taachei chiito ne mi eng' atebeetap poorto tuguuk che po Kabuusetap Kamuktaindet: amu perberyo eng' ineendet; ak temenee koobeesyo tuguuchooto, amu naoksei eng' toretetap Kabuuset.

1 JOHANA 2:14

Kasirwak kwanisyechu, amu ongen ineendet ne ki mi kobooch taunet. Kasirwak murenju, amu oo kiimeen, ak komenyok ng'olyootap Kamuktaindet, ak ki oterter ineendet ne ya.