JOHANA 3:11 - BUKUIT NE TILIIL Sireet ne Dutero Kanon

¹¹ Amwaun, iman, iman, ale kimwae ne kingen, ak kebaoryanjini ne kagegeer; amotaache paornatennyo.

Bukuit Ne Tilil

¹¹ Amwaun, iman, iman, ale kimwae ne kingen, ak kebaoryanjini ne kagegeer; amotaache paornatennyo.

BUKUIT NE TILIL

¹¹ Amwaun, iman, iman, ale, Kimwae ne kingen, ak kebaorianjini ne kagegeer; amotaache baornatennyo.

JOHANA 3:11 Iomraidhean Croise

ISAIAH 50:2

Kilya si ma piit chii ye ki anyoone? Kinga kuurse koma piit chii ne wolu? Tos kigonwagit eunnyu kot koma imuuch kotyach? Anan ma tinyei kamuget ne asaruunee? Keero, ateenyi nyanjet eng' kergong'yennyu, ayae ainoosyek koek surkwen: poldos njireenikwak, ak kobek eng' melelda, amu ma mi peek.

ISAIAH 53:1

Ng'oo ne ki iyan ng'aleekyok? Ak ki king'aang'ji ng'oo eutap Kamuktaindet ne Toroor?

ISAIAH 55:4

Ogeero, ki agoite ineendet koek paoryat eng' pororyosyek, koek kandoindet, ak ko ng'atindet ne po pororyosyek.

ISAIAH 65:2

Ki aitoochi eunekyuk peet komugul piik che ingeleldos, che pendote ooreet ne ma karaaran, che pendote kabwaatutikwak;

MATAYO 11:27

Ki kogoono tuguuk tugul Abba: ama mi ne ingen Weeriit, kobatee Kwanda; ama mi ne ingen Kwanda kobatee Weeriit, ak chii age tugul ne chamei Weeriit kong'aang'jin.

MATAYO 23:37

“Ee Jerusalem, Jerusalem, ne parei maotik ak kolage koik icheek che ki kiyookyi! Ki amach konyil ata ayum lagoguk ko uu ye iyumi ngokyet aarekyik eng' kebebaikyik, ago ma ocham!

LUKA 10:22

“Ki kogoono tuguuk tugul Abba: ak ma mi chii ne ingen Weeriit kole ng'oo, kobatee Kwanda; ama nai chii Kwanda kole ng'oo, kobatee Weeriit, ak chii age tugul ne chamei Weeriit, kong'aang'jin.”

JOHANA 1:11

Ki nyoonji chechiik, ak ki ma taach ineendet `piikyik.

JOHANA 1:18

Ma mi chii ne ki keer Kamuktaindet ole kigoi; kigong'ang'wech Kamuktaindet Weeriit ne ki kisich ineegei, ne mi tegetap Kwanda.

JOHANA 12:49

Amu ki ma amwae aneege; ago ki koono Kwanda ne ki iyookwo, ng'atuutyet, ne kanyool amwa, ak ne kanyool aamda.

JOHANA 14:24

Ineendet ne ma chama ko ma riibei ng'aleekyuk: ak ma nenyu ng'olyoot ne ogase, ago po Kwanda ne ki iyookwo.

JOHANA 3:12

Ngamwaiwok tuguuk che po ng'wony, amoyani, omuktoi ano oyan ngamwaiwok tuguuk che po kipsengwet?

JOHANA 3:13

Ma mi chii ne ki togosta kipsengwet, kobatee ineendet ne ki choorgei eng' kipsengwet, ineendet ko Weeriitap chii ne mi kipsengwet.

JOHANA 3:3

Kowolji Jeso koleenji, “Amwaun, iman, iman, ale, ngot koma ki sich chii eng' sigeet ne leel, koma koi imuuch kogeer laitornatetap Kamuktaindet.”

JOHANA 3:5

Kowolji Jeso koleenji, “Amwaun, iman, iman ale, ngot koma ki sich chii eng' peek ak Kabuuset ne Tiliil, koma koi imuuch komong'ji laitornatetap Kamuktaindet.

JOHANA 5:43

Ki anyoo eng' kainetap Abba, ama otaacha: ngo nyo age eng' kainennyi otaache ineendet.

JOHANA 7:16

Kowolji anyun Jeso koleenji, “Kaneetisyennyu koma nenyu, ago po ineendet ne ki iyookwo.

JOHANA 8:14

Kowolji Jeso koleenji, “Agot ngabaoryanjinigei, ko po iman paornatennyu; amu angen ole abunu, ak ole awendi; ago mongen ole abunu, anan ole awendi.

JOHANA 8:26

Atinye tuguuk che chaang' che amwae ak che arwoochi agobo okweek: ago po iman ineendet ne ki iyookwo; ak amwachini ng'wony tuguuk che ki agas eng' ineendet.”

JOHANA 8:38

Amwae tuguuk che ki ageer eng' Abba: ak oyae tuguuchooto ki ogas eng' kwandang'wong'.”

POISYONIGAP CHE KIYOKTOI 22:18

ageer ineendet koleenjino, ‘Igirgir, chaakte, mande eng' Jerusalem, amu mataachei paornateet eng' inyee agobo anee.’

2 KORINTOEK 4:4

eng' icheek che katuch kamuktaindetap ng'wonyuni kabwaatutigap che ma iyani, si ma iluuchi icheek lapkeiyetap logoiywek che myach che po toroornatetap Kristo, ne ineendet ko itoondap Kamuktaindet.

NG'ANG'UTYET 1:5

ak che punu Jeso Kristo, paoryat ne po iman, taita ne po che ki kobek ak ko pounindetap laitorinigap ng'wony. Ingobunji ineendet ne chamech ak ne kiityaachech eng' tengekwogikyok eng' korotiikyik,

NG'ANG'UTYET 3:14

“Ak isirchi malaikaiyatap kaniset ne mi Laodikia, ileenji: “Mwaei tuguuchu ineendet ne Amen, paoryat ne kiyani ak ko po iman, taunetap yaetap Kamuktaindet: