JOHANA 19:5 - BUKUIT NE TILIIL Sireet ne Dutero Kanon

⁵ Komong' Jeso anyun konyo saang', ko kerat metit eng' ngatyetap katook, kolaaganu ngoryonooto aruus ne piriir. Ak koleenji Pilato pichooto, “Ogeer chiichi anyun o!”

Bukuit Ne Tilil

⁵ Komong' Jeso anyun konyo saang', ko kerat metit eng' ngatyetap katook, kolaaganu ngoryonooto aruus ne piriir. Ak koleenji Pilato pichooto, “Ogeer chiichi anyun o!”

BUKUIT NE TILIL

⁵ Komong’ Jesu anyun konyo sang’, ko kerat metit eng’ ngatietab katok, kolaagonu ngorionoto arus ne birir. Ak kolenji Pilato bichoto, Ogeer chichi anyun-o!

JOHANA 19:5 Iomraidhean Croise

ISAIAH 40:9

Togoste tulweet ne kooi ee Zion, inyee ne imwatoi logoiywek che myach; waach miising' eng' kimnateet ee Jerusalem, inyee ne imwachini logoiywek che myach; waach, ameiywei; mwachi nganasoogap Judah ileenji, ogeer, Kamuktaindeng'wong'!

ISAIAH 43:1

Ago mwaei anyun Kamuktaindet ne Toroor ne kiyain kole ee Jakobo, ak ineendet ne kimimiin, ee Israel: kole, meiywei, amu ki atyachin; ki aguurin eng' kaineng'ung', ii nenyu.

ISAIAH 7:14

Koonok anyun Kiptaiyat ineendet kaboorunet; ogeero, manachi pergeiyat, ak kosich weeriit, ak koguuree kainennyi Immanuel.

RIREKAB JEREMIA 1:12

Tos ma kiy eng' okweek, okweek tugul che osiirtoi? Ogeer ak obwaat ngo mi arageneet age tugul ne uu aragenennyu, ne ki kiyaiywo, ne ki inyalilena Kamuktaindet ne Toroor eng' peetuutap nereegekyik che ng'woneen.

MATAYO 27:29

Kitaa ngatyetap katook ak konde metinnyi. Ki inde tegat eunnyi ne po tai ak ko kutung'so eng' tainnyi ak kochotei koleen, “Kigatin, Laitoryatap Yahudik!”

JOHANA 1:29

Eng' peetuut ne po aeng' kogeer `Johana Jeso konyonjin, ak kole, “Ogeero, Aarwet ne po Kamuktaindet, ne ibei tengektap ng'wony!

JOHANA 19:2

Ak kita kiplugotinik ngatyet ne po katook, ak konde metit, ak kolaakyi ineendet ngoryeet ne aruus ne piriir;

HEBRANIK 12:2

kegeere Jeso ne kandoindet ak ko kawong'unindet ne po kayaneet, ne kimuita eng' kimurtoiyot amu poiboiyet ne ki kinde tainnyi, ak kosas kalilanet, ak ki kotebee eutap tai ne po ng'echereetap laitornatet ne po Kamuktaindet.